[imported_فتحي مسعد حنفي]

المشاركة الأصلية كتبت بواسطة تجـــاني

هههههههههههههههههههه لوووووووووووووووول goood goood

تعرف ياتجاني الموضوع دا ذكرني حكاية حصلت لي في بداية السبعينات حأحكيها ليك وما حأرد علي البت الفاكة منها دي..هسة في ذمتك كلام زي دا في حرمة بتدخل فيهو:confused::confused::D
مرة كنت راجع من براغ للخرطوم في اجازة سريعة..واحد أخونا أداني جواب عشان أوصلو لي قريبو البقعد يوميا في نادي البحرية..يعني في حلتنا قريب من بيتنا والراجل أنا بي صراحة ما كنت بعرفو. المهم مشيت ولقيت أخونا بيلعب في كونكان وطلب مني أستني لغاية ما تخلص العشرة ودا الحصل فعلا..
المهم الراجل أصر يعزمني ومشيت معاهو أنا وصديقي رحمة الله عليه عبد المنعم بشير القاضي الشيوعي الاتصوف وبرضو فضل شيوعي..
مشينا حديقة أركويت في لفة الأملاك وانت ماشي من الكوبري في اتجاه السوق..والراجل كتر خيرو ملا الطربيزة بالقوارير بأنواعا والمزة كستليتة وكبدة وقعدنا نطشم ونتونس..
أخونا العازمنا الظاهر راسو خفيفة بعد شوية زح القدامو في الطربيزة وأداها نومة وفضلنا أنا ومنعم بشير نتونس والونسة وصلت لي سؤال ليه الأولاد بيبوظو في السودان..
أنا قلت ليهو تعرف يامنعم الأولاد هم السبب وهم الدايرين يبوظو وأنا مثلا كنت زول سمح وداير أكمل أقول ليهو برغم سماحتي انا ما بظت..
في اللحظة دي أخونا الكان نايم فجأة نط من نومتو وضرب التربيزة بي زعل شتت القزاز والكبابي وعاين لي وقال: انت لي هسة سمح. شنو كنت دي؟ ورقد تم نومتو واحنا خليناهو نايم واتخارجنا:D:D ياها دي المؤهلات يا تجاني..