عارف والله فكرة الصور دي فكرة جهنمية
خلاص حا ارفع صورة ابوي
لخصوصيتها وندرتها فهو يلبس العراقي والسروال الطويل والتوب في اي مناسبة
شيخ عرب
هكذا كان يفعل كبارنا
للاسف الشديد اللبسة دي كادت تنقرض
يلبسها الان فقط اخوي احمد رفعه الله
فهذه فرصة لحفظ الصورة جبتها توا بعد مداخلتك من قروب الاسرة
ابي عاش قرابة المية عام وتوفى مطلع التسعينات فهذه صورة من الزمن السمح
ياخ لما كنت اشوف ابوي بالتوب الابيض الجميل والمركوب والعصاية ليتكي عليها
وهي برضو من تمام اللبس كنت اسعد اي ما سعادة
ولروحه الطاهرة المطمئنة الف هناء وسعادة
|