الحبيب شوقي
الخوف من دون الله مزلة أو في رواية أخرى الخوف من دون الله إشراك
(من الأقوال التي كانت ترددها دوما مدينة بدري - المرأة المباشرة)
هذا هو أنت تجسد هذة القولة بكل معانيها - حفظك الله
الغريبة في موضوع أخونا دكتور خالد المبارك، أني مرة كتبتا حاجة ذي بتاعاتك دي (بتاعات الصراحة هاجمتني مرة تانية) وقراها الدكتور وعلمت من الحبيب أحمد بدري أنو الدكتور إتصل بيهو وبيسألو عن صلة قرابة بابكر مخير بي ناس بدري والسبب: أنو قريت موضوع فيهو صراحة وبيشابه طريقة ناس بدري في المباشرة.
يبقى أخونا الدكتور عارف (الصراحة بتهاجمنا مرة تانية وتالتة)...
طبعاً إنت إعتذرت عن خطاء حدث ولابد أن الدكتور بيكون تفهم الموضوع.
انا إن ليا والله بلقى العذر لو مادرت البس الطاقية،
ماهو ممكن يكون البار مرتبطة بالقولة (الإبن البار أو إبن السودان البار) ودي لو إتقالت للدكتور ما أظنو كان بيزعل منها. أيه رأيك لو نعدلها كدا.
يا شوقي يا حبيبي
إنت في أرقى دول العالم (حسب شهادتك) والدولة دي فيها ملك أو ملكة ما عارف لكن رأسها ملكية. وبي لغتكم ضروري بيقولو ليها أو ليهو السيدة أو السيد أو ما يعادلها؛ إذن قولة سيد أو سيدة لا يعني التخلف،،،
ما أهو الواحد بيقول الحبيب والحبيبة وتفسير الكلمة دي يعني حب وعشق لو أخذت بالسطحية يمكن ناس ما ترضاها ولو أخذت بنظرة راقية هي درجة رفيعة لصلة أو علاقة سامية.
وعشان كدا إنت حبيب وجادين حبيب وسلفاكير حبيب والدكتور خالد حبيب ولو تتذكر دكتور لبيب عبدالله وحبيب عبدالله.
وإنت السيد وأنا السيد ما زادت ولا نقصت لأنو إنتا إنت وأنا أنا
لك حبي ودوئ يا مزيكة
تتذكر من أقوال أبو الكل الله يرحمو
(والعندو الهوا يحوشو)
|