ما عارف كلامي دا من المعقول ولا فيهو تجاوز
لكن باقي ليا وقلناها وقالوها قبلي وبعدي ناس كتيرين:
سودانيات دار محبة وولفة
دايرينها تدوم بي الروح الحلوة دي
إستقطاب وما تنفير
جمع ولم ما فركشة وفرتقا
خلاصتو العاوز أقولو
حقو مجلس الإدارة وإتا وهن وهم وإحنا وأنا
نتجنب كلام يزعل ونفتش دايمن الكلام البيفرح
يبقى شيتن بيجيب جرجرة كلام ومشاكل ينحسم قبل ما يبقى حشو لبورد القصد منو الإبداع والعلم والتوثيق
راي
ممكن يكون غلط وممكن يكون فيهو حتى لو شوية عقل
وربنا يسهل
|