[align=center]روائع حقيبة أم درمان
انا امدرمان لسان حالك
اريتك تدرى بحالي
انا الطابية المقابلة النيل
و انا العافية البشد الحيل
و انا القبة البتضوي الليل
تهدي الناس سلام و امان
(عبد الله محمد زين)
مجلس اللذات في النمارق
والترف لازال وصفه خارق
مسرح الغزلان في الحدائق
والشوارع الغر والمضايق
قولي كيف امسيت دمت رايق
دام بهاك مشمول بالنظام
في السودان فتيح معروف
ولسه ابعنجة خوره سروف
ودنوباوي زول معروف
باقي وديك مشارع ابروف
كانوا جبال تقال ومكان
نزلوا اتربعوا الأركان
خلوا البقعة كل مكان
آهلة ورازة بالسكان
ليه يا كعبة العربان
غاضبة وفيك عريسك بان
قبال نسأل الركبان
حبك من حدودك بان
(خليل فرح)
يا نعيم أزماني
يا حياة روحي
وبهجة أم درماني
يا فريد الحسن
وبهجة أم درمان
لي من شوفتك
يا حبيبي زمان
امتي أرجع
لأم در و اعودها
(عمر البنا)
ما بنسي ليلة كنا تايهين
في سمر بين الزهور
انا وانت والنيل والقمر
(عتيق)
كان لهم وله عجيب بأم درمان، رحم الله علي المك عاشقها المقيم أسمى كتابه (مدينة من تراب) وهي فعلاً كما وصفها ليست كمدن الدنيا الأخرى الغارقة في الازاهر والياسمين والصروح التي تناطح الغمام ولكنهم برغم ذلك احبوها وكانت نبع الهامهم الكبير. اعتز بها أهل السودان وانصهرت أعراقهم فيها وشكلت مجتمعها الوطني المبدع، فلا غرو ان تعشَّقوا مضايقها وحواريها.[/align]
|