لو بالجد
قيادات الحزب، مادبو والحاج نقد الله وإسماعيل آدم ودكتور فضل الله (اللله يرحمه) وحريكة وأسماء تسد الشمس بس لو قصدك رئيس الحزب؟ هو نعم سيد صادق
وقيادات الحزب ناس الزهاوي وبابكر نهار لو درت هزار.
القيادة يا الحبيب مسئولية وإنت سيد العارفين وشايف براك في سفينتنا سودانيات، كيف القيادة صعبة، ماهي مسئولية ولي كل شغلة ناسا
أقول ليك لمن كنت عشان أمسك الشباب في الحزب سألت خالي يوسف بدري وردو لي كان:
أنا وأبو خليل (والدي) دخلنا في السياسة لقينا فيها سجن وتلتلة، آها؛ أنا مشيت مع أبوي وبقيت خوجة وأبوك أبوهو فتح ليهو إجزخانة أمدرمان،،، اكان بتقدر عليها وفراق أولادك ، شد حيلك وربك يوفقك...
أظني يا صاحبي خواف ذي خالي (عرق أولاد الريف)
الطمع يا الحبيب هو القصد في تملك وإحتكار ما هو ليس لك، أنا ما بطمع لكن بعمل والسيد عبد الله خليل عمل وكان رئيس حزب الأمة وسيد صادق أظنوا وفي كم وكم مرة رد على تسأولك وتسأؤل العديد من الأحباء في الحزب الشيوعي بخصوص رئاسة الوزراء والحزب
بالمناسبة رد سيد صادق على الحبيب مبارك، وأنت بكل نشاطك وهمتك تكون قريت عنها وفيها بس بعض مرات بعين غير عين الرضا وبعض مرات بغير عين الرضا مباشرة
ليبيا وأموالها بتاعت ليكربي والله يا الحبيب ناس ذي ما بيقولو مظاليم، ذي الشهيد الخاتم عدلان الذي أتهم زورأ وبهتنا وإفكا وغيره وغيرهم
بالمناسبة إنقلاب يونيو (الإنقاص) دا لو إتلاقينا بحكي ليك عن الوثائق الكانت في مكتب رئيس الوزراء في الدرج التحتاني في مكتب مدير المكتب والمذكرة المؤشر عليها من قائد الأركان وما وصلت لمكتب رئيس الوزراء، بعدين يا أخوانا بالعقل، بنتباكى على الديمقراطية ما المرحوم عمنا زين العابدين الهندي نادي بالإنقلاب ومن داخل صرح الديمقراطية (الجمعية التأسيسية) وقال (قبل أحل دكتي دي البلد تنقلب) وصهينا لي بيان مدني والدفاع عن الديمقراطية والنقابات والرد الذي كان على لسان أغلب النقابيين، أحس من يستمر يحكمنا حزب الأمة، وناس صاحبي عبد العزيز خالد ومذكرة العسكريتارية،،،،
والله يا خالد أول بيان طلع ضد الإنقلاب كان من حزب الأمة وأنا بنفسي أعديتو ووزعناه، في الأيام اللأحقة وخلال توزيعات البيان أصيب العديد من شبابنا، تحركنا من حزب الأمة صباح يوم الإنقلاب بي تنسيق مع جهات داخل الحزب لتعطيل الإذاعة من خلال قطع التيار الكهربائي عن العاصمة، نقابيين في دائرة الكهرباء قالو ما بنقدر لحدي يجي قرار من المركزية (النقابة) يا أخي بس خلونا نبقى علي الله يزيل مننا البلوو دي، وأكان علينا، كويسين مرتاحيين وننظر وأهلنا متحرقين بنار ظلم الإنقاذ،،،،، بالله أسأل منو من الأحزاب من أول أيام الإنقلاب دعا اقيام التجمع، ومنو كانو هم الناس البدوهو، والله يرحم الشهيد دكتور عزالدين الهو وأنا مرقنا من السودان سوى، هو لأوربا وأنا للخليج للترويج للتجمع وكيف إتفق مع أحمد عقيل وغير في الحقائق وعليهو شوه التأريخ
الحبيب ما زالت الدعوة قائمة للإنضمام للحزب معانا ولكن دون طمع
|