02-02-2009, 08:28 PM
|
#[130]
|
:: كــاتب نشــط::
|
اقتباس:
المشاركة الأصلية كتبت بواسطة معتصم الطاهر
الأغنية لأستاذى الجميل حسن أكرت
و قد كان معلما فى نعيمة .. و يسافر إليها من الخرطوم
و جلست قربه ( ف ص ) و قد تزوجت لاحقا من أحدهم يعمل فى مؤسسة البص السريع ..
و ما زالت تحمل جمالا واضحا .. توفى زوجها الأول و تزوجت مرة أخرى بعد زواج ابنتها ..
[frame="7 80"]يا ظبية البص السريع
همت بيك وخايف اضيع
قام من الخرطوم للجبل
في دقايق حالا وصل
يا إلهي كيف العمل
لو نزلت و ضاع الامل
همت بيك وخايف اضيع
قمنا تاني و فرم الرمال
للقطينة جنة بلال
قمت ليك ازحت الستار
ضوه وجهك وزاد النضار
همت بيك وخايف اضيع
في نعيمه ابيت النزول
شفت سفرك عايز يطول
سبت عملي تركت الفصول
اصلو حسنك يسبي العقول
همت بيك وخايف اضيع
بعد ساعه وصلنا الدويم
اشهد الله الباري العليم
لو نزلت قلب السليم
كان تقطع و اصابه ضيم
همت بيك وخايف اضيع
جينا للكوه و الكنوز
قلبي دقّ و غلبو الركوز
لو نزلت هنا كان يجوز
يمضي عمري و اصبح عجوز
همت بيك وخايف اضيع
في الملاحه تعرفت بي
و في المرابيع زاد العلي
كل قلوب الناس ليك تميل
انت ايه و شبهك قليل
في جزيرة ابا والامام
تم بيني و بينك كلام
كان تعارف و اصبح غرام
و موده و هوي و انسجام
همت بيك وخايف اضيع
في ربك رحلتنا انتهت
رفعت ايدك لي لوحت
و لما ايدك لي لوحت
دون ما اشعر عيني بكت
[/frame]
|
تسلم يا معتصم على كلمات الأغنية .. لكن القصة التانية ما عرفت الإسم .. لكن أحكى لينا على المغطى وجيب الحاجات الما بتتقال .. فوق فوق
بديع الذكرناك بأستاذ أكرت والتحية لكل آل أكرت .. يلا خلى الشجون تطلع لينا الزمن داك كله .. إستمتع وأمتعنا
|
|
|
|