[خالد الحاج]

[media]http://aafat.org/upload/uploading/3oumalbetartun.wma[/media]
[align=center](بصوت المبدع محمد كرم الله)[/align]

[align=center]مسخت عوم البترطن في جروفا يا خلايا فجو لي اللشوفا
الصدير رجفاتو ربت لي خوفا خام ثمار أل الله قال دانيات قطوفا
الرقيبة قزازة الروم في وقوفا جرعتنى العلاقم بي صنوفا
فيها طبع الأمو تفهمو بالكروفا وطافرا من الحركة وادي الشين علوفا
بروقيها الدارا لخطبتي لي صفوفا وخلي عزالك عديل تخضع أنوفا
من قليبا عطورا ليها مرايا جوفا دا الجبين الباقي فد من يوم خسوفا
عبيرا كافن كافن المافيها زوفا أنا داير اسكن جوارا ماب تنفعني طوفا
ديسا شوف عينيا منو شكت كتوفا الدلال الفطري فاق لخضاب كفوفا
حاجبا للناس تكوسو كتر وقوفا إلا دائما نافرا يا ناس ما ولوفا
صممن جاراتا قالن لي عطوفا مالا شوفتا ليا تسحب لي سيوفا
العلي والبيا كلو اسباب عزوفا لو تحلو رموز اصابع اليد حروفا[/align]

كما كانت أرض الجزيرة العربية مهبط الأنبياء
فإن منطقة القرير الخضراء في شمال السودان
هي مهبط الشعراء
فقد أنجبت معظم شعرائنا المرهفين وأنا أعتبر
أن الشاعر حسن الدابي هو أبلغهم علي الإطلاق
أذكر أنني كنت أتحدث مع الأستاذة الباحثه فاطمة أحمد علي عن
شعراء السودان فقالت لي : أنها تعتبر ود الدابي هو أبلغ شاعر سوداني
وانه لو اكتفي بقصيده=
مسخت عوم البترطن في جروفا=ياخلايا فجولي الاشوفا
لكفاه

أحمد عبد العاطي