[رأفت ميلاد]

يا كيشو أنت أوف بوينت

الكلام الكتبتو عن غياب أبو جعفر تمهيد لى نقدى أنا وهو ما عندو الفرصة يرد علىّ .. كلامك أنت ممكن يفطو عادى

ثانينا ما قصدته بـ(القساوة) هى بث الشعور بالذنب حتى لو ما أقتنعوا بيه بالعقل .. وهو بالمناسبة ما مقنع وما محلو وما ليهو علاقة بصاحبك بتاع الربا* .. المسئولية الموكولة عليهم ما ذات علاقة بتصرف الآخرين ويبقى القانون والأخلاق سيد الموقف .. على كده أى حكومة لازم تستقيل .. البلد زى ما فيها الصالحين فيها الطالحين وكفار وملحدين .. ونحن بلد صغيرونة فيها كل حاجة .. ما تسمع كلام ناصر وبيتنا وحاجات حالمة كده

*صاحبك ده ذاتو شلت حالو ساكت .. لامن تقول الربا سويتو زى ود الحناوى أو شرلوك اليهودى .. زولك غالباً بتعامل مع بنك .. وزى ما قال عمك الجابو قرقاش كل البنوك زى بعضها بس هم لحنونا بمرابحة (الأخيرة من عندى)

يوم قابلت أربعة حلفاويين فى البنك الهولندى السعودى فى جدة .. موقفين البنك على كراع .. خاتين ليهم مليونين دولار فى البنك من زمن ودايرين يسحبوها ويقفلوا الحساب وقالوا ما عايزين الفايدة .. البنك محتاج إتصالات مع الرئاسة وإجراءات للحالة الشاذة دى .. قالوا ما بستنوا ولا دقيقة تدونا قروشنا هسة وتقفلوا الحساب