[ناصر يوسف]

المشاركة الأصلية كتبت بواسطة عبد المنعم حضيري

يا ناصر صباح الخير

ياخ الطير يرقص مذبوحاً من الألم

والحكاية عرضحالات ساي زي ما قالت جيجي

كسرة: إنت جيجي دي فيها عرق رباطاب (القصد الذكاء الفطري حق الرباطاب)

تحياتي

المشاركة الأصلية كتبت بواسطة ود الخير

ابو جعفر يا حبيب
هولاكو راجع لي وراء هسي ووصل الحصاحيصا والكورة في سوبا،، قول نسأل الله الثبات ،، يا اخ والله الحياة دي ما صعبة قدر دا ،، نتمنى ان ما يصيبك ما ييزعج وكمان ناس سودانيات اتمنى أن كل زول يعصر عاى نفسو شوية عشان المحل يشيلنا مع مطايبة النفوس،،،

المشاركة الأصلية كتبت بواسطة فيصل سعد

"الملافظ سعد " يا ابو جعفر، انني ادينك و انتقدك و أعلن عدم الرضا و الاستحسان و القبول بأن تنعت الأخ الفاضل الأكرم أمين عام سودانيات بهذا القبح، و الرجل مشهود له بالحكمة و الصبر و حسن الأخلاق و المعشر و السلوك و التجرد و نكران الذات منذ أن عرفناه في هذا المكان الطيب العامر. انا فيصل سعد، عضو منبر سودانيات، اعطيك فرصة اخي ابو جعفر لمراجعة نفسك و الاعتذار عن هذه الاساءة لهذا الرجل، و في حال رفضك و عدم قبولك لهذا الرجاء، أتقدم فيك بشكوى رسمية لمجلس إدارة سودانيات و ممثل المالك للنظر في هذه الاساءة الموجهة للامين العام لمنبر سودانيات، و أن لا تمر هذه الاساءة مرور الكرام..


في أمان الله..

أها ،،،

جاك كلامي يا أبو جعفر ياخ

نحن بقت زي الما فارقه معانا

نطلق الألفاظ والإتهامات علي الناس سااااااكِت كدي بلا أيتُها سند نستند عليه

لأ كمان شنو ،،

الإستهتار والإستخفاف ببعض


تعرف يا ابو جعفر أنا لو رجعوا لي الزمن ده لا وراء شوييية كده

ما كنت القلتو قبل كدي في حق زملاء هنا


والله العلي العظيم دي فرصة سانحة وسمحة وكويسة جداً بإني أعتذر للصديق

عادل عسوم

وللزميلة أم التيمان

ولكل أعضاء سودانيات

لأني في يوم من الأيام قلت لعادل عسوم ،،، إنتَ زول شنو كده ما عارف
وقلت لأم التيمان برضو ،،، إنتي شنو كده ما عارف

وقلت عن المنبر بإنو قاعد يسوي في شنووووو كده برضو ما عارف


و ( برضو ما عارف دي ) ،،، قلتها بس عشان ما أكرر الغلط مرة تانية هنا
بالرغم من إني وإنتوا والقراء عارفين انا كان قلت شنو هنا كردة فعل وبإنفعال ذائد ،،، ديت ( طرشت ) كلامي الأعمي داك هنا

فأعتذر ليكم ولعادل عسوم ولأم التيمان والله إعتذار بصدق شديد ومن القلب كمان


والله العلي العظيم يا شباب ،،، يمكن لي فترة كده برااااااااي قاعد أقول لنفسي ،،،

هوي هه ،،، ديمقراطية شنو وعوارة شنو البتنفع مع أهلك السودانيين ديل ،،،

ديكتاتوريييييييييييييه 100 الــ 100 ،،، أخير من عُوار الديمقراطية

وكلمة عُوار دي ما بقصد بيها زول هوي هه عشان ما يجيني زول يقول لي بتناقض فوق روحك براك مالك

بعني بيها الفعل الديمقراطي العام الممارس هنا في سودانيات وفي غير سودانيات في حياتنا العامة


أسأل الله ليه ولكم الهداية قولوا آمين ياخ


علييييييكم الله قولوا آميييييييييييييييييييييييييييين ،،،