اي شايقي عنصري !!!!!
دي بقت اللهجة السايدة في السودان
افتح خشمك وقول انا شايقي او انا شمالي
وشوف البيحصل ....
اولا السودان بيتمتع بي تنوع قبلي جميل
فيهو الشرق وفيهو الغرب وفيهو الشمال وفيهو الجنوب
وكل جزء فيهو قبايلو البتفخر وتعتز بي موروث قبيلتها
وكذلك الشمال ....
بقينا نحي تراث اهل الغرب وكمان الجنوب
لكن نكون حذرييين اتجاه الشمال
وبقت اي حاجة او اي كلمة تفسر بي عنصرية
قبل فتره قريت بوست فيهو اسما الشوارع
ومنها شارع بي اسم الملك نمر
جات واحدة من العضوات
وقالت الاسم ينصب ويندرج تحت بند العنصرية
مين السماهو وليش سمهو كدا مامعارفة بس بتعرف انو ملك الجعلييين
فلازم يكون عنصري
والاخوان المثقفاتية بينسلخو عن شماليتهم وبيتجهو للغرب او الجنوب وحتى الشرق
شوفونا صحي شمالييين لكن احنا اتخلينا فاقبلونا
|