اقتباس:
المشاركة الأصلية كتبت بواسطة فيصل سعد
يا ابو رحيق، تاني مرحبا يا شوقي، تاني،
ما اديناك ليها في بوست وردي أغنيات
منسية،، بعدين ياخ الغنية دي بالذات
اسمعها مرة مرتين في السنة كفاية.
ابقى طيب..
|
تعرف يا باذخ
الاغنية دي بالتحديد بالنسبة لي
ترياق حياة ياخ
وهي ملاذي الآمن من وعكات الدنيا الروحية
الروح تعبانة شديد ياخ
الليلة تحديدا ناس اذاعة إف إم 100 إذاعة البيت السوداني رفعوا لي ضغطي والله
في اماااان الله قاعد لي تحت شجرة ضلها رامي وهمبريب بااااارد وجميل
جابوا الاغنية دي وصوت وردي يملاك بالزهو
جاء علي زميل لينا في الشغل هنا زول براااااااي شديد ياخ
حسمتو وقهمتو وقلت ليه الاغنية دي بالتحديد ما عاوز اسمع معاها اي صوت تاني ... انا زي الزول القاعد يصلي .. فشنو ... اسكت ياخ
الغريبه احترم كلامي وهو ذاتو قعد يستمع
الاغنية وصلت نصها بس
الساعة اليوقفوها وينزلوا ليهم إعلان وبعده نشرة إقتصاديه
والله من غير ما اشعر قدامي كان في تربيزه .. شتها برجلي وسبيت لطارق البحر مدير الاذاعة وكل منسوبي الاذاعة ذاتها ياخ
فشنو يا باذخ ...
دناوتي دي ما ساكت والله
انت ولا ود عثمان الفنان ولا بقية الشباب الحلوين هنا
مرحبا يا شوق ياخ