06-12-2021, 11:07 PM
|
#[3]
|
|
:: كــاتب نشــط::
|
انا ام درمان
شعر : عبدالله محمد زين
أنا أم درمان
انا السودان انا الدر البزين بلدى
انا البرعاك سلام وامان يا ولدى
انا امدرمان سليلت السيل قسمت الليل وبنت صباح
انا الولدونى بالتهليل وهلت فوقى غابه رماح
انا الفى الشاطئ الغربى
سقوط غردون مهر الحربى
انا النيل الطلب قربى
مزج بين كافة الالوان
ام انا درمان
انا امدرمان انا الواحة وبحر البسقى والعطشان
بروقى تضوى للواحة وتهدى السارب الضهبان
وردوا وشدوا فوق الناس
ونادوا بقيت الاجناس
وبالتخدير بقيت مقياس
ام انا درمان
انا امدرمان نصرت الدين وكنت فدايه للاسلام
وروحوا حولى ناس صادقين فداهم فى حياتى غرام
وزانو المبدأ والفكرة
وقلدو اعظم الذكرى
ودخلوا المدرسه الكبرى
ونالو شهادة الايمان
ام انا درمان
انا امدرمان سقانى النيل رحيق العزة من كأسه
انا البى مجدو كنت دليل واية وحدة لى ناسه
|
|
|
|