عبد الله وداعة الأمين ،،،،،،،، تجي ولا نجي ؟؟؟ حِكمتو بااااااااالغه

ناصر يوسف · 23-09-2011, 10:49 PM

ليه بس كِدَه يا عبد الله ؟؟
ليه بس كِدَه ؟؟
أها حتجي ولا نجيك هناك نشيل صباعك السبابي ونقول للغاشي يا زول هوووووووووووي ؟؟

عبدالله وداعه الامين · 23-09-2011, 11:05 PM

شكيتك ليك يا ناصر

دا شنو دا يا الحبيب؟
ياخ مالك علي؟
وفي شنو؟
وليه؟
والحاصل شنو؟

نبراس السيد الدمرداش · 23-09-2011, 11:35 PM

ما قلتا ليك؟

ما سمعتي جواي ضحكتك

وعيوني يوم زارت عينيك؟

حرشتَّ خيل وجعي الوقف

مذهول وما عارف يجيك

انا برتجيك

يا واقفة بين جرح الاسف

يا سامعة ما عارفه العلي

يا طاعنة في الريد اشتهيك

انا بين وشيك

بينك وبين خايف عليك

ملهوف يجرجني العشم

مخنوق وجيت انا و الالم

ومرقتا مني ندهتا ليك

وفتحت ليك جواي جرح

دربين علي دربك ,, ارح

وانا منفضح

منك عليك و بسمت بيك

وكانو ما ابدا عليك

دنقرتي رمش الضو سهى

وما بين حنين الاشتهى

وبينك ,,

فتحت الباب علي

عترت عيوني علي ايدك

وقع الفرح مبهول

خجل تمتم رطن

قايلاهو جاكي بيرتجيك؟

ابدا وحاتك ما العشم

يا واقفة بين حرفك براك

انا تاني من وين ابتديك

وختمت بيك كل الغنا

ضميت حنين فرحك علي

وقدرتا جواي انتهيك .

عبدالله وداعه الامين

لندن - 13.06.2009

.

ناصر يوسف · 23-09-2011, 11:37 PM

اقتباس:

المشاركة الأصلية كتبت بواسطة عبدالله وداعه الامين

شكيتك ليك يا ناصر

دا شنو دا يا الحبيب؟
ياخ مالك علي؟
وفي شنو؟
وليه؟
والحاصل شنو؟

عشان كده بس ...
عشان ...
ياخي أقول ليك كلام ؟؟؟
ولا سيبك من كلامي هسي
برجع ليك تاني

ناصر يوسف · 23-09-2011, 11:42 PM

يا اخي الجابتو البت السادَه عين الشَمِش الفوق ده مو كلامك ؟؟؟

والجاي تحت ده برضو مو كلامك ؟؟

بعض الاحرف كالنساء تماما ... تغوي بابتسامة و(تنكش) لحاف الشوق عن عمد لتشعل فتيل الشهوة

الشهوة لحرف تعتصره حتى يقطر في قلبك ناعما لتدغدغه باطراف انامل رغبتك وتضمه اليك وتقبله..

صرنا نشتهي الحروف يا حبيب .. ضعفي انثى حرف ... واخرى تقدّ قميص وقاري من (قبل) وتفتح شراييني لدم الكتابة ..تشربني ... تتتشربني فتكتبني كيفما تشاء وبلغتها هي بعنفوانها وحنينها ... سطوتها وجنونها ... كبرياءها وانهزامها لتخرج من صلب احتوائها علبة الوان الشوق ,,, لترسمني كيفما تشاء وتعلمني ان اتهجى حروف الشوق حرف حرف واتذوقها قطرة قطرة.

اسكر بها روحي العطشى حتى افقد وقار سكينتي .. فادنو اكثر واتمضمضها كما شاء لي الحنين .... وسيان عندي ساعتها انهزام الشوق او انهزامي .... اعتمال الشوق او اعتمالي

تستهويني انثى حرف ... تعرف سر الدخول الى اسرّة انتظاري.. تفك شعر احتشامها عند العطاء وتعطي بعض المداد سر النبض.انثى تطلع من ضلع اعوجاج الشوق فيَّ لتقومني .. تبعثر اوراقي كيفما اتفق وترفض ان ترتبني بذات الفوضى وتعرف كيف تطوقني عندما تسكت في عيوني لغة السؤال.يستهويني حرف ويسكنني ... تكسرني امرأة وتعرف جيدا ترتيب حروفي.
وتيييييييييييييييييييييييييييب

