[رأفت ميلاد]

المشاركة الأصلية كتبت بواسطة فيصل سعد

سلامات يا رأفت و منال و كل الاحباب هنا :

انا ما بتاقل عليكم و انتوا عارفين ، فبطلوا جغمسة و شحورة و اتصلحوا معانا .. انا كنت في مأمورية جليدية تخللتها اعاصير برد و عواصف مبالغة و جيت متوعك و مرضرض و ملجن تب جاييكم بمهلة و رواقة و بالتقيل كمان بين تهادي البانة و ميلة العرجون و الحالم سبانا احب طرفه الكحيل اكرم لهوانا يعيش محيو الجميل ، و مبروك عليك الليلة يا نعومة و ليالي يا ليالي ليالي العودة تاني و فارقني حبي ارتاح يا رقيبي يا نجوم سعودي اتلاشي غيبي و طار قلبي ، و قلوبا ما انشون بنار غرامكن قمحن الله يطمنن الكبرني و سمحن ، و يا غاية الآمال لو دعاك الشوق و فيك بعشق الانشراح شفى قلبي بعد الجراح يا السادة الميني ..

فلوكوا الصبر و ارجوني جاييكم بمزاج و تروي

إنشاءالله يا فيصل البرد قل والتلج ساح .. نحن الحال فى حالو ..
يا زول راجنك .. واللكزة بتجيب الأحباب .. وكدارتنا ملساء .. يلا أبدا الحكى والشجون .. داسى ليك أغنية لإبراهيم عوض بالعود تحفة .. بس دايرين ليها مناسبة نحشرا بدون قصة .. متأكد بتعجبك ..