سودانيات .. تواصل ومحبة - عرض مشاركة واحدة - محمد الحسن سالم "حميــــد" لمن يعرفونه ولمن..... لا يعرفونه

خالد الحاج · 01-12-2006, 05:18 PM

نورا
محمد الحسن حميد

وكتين يضيع
عرق الجباه الشُّم
شمار فى مرقة ..
آه .. يا نورة آه

من دربك التوّرنفس خيل الصبر
فتـّر خطاوى الشوق
وراه .. يانورة .. آه
ساعة الشموس الغُر تهضلم
تلحق الصِّح .. فى المغارب
يدفر الضو الكهارب
تستر المدن السرابية ..
الضبابية .. الكآبة
حائط التيه .. والطشاشات ..
فوق قفيِّك يا أمْ عوارض...
يا أمْ عوارض .. مو دُعاشة
ماها شبـُّورة وتقيف ..
جايى ليك يا نورة غيمة
تملا ماعونِك خريف
يملا عينيكى ويفضـِّل
يروى جوّاك العطاشة
جاة ليك يا نورة غيمة
تملا ماعونك خريف .
**************
يا نفس فجر القصايد يا بلادى
دا القطع قلب الروادى ..
بى اللّواج الجاى .. وغادى
ماهو صوتك .. لاها صورتك
هى البترقش نادى
فوق صدر الجرايد
إنتى يا حُضن الصحارى
شُفّع العرب الفتارى
البفنـّوا الشايلا إيدمْ
ويجروا كايسين القطارى
لا سراب الصحرا .. موية
ولا حُجار سلّوم .. موائد
حالكم البصرخ وينادى
ياوطن عز الشدائد
*************
يا هُدى الناس الحيارى
يا ندى الفجر الببلِّل
نور عِوينات الفقارى
جايى ليك .. آه جايى ليك
جاى ليك يا نورة افة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك ..
بجيك ....
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد يا بلادى
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
ما شكيت شُح اليالى ..
وما بكيت نُحْ .. شِلتوا حالى
رغم إنو الحال بيفضح
إلاّ كٌتْ فى الحارة بصرُخ :
يا وطن عِز الشدايد

يا وطن عِز الشدايد
يا وطن عِز الشدايد

01-12-2006, 05:18 PM	#[15]
خالد الحاج :: كــاتب نشــط::	نورا محمد الحسن حميد وكتين يضيع عرق الجباه الشُّم شمار فى مرقة .. آه .. يا نورة آه من دربك التوّرنفس خيل الصبر فتـّر خطاوى الشوق وراه .. يانورة .. آه ساعة الشموس الغُر تهضلم تلحق الصِّح .. فى المغارب يدفر الضو الكهارب تستر المدن السرابية .. الضبابية .. الكآبة حائط التيه .. والطشاشات .. فوق قفيِّك يا أمْ عوارض... يا أمْ عوارض .. مو دُعاشة ماها شبـُّورة وتقيف .. جايى ليك يا نورة غيمة تملا ماعونِك خريف يملا عينيكى ويفضـِّل يروى جوّاك العطاشة جاة ليك يا نورة غيمة تملا ماعونك خريف . ************ يا نفس فجر القصايد يا بلادى دا القطع قلب الروادى .. بى اللّواج الجاى .. وغادى ماهو صوتك .. لاها صورتك هى البترقش نادى فوق صدر الجرايد إنتى يا حُضن الصحارى شُفّع العرب الفتارى البفنـّوا الشايلا إيدمْ ويجروا كايسين القطارى لا سراب الصحرا .. موية ولا حُجار سلّوم .. موائد حالكم البصرخ وينادى ياوطن عز الشدائد *********** يا هُدى الناس الحيارى يا ندى الفجر الببلِّل نور عِوينات الفقارى جايى ليك .. آه جايى ليك جاى ليك يا نورة افة آفة .. للسوس البنقـِّر عود عِشيماً داخرو فيك أصلى لمـّن أدور أجيك .. بجيك .... لا بتعجّزنى المسافة ولا بقيف بيناتنا عارض لا الظروف تمسك فى إيدى ولا من الأيام .. مخافة يا نفس فجر القصايد يا بلادى ما ضِهِبْ فى بعدى عنـِّك أصلى متغرِّب عشانك راضى بى الجايينى .. منـِّك ما شكيت شُح اليالى .. وما بكيت نُحْ .. شِلتوا حالى رغم إنو الحال بيفضح إلاّ كٌتْ فى الحارة بصرُخ : يا وطن عِز الشدايد يا وطن عِز الشدايد يا وطن عِز الشدايد
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]