[imported_فيصل سعد]

[QUOTE=فتحي مسعد حنفي;96374]

المشاركة الأصلية كتبت بواسطة فيصل سعد

انت يازول ما بتتوب الزول دا ما قلنا ليك تختاهو أحسن ليك. وما تنسي انو زول مغترب في الخليج يعني ما عندو مشكلة في تمن تزكرة الطيارة زي حلاتنا وكان زودتها معاهو حيركب طيارة ويجيك في مكانك.
غايتو أنانصحتك وخلينا نرجع لي موضوعك انت وفتحك للبوست دا..أفتكر مافي داعي لي فتح تحقيق علني الا اذا كان هدفك الناس يشكروك وأنا في رأيي انك كنت تفتح باب الحوار مع الأعضاء عن طريق دعوتهم لتقديم أي استفسارات عن طريق البريد الداخلي لان البوست دا واتذكر كلامي كويس .حيجيب لخبطة كتيرة ما معمول حسابها عموما يا ود سعد شغلك لغاية دلوقت نضيف ومبذول فيهو مجهود خرافي لدرجة اني اتخيلتك عامل ورديات مراقبة بينك وبين المدام لأنك 24 ساعة متواجد.ألله يديك العافية

يا خواجة سمسم 50+50 البوست دا مفتوح في الهواء و مطلوق في السهلة بكل شفافية و ديمقراطية و لو كلامك طلع صاح و جاب مشاكل فاحسن تظهر بدل ما تتخزن في الصدور .. التزموا باجندة البوست و كل مشكلة و ليها حل .. نصيحتك باستعمال البريد الداخلي مقدرة و محترمة لكن اخوك قرر الحوار يكون على الهواء ، مشكور على الاطراء ، اما خزعبلاتك بتاعة الناس يشكروني فكدي ادفعوا لينا اول بعدين الشكر البجي كلو متبرع ليك بيه ، اما تواجدي 24 ساعة فانا بقعد ساعتين و القرين بقعد ال 22 ساعة الباقية يديك العافية ..