حاجات تجيب الجلطة ...

[الأغبش]

وإنت ماشي أو حتي واقف في حياتك اليومية بتلاقيك حاجات كتيره ترفع ليك الضغط وممكن جداً توصلك مرحلة الجلطه .. ممكن تكون تصرفات عادية عند اصحابها وما نفعت معاك انت بس ..وممكن تكون حاجات متقف عليها .. سأحاول هنا إستعراض بعض تلك المواقف ..والتي بالتأكيد حدث بعض منها اليوم لذا كان لابد من الفضفضة ..
تكون ماشي في شوارع الخرطوم في عز الزحمة ومستعجل أو حتي ماشي بخطوات عادية تلاقي قدامك واحد يتهادى تقول الود ماشي علي الشاطئ تخرم يمين يجيك يمين يشيلها منو شمال تلقاهو قدامك تلاقي نفسك بدون ما تشعر بتعمل في خطوات تنظيم عشان تحافظ علي سرعتك وما تضطر تقوم تاني من نمرة واحد ...
وإنت ماشي تلاقيك واحدة لابسه هدوم أختها الصغيرة وشغاله بالطاقة القصوى في جرجرة هدومها مرات لي تحت ومرات لي فوق ... هي الواحدة لو أصلاً ما بتقدر علي جنس ده لزومو شنو من الأول ...
بتاع الحافله يقيف بيك في محطة في النص زي تقول آخر محطة ربع ساعة عشان يجي زول واحد يركب .. وبعد شوية يلف بيك بالشارع البعجبو هو ويرميك في أقرب ملف بعيد من محل ماشي .. ولو حظك سمح زي حظي اليوم يكون راكب واحد بتاع شرطه يستعرض عضلاتو ويودي الحافله كلها القسم .. تقوم تشتري وقتك وراسك وتركب واحدة تاني وانت تدعو انو ما يطلع زي الأول ... وعادي ممكن يطلع ود عمو ..

ونواصل ...

[الوليد عمر]

....






[align=right]



جرِّيت (بنبر) ..


[/align]







...

[بدور التركي]

نواصل
بعد الفاصل

سلام يا دكتور
شووووووووووق

[الأغبش]

طالب جامعي يكتب ليك بخط تحلف تقول أسي طالع من فصل محو الأمية ... الخط الشين ما مشكلة ..دي بشتنه بعد الخط المكعوك ..وفي النهااااااااااااايه كده يجر خط ويكتب ليك (ملقي)..
في ياتو كوشه ما عارف ...

[بدور التركي]

المشاركة الأصلية كتبت بواسطة الأغبش

طالب جامعي يكتب ليك بخط تحلف تقول أسي طالع من فصل محو الأمية ... الخط الشين ما مشكلة ..دي بشتنه بعد الخط المكعوك ..وفي النهااااااااااااايه كده يجر خط ويكتب ليك (ملقي)..
في ياتو كوشه ما عارف ...

هههههههههههههه
فى حضارة كوشة

متابعين

[بدور التركي]

المشاركة الأصلية كتبت بواسطة الأغبش

طالب جامعي يكتب ليك بخط تحلف تقول أسي طالع من فصل محو الأمية ... الخط الشين ما مشكلة ..دي بشتنه بعد الخط المكعوك ..وفي النهااااااااااااايه كده يجر خط ويكتب ليك (ملقي)..
في ياتو كوشه ما عارف ...

بالمناسبة يا استاذ
انا خطى ما حلو
بس ما مكعوج
يعنى لو كنت طالبة عندك
...........!!!

[الأغبش]

المشاركة الأصلية كتبت بواسطة بدور التركى

بالمناسبة يا استاذ
انا خطى ما حلو
بس ما مكعوج
يعنى لو كنت طالبة عندك
...........!!!

هههههههههههههههههههههههههههه
ياسمين ازيك .. مشتاقين

انا ذاتي خطي ما سمح ..البتكلم عنو ده حاجه تانيه الله لا وراك ليها ..حاجه كده ما مفهومة كتابة ولا بخرة ..بالمناسبة بتعرفي البخرة؟؟؟

[طارق صديق كانديك]

المشاركة الأصلية كتبت بواسطة الأغبش

وإنت ماشي تلاقيك واحدة لابسه هدوم أختها الصغيرة وشغاله بالطاقة القصوى في جرجرة هدومها مرات لي تحت ومرات لي فوق ... هي الواحدة لو أصلاً ما بتقدر علي جنس ده لزومو شنو من الأول ...

ونواصل ...

