استاذتنا الكريمة
يا ستي عارفة المشكله انو نحنا بنفتكر ونوهم نفسنا باننا عفيفين وبقيه الخلق منتهيه عشان كده المساله عايز شغل كثير كثير والله انا حضرته مواقف وشاهدته بنفسي حاجات تخجل عديل كده يعني منها تحكمي انو نحنا ماشين علي انهيار تام وتاريخي وما في اي رجعه تاني والله الموضوع ده وجع ليه بطني عديل كده عارفة عندي مشكله عندي انو لما ازعل بطني بتوجعني عارفه اقفول ليم مثال واحد فقط انا بعرف واحد كنت بمشي ليهو في البيت اخته عندها غرفة في البيت وهي بتصرف علي البيت وتجيب صديقة داخل الغرفة وما في زول يقول ليهم بتعملوا في شنو ايه رايك بالله في اكثر من كده عارفة هنا في الخليج والله دخلنا في كثرت مشاكل مع ناس ما بستاهلوا تقيفي معاهم طبعا هنا اقل مشكله ممكن يبعدوك طوالي يعني مره شفته واحد شامي بيعاكس في واحدة سودانية لما سالته قلته ليهو احترم نفسك اعتذر بشده اما البنت السودانية قالت لية ده ما يور بزنس ايه رايك وركبت معاهو السيارة ومشت والله هو ذاتو اندهش من الموقف ايه رايك ومثال اخير اصلوا بطني وجعتني شديد مره كنت مع اولاد عمتي عندهم فرن بمشي اتونس معاهم الكلام ده في الخرطوم وبقيف ابيع معاهم جات بنت عمره ما اكثر من 14 سنه وعامله حنه في يدها طفله عديل كده قلته ليها متين بقيتي للحنه انتي لسه صغيرة قالت انا قلته ليها ايوة انتي قالت ليه ايه رايك نمشي السرير نشوف الصغير فينا منو والله العظيم اتخلعته عديل كده برضو برجع ليك للتربية في البيت دي اهم حاجة اسرة مترابطة متحابه من الوالد للام والاخوان والاخوات وعلاقتهم ود ومحبه ورحمه واحترام متبادل بينهم دي اهم حاجة الزول المتربي ده في عيونو وكلامو ظاهر وحركاتو كمان ظاهر المساله كبيرة جدا واتمني انو البوست ده يكون مفتوح لمده اطول حتي نطلع بشئ مقنع اهم حاجة يا ستي انو الناس تصحي من الغيبوبة انو نحنا اشرف ناس واحسن ناس وانضف ناس وكمان الجهل مشكله كبيرة جدا جدا غايتو معقول بس غربة ووجع بطن الاثنين الله غالب
مع مودتي
|