يا مافيشة

28-10-2005, 06:48 PM

[Unload]نشكرك جدا علي قرائة الموضوع و لا تبخل علينا بردك [/Unload]سألت الإيد اللمت حلم امبارح آمال بكرة و كتبت إسمك
سألت الروح الضوى ضلاما و زان احلاما وهج لى بسمك
سألت الشوق الحرك ريشتو إحساس بى فقدك
صور لوحة و كانت رسمك
سألت سألت ... رجعت حزين
وشايل إسمك بسمك ..رسمك
ليه الفرقة جزورا بعيدة وديمة تكون طوالى عنيدة
تهزم لى آمالنا بقرب اللقيا
وحسرة بتبعد عن دنيانا إلا مكانا فى واحدة جديدة
ولمن يدوزن وتر الكون أنغام آمالو أغانى و فرحة...
يمد القدر الغادر إيدو يجيب أحزانا و تانى يعيدا
آهة و دمعة معاهم أنة
تغيب الغنوة معاها الرنة .. و أحلى نشيدا
ويرجع يعاود صوت الآهة نشاز
نعاود نبنى الفرقة نشيدا
سألت سألت
سألت خيالك
عن أخبارك عن أحوالك
و كيف هى عيونك و مشتاق ليها و كيف فى الغربة هو أصبح حالك
....... زرى غيابك طلسم دهشة و طلى حضور
بددى غيهب سفرك فقدك
أبقى فنارة و أبقى منارة و كونى النور
وشيل يا نورس بين جنحاتك خبر الرجعة
رشو سماد لى زرع الفرحة وأسقى بذور
شتل العودة الرجعة الما لاقياك و منتظراك فى اراض بور
يا مافيشة وزى موجودة
بقيتى وريد فى جسم الفرحة
وعد تربال فرح أطفال بغنوا معاى
شليل وين راح
شليل مافيش
و يا مافيشة وين الضحكة الضاعت وسط الزحمة حزينة
عروس فى سيرة فاقدة الطرحة
خنق احلاما ليلة الدخلة غول الوحشة
كتم أنفاسا غابت نفحة بقت .... مافيشة
و يا مافيشة
رطبى شمس الفرقة الحارقة الجوف
نداوة وعدك زى تعريشة
تضلل عش آمالنا الجف ويبس
ترجعى بسمة زول فى بعدك كاره نفسو و كاره العيشة
دافن أملو و ما لاقيهو
فقعت عينو مرارة فقدك
مرور أيامو الجد بيجيشا و هسى بعيشا
بفتش ليك و ما لاقيك
كورك نادى .. ما رديتى
رد سكون..
...... تكون ما فيشة...
يا ما فيشة

خالد الحاج · 28-10-2005, 08:38 PM

عزيزي مهدي
هذا والله جميل..

[motr]و يا مافيشة
رطبى شمس الفرقة الحارقة الجوف
نداوة وعدك زى تعريشة [/motr]

28-10-2005, 06:48 PM	#[1]
مهدى جواد Guest	يا مافيشة [Unload]نشكرك جدا علي قرائة الموضوع و لا تبخل علينا بردك [/Unload]سألت الإيد اللمت حلم امبارح آمال بكرة و كتبت إسمك سألت الروح الضوى ضلاما و زان احلاما وهج لى بسمك سألت الشوق الحرك ريشتو إحساس بى فقدك صور لوحة و كانت رسمك سألت سألت ... رجعت حزين وشايل إسمك بسمك ..رسمك ليه الفرقة جزورا بعيدة وديمة تكون طوالى عنيدة تهزم لى آمالنا بقرب اللقيا وحسرة بتبعد عن دنيانا إلا مكانا فى واحدة جديدة ولمن يدوزن وتر الكون أنغام آمالو أغانى و فرحة... يمد القدر الغادر إيدو يجيب أحزانا و تانى يعيدا آهة و دمعة معاهم أنة تغيب الغنوة معاها الرنة .. و أحلى نشيدا ويرجع يعاود صوت الآهة نشاز نعاود نبنى الفرقة نشيدا سألت سألت سألت خيالك عن أخبارك عن أحوالك و كيف هى عيونك و مشتاق ليها و كيف فى الغربة هو أصبح حالك ....... زرى غيابك طلسم دهشة و طلى حضور بددى غيهب سفرك فقدك أبقى فنارة و أبقى منارة و كونى النور وشيل يا نورس بين جنحاتك خبر الرجعة رشو سماد لى زرع الفرحة وأسقى بذور شتل العودة الرجعة الما لاقياك و منتظراك فى اراض بور يا مافيشة وزى موجودة بقيتى وريد فى جسم الفرحة وعد تربال فرح أطفال بغنوا معاى شليل وين راح شليل مافيش و يا مافيشة وين الضحكة الضاعت وسط الزحمة حزينة عروس فى سيرة فاقدة الطرحة خنق احلاما ليلة الدخلة غول الوحشة كتم أنفاسا غابت نفحة بقت .... مافيشة و يا مافيشة رطبى شمس الفرقة الحارقة الجوف نداوة وعدك زى تعريشة تضلل عش آمالنا الجف ويبس ترجعى بسمة زول فى بعدك كاره نفسو و كاره العيشة دافن أملو و ما لاقيهو فقعت عينو مرارة فقدك مرور أيامو الجد بيجيشا و هسى بعيشا بفتش ليك و ما لاقيك كورك نادى .. ما رديتى رد سكون.. ...... تكون ما فيشة... يا ما فيشة
مهدى جواد Guest

28-10-2005, 08:38 PM	#[2]
خالد الحاج :: كــاتب نشــط::	عزيزي مهدي هذا والله جميل.. [motr]و يا مافيشة رطبى شمس الفرقة الحارقة الجوف نداوة وعدك زى تعريشة [/motr]
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]