عرض مشاركة واحدة
قديم 22-09-2020, 04:51 PM   #[4]
عبدالحكيم
:: كــاتب نشــط::
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
عابد الحكيم
والحكمة في قولك "تترسم"..
أثارني في بوستيك أنهو اللغة العربية فيها خاصيات كتيرة ومتعددة..
فيها الدبلوماسية.. وكت تنزنق في قولة بتلقى كمين تفسير تتخارج بيهو..
فيها فن "موسيقى" الشعر والسجع وحكاية القافية بتخت اللبنات الأولى لي اللحن وتكون أغنية.. قال ليك شوف يعني.. سال من شعرها الذهب فتدلى وما نسكب.... لمن تقراها بتلقى فيها لحنها..
وبرضك تلقى التصوير والخيال "فأمطرت لؤلؤًا من نرجس وسقت وردًا وعضت على العناب بالبرد" وفيها العربية أيضا فن الرسم والتلاعب بأشكال الحروف،، تهامة ونسخ و و ...
شوف يعني مثلن إتا هنانا..
بديت بي "سورة الزمر" وقولة الكفار..
قالوا: الليل الكافر يعني البيستر...
شوف كيف وكت الزنقة تم التلاعب بقولة كفار أصبحت كلمة عاديية بغير المنظور المتعارف وخاصة عند الإسلامويين..
وبعدها قولة ملعون ومخارجة بن باز بي تناول حجة المذموم وحتى المذموم ظاتها في العربية ليها مخارجات كتيرة. إن إتكتبت بالزين تتغير وتبقة بعيدة في المعنى ودي كمان قصتها تانية.. شوف "إِن أول بيْت وضع للناس للذي ببكة" وهي ياها مكة والصعايدة بيقول سدرة وإحنا بنقول الفكي للفقي وهلماجرآ..
وقدر ما هم بيقولوا: عجمي فالعب به لينا إحنا المستعربة.. ممكن نقول: عربي إتحير بى...
هلا د. بابكر ....
دعوت علي الدنيا .. دنيانا .. باليقسمها وقلت يمكن حد يعترض ليه تقسمها ؟
فلقيت مخرج والحقته بها .. الملعونة إلا .. ما تم استثناؤه من خير الأنام ..
اصلها مقسمة ...................

ووجدت تقسيمة أخرى لأبو صلاح ..
ففيها موسيقى .. كالذي ذكرته أنت .. يتساءل :
وقلت اريتها باليقسمها زمرا زمرا ............ يا أبو صلاح :


اجسامنا ليه جسمين وروحنا واحده وكيف اتقسمت قسمين

شى عجيب فى غرامك يا فريع ياسمين

******************

ياحبيب انا قلبى على هواكا امين وفؤادى يعجز عن افكارى فى التخمين

وحواسى تحسد نظرى لحسنك وتظنين وشمالى تاخدو الغيره اذاجلستا يمين

*******************

يا من اسرتا فؤادى ملكتو فى اليدين ياملفت الانظار يانائر الخدين

غاية المقصود مادمنا متحدين تبقا الصداقه قرابا ونكسب الودين

*********************

يالفريد فى عصرك ذى صداقتك وين مااظن تكون ولابدعت قبل فى التكوين

على صحيفة قلبى تدونت تدوين ودين محمد حق لايقبل التلوين

**********************

فيك ياحبيبى اتنين هم للفكر سالبين هم شالو نوم عينى وللضمير تاعبين

بوجهك الكوكب يجهرنى ساعه يبين وبقامتك اليايات الفى الصدير لاعبين


****************************

من المنام ومعاى ولاجزء من ستين عندى التلت من عقلى وعندك التلتين

شايقانى بسمة فاهك ودرعقيدو متين لولها مالى صالح فى الظلال والتين

***************************

شى عجيب فى غرامك يافريع ياسمين

تغنى بها أولاد الموردة ... وتبعهم كثيرون مرددون :







التعديل الأخير تم بواسطة عبدالحكيم ; 30-09-2021 الساعة 04:56 PM.
عبدالحكيم غير متصل   رد مع اقتباس