وبرضو تقول لي هو في شنو ؟؟؟

حِكمتو بااااااااااااالغه لكِن

نبراس السيد الدمرداش · 23-09-2011, 11:58 PM

اندسي ما بين المسام
او حتى بينات الضلوع
اتلاشي في وسط العروق
اوعاكي تشتاقي الرجوع
اشتاقي لي جواك انا
تلقيني بيك تامي الخشوع
وسادي بيك عصب الوله
متوسدك قبل الركوع
اتباها بيك جواي فرح
يا ستي واتناسى الدموع
اندسي جاي

اندسي ما بيني وانا
واتلاشي جواي الهفيف
وانشري يا كل المنى
زي موجه تتلقى الرصيف
بي لهفة تحضن ضفتو
جواها يصيح كلو قيف
يا قيفي من قبل النزوح
وريني اتلقاكي كيف؟
كيقن احسك في المسام
او حتى في نفسك اقيف؟
وتكوني يا غيم الولف
اشواقي والفرح النضيف
واندسي جاي

اندسي في كل الخلايا
وفرهدي.. وابقي الندى
واتماشي بينات الحواس
امكن الاقيكي الصدى
او ضحكة عشقت ضحكتك
وبسيمة تتحدى المدى
تلقيني بيك طايل السماء
قبال سماك يطوي النداء
لي زول بفتش روحو فيك
بمحنة غالبو يهدهده
بي شوقو فتّر ضي عيون
سطوة غيابك سهده
اندسي جاي

عبدالله وداعه الامين
لندن 2005‏‏-‏06‏‏-‏25‏

سارة · 24-09-2011, 12:22 AM

سبحان الله لى يومين بكتب فى بوست ما انتهى عشان الزول الكرور دا

نيبو يا ست ابوها وامها وستى انا اندسي ما بيني وانا
واتلاشي جواي الهفيف
وانشري يا كل المنى
زي موجه تتلقى الرصيف
بي لهفة تحضن ضفتو
جواها يصيح كلو قيف
يا قيفي من قبل النزوح
وريني اتلقاكي كيف؟

ديشك وديش عبودى زاتو

ناصر محارباك

ناصر يوسف · 24-09-2011, 12:30 AM

اقتباس:

المشاركة الأصلية كتبت بواسطة سارة

سبحان الله لى يومين بكتب فى بوست ما انتهى عشان الزول الكرور دا

ناصر محارباك

ولا يهمك
حاربيني مِتِل ما إنتي دايره وبرضو نزلي البوست بتاعك ..
وأهو يبقي إستفزاز في إستفزاز لمثل هذا القلم المسمي مجازاً بـــ

عبد الله وداعة الأمين

فتحي مسعد حنفي · 24-09-2011, 09:34 AM

عبدالله زول جميل من كل النواحي ولبدتو دي ما ساكت..غايتو أنا ما عارف ليه اليومين ديل عندي احساس انو اتلم علي محسن خالد وبكونوا في حزب سياسي في لندن

ناصر يوسف · 25-09-2011, 10:26 AM

اقتباس:

المشاركة الأصلية كتبت بواسطة فتحي مسعد حنفي

عبدالله زول جميل من كل النواحي ولبدتو دي ما ساكت..غايتو أنا ما عارف ليه اليومين ديل عندي احساس انو اتلم علي محسن خالد وبكونوا في حزب سياسي في لندن

الزول الجميل ده يا كبيرنا ما باقي لي إلأا إني أحرش فيه الحِسَان باهرات القول في شان يمرُقَنُو .. أو يِجَنِنَنو .. أو يِحَنِننو .. أو يختَنَّها ليهو في حنانو ظاتو ياخ

بله محمد الفاضل · 25-09-2011, 10:51 AM

حزب سياسي ما أظن يا عمك
بس يمكن يفجرو لينا قنبلة ثقافية ماكنة
تطير باقي فهمنا (نا: تفخيم ساهي ما قاصد غيري)
نقعد نقرأ شهر سنة سنوات
ونعمل ما شفناها
لحدي ما يتكرمو علينا ويشرحو

