اقتباس:
المشاركة الأصلية كتبت بواسطة Dr. Mohammed Hassan
هرد وجع البعاد
جوف الغنا الجاييك
حرق قلبا مجمر بي حصى الغربة
وزمن راجيك
ما اتوانيت
رسمت على باب الزمن نجم سعدك
قريت يس
واتحوقلت واتعوذت
ليك
باريت خطاوي القمرة
لمن في سديم الليل فقدت دربك
لقيت وسمك
نبل مني الدمع مسدار
وفي جواي اتعبرت
ما اتغيرت
ما ضاعت ملامح وجهك الضواي
رغم الزحمة
رغم العتمة
رغم البحر
اتمدد واتباعد علي
قيفك
هجير حر الشمس لافح جمال خديك
ما ترجيني في مرجاك بس ارجيني
في زمن المحل غيمة
تصب واديك
لقيتك في منام ليل السموم
حلما سرق منية
برقا رجع شايل عشم قلبي
لمحتك بين زوايا الانكسار
طيفا شرق منو الكلام
نزل من الكلام خمرة
وسكر منو القصيد
عب
وزها الفجر الختف محياك
اقيفي هناك واقيف جنبك
واقولو حداك
كلاما عرقو بنتح حي
رميت فوق المزابل يوم
كلاما في التقانيت ني
وارجع تاني من اول
ما بندم واقول يا ليت
بقول قولا صعيب وعصي
العزيز / د. محمد
سلامات
ياخى ... ما أروعك و انت تملأ مواعين الحروف .. بكل هذا السخاء .
شكرا على هذا النص المدهش .