[بابكر مخير]

المشاركة الأصلية كتبت بواسطة kabashi

[align=justify]
الرئيس أزهري
كما قال الشريف
[/align]

أخي الحبيب كباشي
قالو بتحب!! قلتا ليهم مالو
وحب الناس مذاهب
أخي الحبيب
زعيمنا ورافع علم سوداننا إسماعيل الأزهري هو والمهندس الشاعر الأديب محمد أحمد المحجوب
زعيمنا الأزهري؟ مات شهيد، داخل بلاده وزنازينها
أورث الوطن، حب ومحبة
ملك كل الوطن ولم يملك المال ليتركه من بعده لأبناء أو بنات لأن ذلك لم يكن بمقدوره؟ فكل أهل السودان أبنائه وبناته ومن أين له أن يورثهم كلهم بالتكافي.

أخي الحبيب
شريفنا، ملك المال وتركه خلفه أمانة عند أخيه، وأخيه عليهما رحمة الله سار على نهجه وحفظ المال وقال؛ حين سأله أحد أبنائه البيولوجيين عنه: القروش دي حقت؟؟؟؟ القضية
شريفنا وشريفنا، لفو حولهم أهلٌ مقربون ومجموعة مصطفاة
أين هم الأن؟؟؟؟
إنهم (ليس جمعيهم، فهناك النظيفين الذين لم يتلوثو)
وزراء
مستشارون
رؤساء مجالس إدارة
منعمون أثرياء!!
بي حق الشعب السوداني الذي بإسمه، جمعت الأموال وصرفت حتى على غير السودانيين والمنكي بزر يشهد.
والسؤال القائم
أين الأموال حقت؟؟؟؟ القضية
تعرف الحكاية دي ذكرتني أول أيام الهجرة في القاهرة
كان جماعة الشريف نضيفيييييين والخير مدفق من كضمهم وذيه مجموعة من ناسنا برضو
الحبيب
قال ليك:
دس كروك خليني النبذ بت أم كرو
ودي البقت على عمنا حسين الهندي الكبير، لأنو في صغير ونسأل منو ناس حكومة الإنقاذ (المواليين)
وبعدين يا الحبيب
هو "هل يعتقد الصادق المهدي إن الشعب السوداني أمة من الأغبياء ؟؟"
بقت علي الصادق المهدي،
ما هو نميري عاملنا أمة من الأغبياء، يوم قال : ما تلبسو تياب غالية؛ نسوانكم ما نسوان رئيس ويوم قال: لو فتحتو الماسورة وقالت شششششششششخ برضي قاعد.
وعمنا الشريف يوم قال: قبل أحل دكتي دي البلد بتنقلب.
وعمنا الشريف الأكبر يوم قدم الميزانية وقال: تلاتة ملاليم (ميزانية بالملاليم تطيييييير؛ تعليقي الخاص)
وحسي عمر البشير بعاملنا شنو غير أمة من الأغبياء
والله الحبيب
إن كنت متأزم من الحاصل، تلقاني عندي إلتهاب ريؤي
وإنت كنتا حزنان من الباقي علينا، تلقاني جنيت وباقي ليا التجاني الماحي
وإن كنتا زهجان، تلقاني طقيت
ما إحنا في الهم شرق
بس العين بصيرا واليد قصيرا
وسوا سوا نلوك المرا والنوا
الحبيب عنوان بوستك جميل، بس أريت لو كان
[fot1]ما إحنا حقً مة من الأغبياء [/fot1]