يا اخي خليكم معانا الله يرضى عليكم
الغياب دا ما كويس بربي الحنين
والحنين الفينا أصلاً مهول
حتى وإنتو معانا
فساعدونا نتنفسو بي وجودكم
وغناكم

بس المفاجعات لذيذة ما بتنبي
ألكعو فجروها لينا بالله

تحياتي واحترامي ومحبتي
وتسلم يا ناصر يا اخي

ناصر يوسف · 25-09-2011, 11:19 AM

اقتباس:

المشاركة الأصلية كتبت بواسطة بله محمد الفاضل

يا اخي خليكم معانا الله يرضى عليكم
الغياب دا ما كويس بربي الحنين
والحنين الفينا أصلاً مهول
حتى وإنتو معانا
فساعدونا

نتنفسو بي وجودكم
وغناكمبس المفاجعات لذيذة ما بتنبي
ألكعو فجروها لينا بالله

تحياتي واحترامي ومحبتي
وتسلم يا ناصر يا اخي

مُش كِدَه بالله يا بــلَة يا صديقي ؟؟؟
كلممو بالله عليك المجنون ده ... كلمو وكقول ليه نحن جنون حرفك لينا دواء

نبراس السيد الدمرداش · 25-09-2011, 12:12 PM

انتي الخطاوي الماشة مني
وطالعة منك و جايه فيك
متساربة في الروح اشتهى
مشدوهة تسأل عني ليك
هذيني جواك صوت مطر
جدول فرح منك وبيك
واديني بحضورك عشم
خليني ساكنك و مشتهيك
وريني من وين ادخلك
او حتى من وين ابتديك؟
سدي المساحات الندى
وادي البحر من صوت مشيك
امكن غماماتك تفك
وش السماء وتحضن ايديك
****
انتي الخطاوي الجايه مني
وبرضو تسأل عن مجيك
سكة هواك يا حلوة وين؟
وريني امكن شوق اجيك
او حتى مرسال من حنان
القاكي واحضن ضفتيك
وابقاكي يا حسي الندي
زيك سكون وكمان شريك
اتمدى جواك لون فرح
ومحنة اتوسد عنيك
يا ست هواي ابداكي كيف؟
او حتى من وين انتهيك؟
يا خطوة الشوق القديم
ضميني بي فرحك عليك

London
‏2005‏‏-‏05‏‏-‏06‏

سمراء · 25-09-2011, 12:23 PM

اقتباس:

انتي الخطاوي الماشة مني
وطالعة منك و جايه فيك
متساربة في الروح اشتهى
مشدوهة تسأل عني ليك
هذيني جواك صوت مطر
جدول فرح منك وبيك
واديني بحضورك عشم
خليني ساكنك و مشتهيك
وريني من وين ادخلك
او حتى من وين ابتديك؟
سدي المساحات الندى
وادي البحر من صوت مشيك
امكن غماماتك تفك
وش السماء وتحضن ايديك

احييييييييي ياوجع مصارينى ....بث !!

عبد الله وداعة ياخ " الثاعة عندكم كم اثع "

بالمناسبة الحتة من القصيدة الفوق دى بهديها لى فردة رفرفى الشمين " اشتر" طيب الله ثراه بين قوسين محمد ابو عاقلة الجنا الكتاحتو لسع فى عيونا

ياحليلو ياعبدوش !
النبى حنسو اتا يمكن يثمع كلامك ...او ادفر ليهو المشوطن التانى داك بتاع المساحة ، اسكابشن

طبعا انتو عملتو لوبى مع صاحبكم اشتر وحردتو معاهو مؤازرة ساى موش !!
ده بدل تجيبوهو ياحاسدين

قوم لف كده ولا كده ...مامشتاقين ليك زاتو
ولا لى قصائدك الكعبة دى

23-09-2011, 10:49 PM	#[1]
ناصر يوسف :: كــاتب نشــط::	عبد الله وداعة الأمين ،،،،،،،، تجي ولا نجي ؟؟؟ حِكمتو بااااااااالغه ليه بس كِدَه يا عبد الله ؟؟ ليه بس كِدَه ؟؟ أها حتجي ولا نجيك هناك نشيل صباعك السبابي ونقول للغاشي يا زول هوووووووووووي ؟؟
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

