[imported_أبو أماني]

المشاركة الأصلية كتبت بواسطة هاشم طـه

والله يا تحفـة أحيي فيكي روح التضحيـة وبذل الذات ..
من ناحية السماحة دي .. أرقدي قفا .. الزول ده يقول لود "أب قبورة" قوم وأنا أقعد محلك ..
النسخة الوحيدة الموجودة مـنو .. في بيـت الخليفـة .. وعندو صاحبو إسمو سـيف بيشـبه السمكة .. الإتنين ديل لما يتلاقوا .. الناس بيقطعوا تذاكر عشان يتفرجوا عليهم. .. والكاميرا ما بتكضب .. أنشـوف الليلة ..
بعدين ياتو كواليس دي البتتكلمي عليها .. كواليس أكتر من العملو ده .. قولي كوابيـس .. ، غايتو أنا محصن .. إنتي لمّي الأولاد الصغار وأقفليهم في الأوضة وختى جنبك الحصن الحصين قبال ما تتفرجي ، علىّ الطلاق فيصل العجب أسمح منو .. .

أعذريه يا تحفة حواء .. كلامو ده كلام زعل .. وهو من زمان بيغير مني لانو حتى بنات الجامعة الوكت داك رغم شعره ولونه الأبيض ده .. وسمرتي الداكنة دي .. كانوا بيتلموا حولي وهاك يا ضحك وقرقراب ولما أغيب يكرهوه ليكي العيشة الزين وينو؟ الزين ما جاء لسه؟ ولما يجي هو يكون يا تحفة .. ما خلى قميص إستايل وريحة كان إسمها (بروفيسي) عاد يا تحفة كانت هي جنس ريحة البيعملها داك البنات يعاينن لو زي الباشا .. وزولي ده في وجود الزين بريحتو الطاقة دي زولة بتجيب ليو خبر مافي .. حكاية غيرة .. أنا فعلا أسمر وشكلي طبيعي ماسماحة زي حقتو دي .. بس عندي هبة من الله .. إسمها (أتراكشن) ولو إني ما عارف معناتها لكين في حسناء قالت لي الكلام ده وانا إقتنعت بيو .. بالمناسبة يا تحفة ويا جماعة كلكم جاني تلفون أسع وقالوا لي الحلقة ستعرض غدا مساء .. يعني بكرة ما بعيدة وبعد بكرة بقعد ليكم صاحبي هاشم طه في مواعينو .. وهييييييي سيططططرة .. أبو أماني حلو حلا .. تشاووووو