[قرقاش]

المشاركة الأصلية كتبت بواسطة رأفت ميلاد

سفينة شنو أنت كمان هى sudan line باعوها .. ولله كان لميت لىً فى شلضيمة فيك زى القرد ده أرتاح

الحبيب رافت ..والله سودان لاين حرقه شديده تب ..اليونانى يبتدى بى مركب اى كلام يكون خرده يشتريه من البحريه الامريكيه ب 300 ولا 400 الف دولار ..ويرفع وراءه علم بنما او ليبريا ..ومن ديك وعيك سنه واحده تلقى عنده عشره بواخر ...
اولا بواخرنا شغل يوغسلافيا ..وبصراحه شغل تعبان شديد ..وربما عمنا شوقى بدرى ....يمكن له ان يقول المزيد لو اتفق معنا فى الراى ..
تانى شئ .. نحن شعب ماعارف اقولها ليك كيف ..؟ يعنى لا اقصد جلد الذات ..ولكن فينا من العيوب المدهش ..اولها المجاملات . عندنا قوانين بليده تدمر اى شئ .... وحتى الان هناك قوانين تدمر الاستثمار والصناعه ..وغير مقدور عليها ..الا بثوره ظالمه ..المهم اؤكد ان سودان لاين حملت عفش وعربات وما لايعلمه الا الله ...لمسؤلين او موظفين فى الدوله مجانا وكما تذاكر سوانير ... باختصار نعم سودان لاين بيعت ...وقبل ان تباع استغلت استغلال بليد..وكل هذا مارسه سودانيون اكرر سوادانيون ..جبهجيه ولاكيزان ولا شيوعيه ولا شيطان المؤكد انه سودانيون ... اما انهم استغلوا المعرفه او القوانين او من الاساس هم لصوص ..
رافت لك التحايا والامنيات الطيبه ..لكين برضه ياحبيب كدى اقلع النظاره ساعه واحده بس وشوف الحاصل شنو وارجع البسه تانى ..