23-09-2011, 11:05 PM	#[2]
عبدالله وداعه الامين :: كــاتب نشــط::	شكيتك ليك يا ناصر دا شنو دا يا الحبيب؟ ياخ مالك علي؟ وفي شنو؟ وليه؟ والحاصل شنو؟
عبدالله وداعه الامين :: كــاتب نشــط::	التوقيع: اللهم أغفر لخالد الحاج وارحمه وأعفو عنه و أكرمه .. اللهم نقه من خطاياه كما ينقى الثوب الأبيض من الدنس .. اللهم أغسله بالثلج و الماء والبرد .. اللهم وسع مدخله و ادخله الجنة بغير حساب .. اللهم يمّن كتابه و هوّن حسابه و ليّن ترابه و ثبّت أقدامه و ألهمه حسن الجواب ..

23-09-2011, 11:35 PM	#[3]
نبراس السيد الدمرداش :: كــاتب نشــط::	خيل الوجع ... انا اشتهيك ما قلتا ليك؟ ما سمعتي جواي ضحكتك وعيوني يوم زارت عينيك؟ حرشتَّ خيل وجعي الوقف مذهول وما عارف يجيك انا برتجيك يا واقفة بين جرح الاسف يا سامعة ما عارفه العلي يا طاعنة في الريد اشتهيك انا بين وشيك بينك وبين خايف عليك ملهوف يجرجني العشم مخنوق وجيت انا و الالم ومرقتا مني ندهتا ليك وفتحت ليك جواي جرح دربين علي دربك ,, ارح وانا منفضح منك عليك و بسمت بيك وكانو ما ابدا عليك دنقرتي رمش الضو سهى وما بين حنين الاشتهى وبينك ,, فتحت الباب علي عترت عيوني علي ايدك وقع الفرح مبهول خجل تمتم رطن قايلاهو جاكي بيرتجيك؟ ابدا وحاتك ما العشم يا واقفة بين حرفك براك انا تاني من وين ابتديك وختمت بيك كل الغنا ضميت حنين فرحك علي وقدرتا جواي انتهيك . عبدالله وداعه الامين لندن - 13.06.2009 .
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام

23-09-2011, 11:42 PM	#[5]
ناصر يوسف :: كــاتب نشــط::	يا اخي الجابتو البت السادَه عين الشَمِش الفوق ده مو كلامك ؟؟؟ والجاي تحت ده برضو مو كلامك ؟؟ بعض الاحرف كالنساء تماما ... تغوي بابتسامة و(تنكش) لحاف الشوق عن عمد لتشعل فتيل الشهوة الشهوة لحرف تعتصره حتى يقطر في قلبك ناعما لتدغدغه باطراف انامل رغبتك وتضمه اليك وتقبله.. صرنا نشتهي الحروف يا حبيب .. ضعفي انثى حرف ... واخرى تقدّ قميص وقاري من (قبل) وتفتح شراييني لدم الكتابة ..تشربني ... تتتشربني فتكتبني كيفما تشاء وبلغتها هي بعنفوانها وحنينها ... سطوتها وجنونها ... كبرياءها وانهزامها لتخرج من صلب احتوائها علبة الوان الشوق ,,, لترسمني كيفما تشاء وتعلمني ان اتهجى حروف الشوق حرف حرف واتذوقها قطرة قطرة. اسكر بها روحي العطشى حتى افقد وقار سكينتي .. فادنو اكثر واتمضمضها كما شاء لي الحنين .... وسيان عندي ساعتها انهزام الشوق او انهزامي .... اعتمال الشوق او اعتمالي تستهويني انثى حرف ... تعرف سر الدخول الى اسرّة انتظاري.. تفك شعر احتشامها عند العطاء وتعطي بعض المداد سر النبض.انثى تطلع من ضلع اعوجاج الشوق فيَّ لتقومني .. تبعثر اوراقي كيفما اتفق وترفض ان ترتبني بذات الفوضى وتعرف كيف تطوقني عندما تسكت في عيوني لغة السؤال.يستهويني حرف ويسكنني ... تكسرني امرأة وتعرف جيدا ترتيب حروفي. وتيييييييييييييييييييييييييييب وبرضو تقول لي هو في شنو ؟؟؟ حِكمتو بااااااااااااالغه لكِن
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

