سلامات يا عثمان
طبعآ قريت ردك و أنا في الشغل أمس بالليل
قعدت أضحك زي المجنونة
إتلموا ناس من الزميلات يعاينوا في الجهاز(مع إنه ممنوع في العمل)
و سألوني.. قلت ليهم كلام مضحك
ردوا في صوت واحد...
that is not fair, we can not read
دة ما عدل ما بنعرف نقرأ كلامكم
شرحت ليهم الحاصل...
تعرف بقوا يضحكوا أكتر مني..و خفنا ينقلب جو العمل الجاد لشئ تاني
فقفلت الموضوع
يا عثمان..مش عيب ياخي تاكل حاجة مر عليها الحول 4 مرات؟؟
و دفعت الزكاة فيها و لا لأ؟
أولآ....... سلامتك و الجاتك في بطنك سامحتك
كان ممكن تكون نزلة معوية مزمنة توديك التوج
لكنك زي الأُطَطْ بسبعة أرواح
أعجبني تلميحاتك لأسماء الدلع من ناس الحكومة لأمراض الإسهالات الخطرة..
زي الكوليرا..بقت إسهال مائي(قال مائي قال)
ثانيآ...
سؤال على جنب
بالوظة يعني شنو؟؟!!
سلام تاني و مشتاقين يا أخي
|