اقتباس:
المشاركة الأصلية كتبت بواسطة بابكر عباس
كيف الكلام دا؟ طيب ليش انت داير تتجاوز القانون ليش؟
الحقيقة و الفطرة السوية من نظر منو؟
الناس المشوا مع الدفاع الشعبي للجنوب من أجل سحق الكفرة، ديل كانوا برضوا شايفين انهم هم الصاح و هم الحقيقة و الفطرة السوية
القوانين و اللوائح يا حافظ معمولة عشان تشكم العاطفة
تخريمة:
ظهور صفية أمام الرأي العام يا حافظ أقوى من موقف بوعزيز في تونس...
صفية دفعت ثمن مرتين و نحن محتاجين نقيف معاها وقفة حقيقية أمام القضاء و الرأي العام المحلي و الدولي و نصعد القضية لاقصى ما يمكن و ليس بالكلام الفاحش لامثال محمد فرح..... ممكن نقود قضيتنا من غير إساءة أو إقصاء أو تجاوز للنهج الذي إرتضيناه
|
يا بابكر عباس وين و متين أنا قلت داير أتجاوز القانون .... أنا قلت اللوائح و القوانين منتوج بشري و قابل للتعديل في أي زمان إذا رأت أغلبية محددة أن هذه اللوائح أو الدساتير لا تحقق التنظيم المطلوب ... عشان كدا قضية محمد فرح دي ممكن تكون مدخل مناسب لتعديل اللايحة.....
كونوا يا بابكر عباس أقول كلامي حقيقة علي الإطلاق ما بمعني إني صاح مطلق ,,, فقط بعني أن الكلام الانا بقوله دا بالنسبة لي حقيقة في الزمن المحدد و بناء علي المعطيات و الحقائق المحددة ... و اي تغيير يحدث في أي من variables الأنا ذكرتها دي طبيعي جدا ممكن يطلع ما حقيقة و يطلع كلام خارم بارم ساي ...
فيما يخص تخريمتك بتفق معاك مية في المية في حجم الأذي الوجدته صفية ... و فعلاً نحن محتاجين نقيف معاها لحد ما نرجع إعتبار لأنفسنا قبلها هي .... لكن في إطار الوقوف دا أول حاجة ممكن نعملها يكون عندنا موقفنا الواضح تجاه المؤسسة الفعلت الفعل دا ... و ذي ما إنت عارف أي مؤسسة الهيومن رسورس أهم حاجة فيها ... و مؤسسة الجبهة الاسلامية الهيومن رسورس بتاعها ناس فرح ديل ... يعني ما ممكن تقول لي نقيف مع صفية و نحاور ناس فرح الكلام دا أنا أصلاً ما قادر يركب رأسي....