زعلان/نه ..نقبلها - حردان/نه ..لا وألف لا

[مكي محمد الحسن]

أهلي في سودانيات
السلام عليكم جميعاً
فتحت هذا البوست
لا للحديث عن أحد بعينه/ بعينها
ولا للمجادلة والاختلاف
ولا لشئ في نفسي اخبيه
ولا لمجاملة احد أو مواساته
بل هو لنقاش الظاهرة ...
وقد تكون في كلماتي بعض دعابة ..هزل ..أو جد
شاركوني بالرأي ..
الجد محل الجد
والهزل من غير زعل أو حرَد

[مكي محمد الحسن]

إنتقي ما شئت من المواضيع
إقراء ..كل ما يكتب أو اتركه/اتركية جانباً
تداخل/ تداخلي بالكلمات ..
إذا لم تعجبك ..لغة الحوار ..إختار الابتعاد عن ذلك الحوار
وليس موقع سودانيات ..

[مكي محمد الحسن]

زمان
كنا عندما نلعب كرة القدم مثلاً.. ويفوز الفريق الذي ليس من بين لاعبيه
صاحب الكرة ..يلجأ الصبية الآخرون في الفريق المغلوب ( ولا أقول المهزوم )
الي صاحب الكرة لكي يأخذها ويذهب قبل انتهاء المبارة ..
فيهتف الصبية ...
فلان زعل ..فلان زعل من اللعب..
لأنه ببساطة سوف يعود في اليوم التالي بكرته ليلعب معهم ..
ولكنه يختار في المرة التالية عناصر لفريقة من الصبية الآخرين ..
لم يصيح أو يهتف الصبية ..فلان حرد ..فلان حرد اللعب..
فذلك يعني بأنه لن يلاعبهم أو يلعب معهم من بعدها ..

[مكي محمد الحسن]

ظاهرة في ( سودانيات )
فلان أو فلانه ...زعلان أو زعلانه
عادي ..عاديه
الناس بتزعل ولا ما نكون بشر ..
لكن ..فلان حردان الموقع ..وفلانه حردانه الموقع ..
دي بالجد مسألة ما بتشعرني بالإطمئنان ..
وبفتكر ما في داعي ليها تنتشر في العديد من البوستات ..
في المواقع الاخري علي الشبكة ..
مرات من حرارة النقاش وشدته ..أقول بيني وبين نفسي ..
الناس ديل كان إتلاقوا وجهاً لوجهه ..
الا يفرقهم حجاز ..
أها يا ناس سودانيات فيكم ما شاء الله من الأجاويد
الذين يدخلون بكلامهم الطيب في قلب الواحد عديل كده بدون إحم ولا دستور
بالله يا ناس دي براها ما نعمة ...
شاركوني الرأي ..
يمكن ازعل من زول ..لكن أحرَد ليهو/ ليها الموقع ..وأقول وداعاً سودانيات..
محال ...
المعزرة نسيت أقول ليكم العيد مبارك علينا وعليكم