[منال]

يا شبارقة اها انا جيت ناطه بس عشان اقول ليك ... انتو ما ذاتكم السبب فى ان البنات يخلن سمرتن (سمحة و سمرية و محبوبتى و لفتات غزال) الغناها المغنى ... و عارفين انو لونا سمح اكان اسمر او زيتونى او ابنوسى ... الا الله يجازى محنكم اكان فضلتو البنية الفانتة و دى تعنى انو لون الوش فاتح و الجسم ببسى ... و يحضرنى نكتة زميلنا لواحدة شايفه روحها (و الله راسمالك جك موية اكوبو فى صنقورك ده و يورينى شناتك ... ماهو كلو رطل جير فى وشك) و الحداثة و الموضة سمحة بس اكان عرفنا متين و كيف نستخدمها يعنى هل المناخ بتاعنا ده مناسب للبدورة الكمية دى و اىلاينر و الكحل السائل و الواحدة تشوف روحها حاجة كده على سنجة عشرة و لمن تزنق الواطة الوش يشر و الكحل يسيل و القبوز المادنو بسسب الروج متر الله يجازى الروج اكان سواها فى البنوت قال ليها هو الوش كلو متل كفت ايدى و كمان تكعبرى و تلونى اها النشوف شنو يعنى ... و الكركار ما مابينو الا كريمات الشعر اتفرت بكثرة ليه ما ارهق الميزانية و اوفر من مصروف الدراسة و اشترى الكريمات حتى لو قدر ظروفك عموما زى العايزة اقول ليك حقو نفكر فى شنو البناسبنا عشان نتجمل لانو كلنا بنحب الجمال .. و عندننا حاجات تانية حقو نشوفها لكن و الله انا معاك فى ان نفتح حوار فى الحاجات دى
تحياتى