[align=center]المجد و الخلود لشهداء الفكر و الحرية و الديمقراطية و السيادة الوطنية .. و الخزي و العار للقتلة و المجرمين و اللصوص و كافة طفيليي و جواسيس و شرزمة الانقاذ و كلاب سلطتها الدكتاتورية الظالمة النتنة الكريهة المندحرة باذن الله ..
سبحان مكرو اسمو المنتقم لعباده
واسمه شديد عقاب ويل للذين تمادوا
يمهل حبله داك سلبة وطويلن مادو
ما بهمل وقط ظلم النفوس ما واردو
يا سفاح عشان تهنأ وتعيش فرعون
يا داسى الجثث يا الفى الفجر ملعون
يا سارق الفقير مانع على الماعون
يا عارض عرض فوق البلد طاعون
متهمك يشر دمه و أمام القاضى
يضربوا فيه بكفيهم وفخامتك راضى
كيف يتهنا جفنك ساعة بالاغماضى
من يوم يندهوك ويواجهوك بالماضى
ما تتحوى بى آيات عزل معزولة
ما تغشك سبح متسولات بى قولا
ما فيش اليقيك وكتين تجيك فى تولا
نوح نوحن كثير وأطرأ القيامة وهولا
أعزل لى دجل آية وتفادى الأخرى
قالت آخر الظلم الجحيم فى الأخرى
يا العاجباك أمارتك تعرض تنقز فخرا
ربك كيدو أكبر يوم يزنقك تخرا
خلى الدين بعيد ما تجروا توب فى دنيتك
ما قال ليك جوعو عبى فى صينيتك
ما قال ليك أسرف وسف وعلّى بنيتك
وعربد وعير وعاند وخلى انسانيتك
خلى الدين بعيد ماتزيد جرايمك سيئة
راعى وبسألوك كيفن ظلمت رعية
يا الحمل الأمانة ظلوم جهول مادية
بتجيب الخبر عند البيقرا النية
ربنا وابتلانا عشان نخش الجنة
نزل لينا دجال ايدو ماكنة مكنا
جانا فى شكل منقذ مرفعين ضللنا
بى فروة حمل لمن أمِنا أكلنا
انظر نابو بى دم الشباب كيف دامى
وانظر جسمو بى تنميتو كيف متنامى
وانظر مخلبو الفوق المساكين رامى
واسمع عوتو جيعان ولا جنن رامي [/align]
|