رسالة من متابع جيد الى عموم سودانيات
أستاذ اجيال وشاعر جميل مرهف ومتابع قديم لهذا المنبر
وعضو في اكثر من منبر مجاور ومتابع لبعضها
ترررررررن
-الو
-السلام عليكم كيفك ياودالشيخ ان شاءالله طيب
-اوووووو استاذنا كيفك ياخ والله جوالنا نور الليلة
.............
,,,,,,,,,
...(النقط دي حق الله بق الله)..........
,,,,,,,,,,,
ثم...
- دا شنو الحاصل في سودانيات دا
- ياتو؟
- ياتو كيف؟ سودانيات دي كانت من اجمل المنابر البنرتاح فيها من "عفن"** الحتات التانية وبداوم والله على قراءة كل البتكتب فيها والليلة جيت داخل لقيت وضعها بقى غريب جدا وكمان قبل شوية لقيت المنتدى مغلق وابا يفتح معاي رسمي الحاصل شنو؟
- والله يااستاذ ماعارف لأني الليلة خشيت آخر مرة بعد الظهر لكن بكون عارض مؤقت اما الحاجة دي ف مساحة الحرية الممنوحة هي البتخلي بعضهم مرات يشطح ومابتقدر تمنع زول عن طرح البشوفو.
- لا لا دي ماحرية دي اتجاوزت المنطق دا وبقت ساحة مفتوحة لكل من هب ودب وبعدين برضو شايفك كاتب مداخلة في .....ووالله ياودالشيخ انا لو مابعرفك و(.......لوم وتقريع حار ومباشر لشخصي الضعيف عن تلك المداخلة......)الله يرحمك ياخالد الحاج.
- ليهو الرحمة والمغفرة ان شاءالله (......دفاع عن مداخلتي لم يقنعه.....) وبس ماتنسى انو سودانيات مليانة اقلام جميلة واسماء كبيرة وكمان مليانة مواضيع وحوارات ثمينة
- ايوا بس كمان البحصل دا بخليها زي كثير من المنتديات البقت طاردة والناس استغنوا عنها
- ان شاءالله يحصل خير انا غايتو بنقل كلامك دا للإدارة هناك بعد إذنك طبعاً
- اي بالله وصلو او اكتبو في بوست عديل وانا والله لو ما ضيق الزمن والمشاغل الكتيرة كنت جيت وسجلت وكتبتو
- والله ياريت الواحد يشوفك بي هناك على الاقل نسرق لينا منك كم حاجة عيان بيان بدل مانلبد ليك في الفيس والمنتديات التانية
.....................
...............
..............
...(فاصل / كلام كتير في مواضيع لاتخص المنتدى)......
..............
.............
*اشهد الله ان هذا ماحدث في تلك المكالمة
وكانت الساعة9:56م يوم الخميس7مارس2013م
اقول قولي هذا واستغفر الله لي................
|
