[طيبان]

المصيبة (بسم الله دي كلمة شنو البديت بيها دي) إنهن بعتمدن علي التجربة ..وبس
فلانة ديك بقت نايرة من استعملت البيوكلير ..وهناية ديك فنّانة في الخلطات..
وشويّة شويّة يتسرب سر الخلطة..الأساساً ضاربة ومبنيّة علي الخبت ومحاسن الصدف
والقصّة تحلوّ..
زولة بتقرا مافي ..وصيدلي بيخاف ربّو تدّيهو شهادة تقدير وتاجر الشنطة ما ح يعرف غير يوزّع بضاعتو ..ويدفع للإعلان الشفهي..وجمارك فالحة في التخليص..
حضرت مرّة الموقف دا ..
ضابط جمارك في مدينة حدوديّة جا شايل ليهو كوتة كريمات ..لي مدير إدارة الصيدلة ..بيسأل سؤال محدّد هل الكريمات دي آمنة ..؟
الصيدلي قال ليهو ما آمنة ..بس ..
الضابط مرق ..بعد اتخّذ قرار بسحب الكريمات من السوق..
سألت الصيدلي دا شنو الكلام دا؟؟
قال لي ياخ هو سألني شفاهة وأنا جاوبتو شفاهةً..
ولي يوم الليلة الكريمات مالية السوق ..
طبعا الحبش ديل خطيرين جدّا في الكريمات والمسوح ..والحبشيّات يعجبنّك وكت يختّن صورتن في العلبة ..
صورة فقط ..لا تاريخ إنتاج ولا تفاصيل عن مكوّنات الكريم ..
حليل الإسترويدات ..علي الأقل الناس ممكن توضّح مخاطرا ..لكن الما عندها اسم دي يسووا معاها شنو؟؟
______________
كدي بعد تمرق من دي عرّج علي ناس تشاهد غداً