[imported_ندى]

[align=justify]واحدة ظروفها الاجتماعية زيي وزي الكاشف أخوي (بنت النيل ودييييير ومن دخل في زمرتنا) قاااااااااعدة في البص وسرحانة في مواضيع العرس والشيلة وووو أها طاااااااااااااااااااااااخ اللستك اللئيم طرشق وقومي يا صاحبتنا أصرخي: ووووب علي عقدوا. هههههههههه
الأفلام من النوع دة أنحنا زاتنا خلاص بقينا نخشها وعرضين كمان هههههههههههه .... أمس القريبة دي ماشة (والله لا في أمان الله ولا حاجة) الأمور كلها جايطة لي في رأسي ... ماشة على دير الما بتغباكم دي ولما جيت داخلة البناية بتاعتهم في مجموعة قاعدين يتونسوا أول ما أنا جيت ماشة بعندهم واحد قال للتاني: إنت أبو الهول داك عرس ولا لسة ؟ دل .... دل ..... دل ...
رأس الخيط لحقني ما كدة
خلاص الرادارات بقت مضبوطة على كل كلمة وكل إشارة من النوع دة
التقاط سريع وترجمة فورية حسب الحالة النفسية
الله يجيب العواقب سليمة بس
والله أمس في نص الكبري جاني مزاج أطقطق للكمساري ينزلني وليه ما أنزل في نص الكبري مش زهجانة ومن حقي أنزل في المحل العايزاهوا
الله يكضب الشينة
كلوا ولا عقلنا دة تبقى علينا بورة وسحلبة
وبرضو دايرني ارجع أكتب
هسة أبو الهول دة قاعد سنين الله دي كلها كتب حاجة
لكن عليكم الله بالجد كدة الزول دة بكون قاصدني؟؟؟؟؟؟

البوست بمناسبة خطوبة أختي الصغيروووووووووووووونة

أنا نمرة واحد في الترتيب وهي نمرة ستة (الطيش)
بيني وبينها أربعة ..... بنتين وولدين ........
المفعوصة دي زااااااااااااااااتها قبل سنوااااااااات جيت مارة بالصدفة سامعاها بتقول لأختي الأكبر منها طوالي: إنتي من زمن بنتظروا الأخوات الكبار.
والله ما قايلاها بتعملها جد لكن عملتها
غايتوا إنتو هسة أعملوا البريحكم يا تقولوا لي مبروك يا تقولوا لي هارد لك
ويا بنت النيل هارد الله
كنت عايزة تشمتي فيني وتنزلي البوست لكن عملت فيك عملة الهندسة هههههههههههههه
تعيشي وتاخدي غيرها
وللمفعوصة ديك الف مبروك
و اصبري لي [/align]