[منال]

المشاركة الأصلية كتبت بواسطة فيصل سعد

منال يا بت اخوي مرحب بيك و شكرا للاسئلة :

حذف البوستات مسؤلية الامين العام و لكن انا كمشرف مسؤليتي تنبيهه و لفت نظره للمخالفات و هو صاحب القرار الفاصل و النهائي.. و الامين العام دائما يشاور اعضاء مجلس الادارة لخلق قرار جماعي .. و انتم جميعا كاعضاء يمكنكم مخاطبة الامين العام في اي بوست تقترحون حذفه و سيرد عليكم و يفضل مخاطبته بالبريد الداخلي .. تاكدي بانه لن يحذف اي بوست بواسطة الادارة ما لم يخالف الميثاق و اللائحة و للاعضاء الحق في حذف بوستاتهم و مداخلاتهم بانفسهم متى ما ارادوا . جمع المواضيع المتشابهة ليست من اختصاصي ، اما اذا اصحابها اتفقوا يظبطوا امورهم مع بعض و يحذفوا و يدمجوا بطريقتهم و كان دايرين مساعدة فنية المشرف الفني جاهز و اكيد بديهم دفرة

علي جنب : سؤالك الاخير دا اذا اتبني على الشغل التم في بوست "البتول" بتاع خالد الحاج فانا قمت به بصفتي كعضو و كمعجب و متخصص في تظبيط روايات الخال .. و كذلك في تعكير مزاجه بالونسة في بعض بوستاته كان راضي و لا ما راضي

و الله يا عمى ابنت و وضحت لكن عايزة اقول ليك ما بنيت على بوست البتول ...و علمى انو العملتو داخل الموضوع الكان اصلا مجزأ انت لميتو لفائدة القراءة و المتابعة (فد مرا) لكن البقصدو انا وضحت فى سردك الاول انو مهمة منو الدمج و الحذف و لكن استوقفتنى دفرتك او لكزتك للامين العام و وريت كمان انو من حق اى عضو الاشارة لموضوع بعد ابدا الراى و التفنيد و هناك دحض للحجة كمان حتى يتم الحذف يعنى فى معيارية و كدا الشغل بظبظ لكن قصدى من الدمج يعنى لسه فى بوستات مفتوحة بتشبه مواضيه فى المنتدى اصلا كانت مفتوحة مثلا موضوع رد الجميل و التوثيق لشاعرنا محجوب شريف وكذلك الشريف محجوب يزين الطرقات بعربة....كمان الحزن النبيل و توثيق فنانا مصطفى فى كم بوست مشتت يعنى الاقتراح عايز متابعة منك يا مشرف الحوار بعديت تورى الجماعة الدمج فى كل موضوع حتى تعم الفائدة وده طبعا بنقصد من ورائه نظبط lay out و الشكل و مكان الموضوع للمنتدى ...يديك العافية و يخليك متابع و مشرف تمااااااااااااااام
واكيد تطوير المنتدى هم مشترك للجميع
تسلمو كلكم