[نسايم]

المشاركة الأصلية كتبت بواسطة Dr. Mohammed Hassan

هذه المنتديات هي الحياة بكل تفاصيلها
فاذا انت في الاحياء في السودان بتقابلي الزقاقات والشوارع الكبيرة فاذا بتحبي الزقاقات امشي بيها وذا بتخافي على عربيتك او نفسك احسن ليك الشوارع الواسعة
وبتلاقي كوش
وبتلاقي ووتركولر

وبتلاقي حدائق عامة ومزهرة ونضرة
في هذا الاسفير في اناس صحبتهم والله مكسب
ومنهم الواحد بستفيد كثير واتمنى ان التقي بهم
وفي ناس كتير التقيتا بيهم وطلعوا خير اخوة واخوات

ووالدنيا مليانة بالصالح والطالح وعلى المرء ان يتخير

الراقي دكتور محمد....
انت من اوائل الناس القريت ليهم في سودانيات
اسمح لي انت نقلت الصورة الايجابية او الصاح للتعامل الاسفيري ناس حقيقيين وتعامل حقيقي
يمكن لي محدودية مجتمعي ومحدودية تجربتي اقول ليك انا ما لاقونى ناس زي ديل
انا اتربيت في مجتمع هادي حتى مشاكله هادئة بنتزكر انو البنشاكل فيهو اخ او ود عم او او
ما فيهو لغة غريبة على مسامعى
واناس مابفهمو لغة التحاور
عاوزة اسالك مووش في امكانية يجي واحد ناطي يخالف وجهة نظري ويعملها موشكلة
وفي النهاية يبدي يقول في قبيح الكلام ؟؟؟؟
تهمنى اجابتك!!!!