23-09-2011, 11:58 PM	#[6]
نبراس السيد الدمرداش :: كــاتب نشــط::	إندسي جاي اندسي ما بين المسام او حتى بينات الضلوع اتلاشي في وسط العروق اوعاكي تشتاقي الرجوع اشتاقي لي جواك انا تلقيني بيك تامي الخشوع وسادي بيك عصب الوله متوسدك قبل الركوع اتباها بيك جواي فرح يا ستي واتناسى الدموع اندسي جاي اندسي ما بيني وانا واتلاشي جواي الهفيف وانشري يا كل المنى زي موجه تتلقى الرصيف بي لهفة تحضن ضفتو جواها يصيح كلو قيف يا قيفي من قبل النزوح وريني اتلقاكي كيف؟ كيقن احسك في المسام او حتى في نفسك اقيف؟ وتكوني يا غيم الولف اشواقي والفرح النضيف واندسي جاي اندسي في كل الخلايا وفرهدي.. وابقي الندى واتماشي بينات الحواس امكن الاقيكي الصدى او ضحكة عشقت ضحكتك وبسيمة تتحدى المدى تلقيني بيك طايل السماء قبال سماك يطوي النداء لي زول بفتش روحو فيك بمحنة غالبو يهدهده بي شوقو فتّر ضي عيون سطوة غيابك سهده اندسي جاي عبدالله وداعه الامين لندن 2005‏‏-‏06‏‏-‏25‏
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام

24-09-2011, 12:22 AM	#[7]
سارة :: كــاتب نشــط::	سبحان الله لى يومين بكتب فى بوست ما انتهى عشان الزول الكرور دا نيبو يا ست ابوها وامها وستى انا اندسي ما بيني وانا واتلاشي جواي الهفيف وانشري يا كل المنى زي موجه تتلقى الرصيف بي لهفة تحضن ضفتو جواها يصيح كلو قيف يا قيفي من قبل النزوح وريني اتلقاكي كيف؟ ديشك وديش عبودى زاتو ناصر محارباك
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

24-09-2011, 09:34 AM	#[9]
فتحي مسعد حنفي :: كــاتب نشــط::	عبدالله زول جميل من كل النواحي ولبدتو دي ما ساكت..غايتو أنا ما عارف ليه اليومين ديل عندي احساس انو اتلم علي محسن خالد وبكونوا في حزب سياسي في لندن
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..

25-09-2011, 10:51 AM	#[11]
بله محمد الفاضل :: كــاتب نشــط::	حزب سياسي ما أظن يا عمك بس يمكن يفجرو لينا قنبلة ثقافية ماكنة تطير باقي فهمنا (نا: تفخيم ساهي ما قاصد غيري) نقعد نقرأ شهر سنة سنوات ونعمل ما شفناها لحدي ما يتكرمو علينا ويشرحو يا اخي خليكم معانا الله يرضى عليكم الغياب دا ما كويس بربي الحنين والحنين الفينا أصلاً مهول حتى وإنتو معانا فساعدونا نتنفسو بي وجودكم وغناكم بس المفاجعات لذيذة ما بتنبي ألكعو فجروها لينا بالله تحياتي واحترامي ومحبتي وتسلم يا ناصر يا اخي
بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

25-09-2011, 12:12 PM	#[13]
نبراس السيد الدمرداش :: كــاتب نشــط::	انتي الخطاوي انتي الخطاوي الماشة مني وطالعة منك و جايه فيك متساربة في الروح اشتهى مشدوهة تسأل عني ليك هذيني جواك صوت مطر جدول فرح منك وبيك واديني بحضورك عشم خليني ساكنك و مشتهيك وريني من وين ادخلك او حتى من وين ابتديك؟ سدي المساحات الندى وادي البحر من صوت مشيك امكن غماماتك تفك وش السماء وتحضن ايديك **** انتي الخطاوي الجايه مني وبرضو تسأل عن مجيك سكة هواك يا حلوة وين؟ وريني امكن شوق اجيك او حتى مرسال من حنان القاكي واحضن ضفتيك وابقاكي يا حسي الندي زيك سكون وكمان شريك اتمدى جواك لون فرح ومحنة اتوسد عنيك يا ست هواي ابداكي كيف؟ او حتى من وين انتهيك؟ يا خطوة الشوق القديم ضميني بي فرحك عليك London ‏2005‏‏-‏05‏‏-‏06‏
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام