[عبد الجليل سليمان]

المشاركة الأصلية كتبت بواسطة بابكر مخير

الحبيب عبد الجليل
يا أخي بيقولو؛ قلب كيانو والكيان هنا مقصود بيهو؟
خمشة حاجات في حياتو،، وأنا دا الحصل ليا ونقول كييييييييف؟؟؟
لا شعر نزار ولا العقاد، لا الشعر النمطي لا النبطي لا المقفى لا المخفى لا الجاهلي لا المتعلم عندي معاهم حبل مودة تيل ولا سري.. دايمن بحب شعر ناس دخلو مزاجي، يا برايا فتحت ليهم عقلي ولا بي واسطة تكون من زول عنده مكانه عندي،، بحب القول البيتكتب وينغوش دواخلك وأسيادو مشهود ليهم بالإتقان والتفنان وعظمة الشأن،،
قول زولك دآ وقع عندي في مكانن أنا قافلو بي باب خيوط عنكبوت، قدامه حمام زاجل ومحرسه ملايكة،،
راتب سيدي المهدي الإمام..
شفتا غلاوة قول زولك حدها وين..
شكرن ليك الحبيب ومعاك ليهو شكرن مابساوي الماشي ليك ما هو عندي؟؟
دخل قلبي من بوابة محبتك....
والأصل هو الأول
البيصل

ود مخير:
يا الله .......... ما أروع الكلام حين يأتي من (البطن) من جوه ....... واحساسك دا يا ود مخير
هو ذات أحساسي بشعر مدني ...هو يدخلك ، يخترقك، ويجعلك أكثر يقينا وثباتا ...... أنت تستطيع أن تقول فيه أفضل مني ........... فرحت جدا بمداخلتك الحلوة