[منال]

المشاركة الأصلية كتبت بواسطة مهند بشير

الاعزاء
شبارقه , عادل , منال , الغرقان
قالو
اليباض لمحه فارس و السمار قعدة جالس
اي
انو اللون الابيض يلفت النظر اكثر من قدرتك على تَأمل ملامح الوجه وترجع تاني تواصل حاجاتك
اما اللون الاسمر فلازم تقعد في البنبر وتركز معاهو ولمن يكون في نوع من الجمال , حيلخبت حساباتك طوالي
وجائز ما تقدر تقوم طوالي و كااااااااااااان قمت بتجيك لفه راس (البنيه شديده...ولا شنو يا باش)
والله يا بناتنا انتو ما مقدرين النعمه الانتو فيها !!!!
البيض كايسين السمار و أسألو ناس المجر و الفرنسيين و الهولنديين (يدك معانا يا خال)
والسود كايسين البُيضة زينا كدا ولاااااااااا جاي
نحنا يا أخوانا قاعدين بي سمارنا دا في النص والنص في الريحه سمح ولا كيف(للاذكياء فقط)
وبجيكم راجع

مهند يا اخوى انت اكان مع السمار و الزيتونى غيرك ما كدى بموت فى الوش المفسوخ و الفل الميك اب و الرموش الطوال و هلمجرا ... و كدى قول للحس انا عايزك تغسلى وشك بس و تجى تقابلينى ح تقول ليك لا لا بدور اتجمل و اتمسح من راسى لى كراعى عشان انت تتكهرب و تجر البنبر برضو و تلقى روحك محكر لونسة الجكس اها شن قولك فى الجمال الدايراتنو البنوت .. امكن ترجع للذوق و القناعات ... و انت بناسبك شنو تعملو .. و اقول ليك انا ما عندى مكياج فى وشى لا صباح لا مساء و كمان بلبس بنطلونى فى الصباح و قت العمل لانى بشوف ده البناسبنى و قت الحفلات و الربات بلبس الجيبة و بلوزة و بتمشط و من غير مكياج .. اها حلى حسب المزاج يعنى
وبرضو الله يجازى محنك ياخى