هسي زي دي بجيب جلطة شنو ياخ ... أنظر للناحية الأخرى من الكوب ... !!!

تلقى الموضوع ده جميل وأنيق جدنننن ...!!!

تحياتي ..

[بدور التركي]

المشاركة الأصلية كتبت بواسطة الأغبش

هههههههههههههههههههههههههههه
ياسمين ازيك .. مشتاقين

انا ذاتي خطي ما سمح ..البتكلم عنو ده حاجه تانيه الله لا وراك ليها ..حاجه كده ما مفهومة كتابة ولا بخرة ..بالمناسبة بتعرفي البخرة؟؟؟

ههههههههههه
امكن تعويذة
هههههههههههه
اكيد بعرف البخرة
اللى بتشمها النخرة
لكن عمرى ما عملتها

[بدور التركي]

المشاركة الأصلية كتبت بواسطة طارق صديق كانديك

هسي زي دي بجيب جلطة شنو ياخ ... أنظر للناحية الأخرى من الكوب ... !!!

تلقى الموضوع ده جميل وأنيق جدنننن ...!!!

تحياتي ..

غايتو انا شفتك ووجدك انيق وجميل
فرحت وخففت عنى الجلطة

مشتاقين برضو

[طارق صديق كانديك]

المشاركة الأصلية كتبت بواسطة بدور التركى

غايتو انا شفتك ووجدك انيق وجميل
فرحت وخففت عنى الجلطة

مشتاقين برضو

اذن أنا السعيد .. !!

شكرا بدورنا المليانة نور .. !!

بالأكتر يا أنيقة ..

[الأغبش]

المشاركة الأصلية كتبت بواسطة طارق صديق كانديك

هسي زي دي بجيب جلطة شنو ياخ ... أنظر للناحية الأخرى من الكوب ... !!!

تلقى الموضوع ده جميل وأنيق جدنننن ...!!!

تحياتي ..

كوب شنو ياخي ... ده زي الكابي ليك عصير في كباية شاي ..فيها ناحية جمالية دي؟؟
بعيد عن كل شئ .. الما بتقدر عليهو كلو ..خليهو كلو ... يعني لو هي اصلا حاتكون مشغوله بأنها تطول هدومها بالجرجير (اكسر لي الجيم الأولي وافتح التانيه عليك الله) من الأول ما كان في داعي تدخل نفسها في (الحته الضيقة)دي ..

[طارق صديق كانديك]

المشاركة الأصلية كتبت بواسطة الأغبش

كوب شنو ياخي ... ده زي الكابي ليك عصير في كباية شاي ..فيها ناحية جمالية دي؟؟
بعيد عن كل شئ .. الما بتقدر عليهو كلو ..خليهو كلو ... يعني لو هي اصلا حاتكون مشغوله بأنها تطول هدومها بالجرجير (اكسر لي الجيم الأولي وافتح التانيه عليك الله) من الأول ما كان في داعي تدخل نفسها في (الحته الضيقة)دي ..

ههههه

هسي عليك الله أنا أكسر ليك الجيم ولا أتخيل الفكرة .. !!!

غايتو العصير في أي كباية .. حلو .. الواحد كمان لازم يقول النصيحة ... !!!:D

[الأغبش]

المشاركة الأصلية كتبت بواسطة بدور التركى

ههههههههههه
امكن تعويذة
هههههههههههه
اكيد بعرف البخرة
اللى بتشمها النخرة
لكن عمرى ما عملتها

طلعتي لسه متذكرة ... ومذاكرة ..لكن في بخره تانيه بمناسبة المذاكرة دي ... بتاعت الامتحان .. وفي دي البجيب ليك الجلطه الطالب البليد حتي في فنون البخره ..يعني تلقاهو كاتب في يدو ..طيب لو قبضوك يدك دي بتوديها وين ؟؟ لو ورقه ممكن تتصرف ان شاء الله تفطر بيها ..

[بدور التركي]

المشاركة الأصلية كتبت بواسطة الأغبش

طلعتي لسه متذكرة ... ومذاكرة ..لكن في بخره تانيه بمناسبة المذاكرة دي ... بتاعت الامتحان .. وفي دي البجيب ليك الجلطه الطالب البليد حتي في فنون البخره ..يعني تلقاهو كاتب في يدو ..طيب لو قبضوك يدك دي بتوديها وين ؟؟ لو ورقه ممكن تتصرف ان شاء الله تفطر بيها ..

ايادى تتأوه
يد تعويذة تكتب مع الشر
لكى تخرج وتزور اطفالا
فعلا حاجة تجيب الجلطة