قليل من مراهقه أيها الجسر الحزين..رسائل الى انا

الدقيقة 30 · 18-10-2010, 10:51 AM

فيما مضى من رسائل كنت اكتب والامل ان لا تصلك
ولكن هنا. متاكد تماما انك لن تكونى بين الحضور
لذلك اجد نفسى منفتح فيما اكتب اليك دون رقيب
ما اتعس الخطابات الممهورة بتاريخ
وهذا حال من يكتب الى انثى متمردة العواطف مثلك
مشاقين...(كويس)
بعدين (لمى ) عليك (وشك) البيدفق..شمس ده
عميتينا بى ضوء عيونك
زمن لم اكتب اليك مهلمتى زمن
وكانت الرسائل بيننا مساحة فرح تنتزع دواخلنا من هم دنيا (مستبدة)
سؤال...
هل الذى بيننا عشق...
ام انه ذلك الهلام المسمى بالتقارب
سمه ...كيفما اتفق..
ولكنى اسميه تبنى...
كنت مشرد هوى حتى قابلت طوف احتشادك ذلك المساء اللعين...
لولا التسكع تلك الليلة لما حبست نفسى والهوى بداخل (كرنتينا) حياتك الى الان
يا اجمل شجرة دوم فى فريق اولاد..(مانة)
وانا حينما اتسكع بين القلب و الضلوع
ابدا لا اعير ستار الضلوع كثير اهتمام
بس
اليوم دااك (شوفتك)..بتركبى ستائر جديدة بين الضلوع والقلب
(شفتك)
واستغربت اللون البنى العاجبك....
واستغربت جدا...
للبياض القاسم نص قلب الستارة
واتعجبت
ليه بتحاولى تخفى مهرجان قلبك من الضلوع
واتخيلتك قاعدة تدندنى..بى شنو
حتى الطرب الفيك سد الباب الفاتح ....ليك
ومن الليلة ديك...قررت انو لازم اسحب استمارة التبنى
ومليتك خوف ...
عنى....
يا ايها الوجه الملاك.....
ها نحن نعود من جديد....
ها انا وبكل بدويتى وهرجلتى...اعود اكتب إليك
وبذات الطريقة..(البتلخبطك)
......
ووحات عينيك لا سافرت لا جيت...
بداية بيك....
من هنا...
سودانيات...17\10
س 12\27 دقيقة

الدقيقة 30 · 18-10-2010, 11:32 AM

قال لى صديق الروح
انها خيانة...
ان اكتب إليك فى هذا الوقت والرصاص قد يختطف الوطن فى اى لحظة...
يقول عنى ..خائن.
مسكين شفيف الروح صديقى هذا
مسكين ماعارف حاجة...
ولو عارفين حكايتى معاهو

تعزرونى لانو الما سقا الياسمين

ما بعرف غلاوة الند

ولا بعرف نداوة خد

ولا بعرف كلام العين .. ومعزورين

أريتكم مرة مرة شفتونى

وبينى وبينو بس خطوات

زى عابد وقف بيأدى فى صلوات ..

وزى والد همس لى جناهو بى دعوات

قولو على لو قايلين ..

معزورين ، وما عارفين

لانو الماسقا الياسمين

ما بعرف غلاوة الند

ولا بعرف نداوة خد

وما بعرف كلام العين .. معزورين

منو الفيكم بساهر الليل

يبارى سحابة لما تشيل

ويتبع نجمة ضواية مداها بعيد بعيد بلحيل

وقولو على لو قايلين

معزورين وما عارفين

لانو الما سقا الياسمين ،

ما بعرف نداوة خد

وما بعرف غلاوة الند

ولا يعرف كلام العين

ده كلام ود سكينة التجانى المرهف...
رد شامل كامل...بعدين اصلا الزول القاعد يفرق بين حب الوطن الصغير
والوطن الكبير اكيد...ما ظنيت يقدر يحب الوطن الكبير صاح
ولانو نحن حبنا الصغير ده بيفتح فى الحب الكبير دااك
خلينى اقول ليك فى السخانة دى وفى الحب زمن الحرب ده على قول صاحبنا
واحشانى يا القاعده معاى
جادى والله

خالد الحاج · 18-10-2010, 01:12 PM

كتابة رشيقة وجميلة ومميزة

جيجي · 18-10-2010, 02:03 PM

ابداع والله
قلم من دهب
دوما سنكون في انتظاره

وهاد ابراهيم محمد · 18-10-2010, 02:14 PM

كنتُ هنا... بإستمتاع

.

عباس الشريف · 18-10-2010, 02:14 PM

كلام جميل وحلو عشان نتابع يا دقدوقي كبر الخط شويه

خالد الصائغ · 18-10-2010, 03:12 PM

الدقيقة 30

مرحب بيك

و مرحب بالحروف الدافية دي

موعودين أكيد معاك بقلم مزهر و حروف نادية

النور يوسف محمد · 18-10-2010, 03:39 PM

بسم الله الرحمن الرحيم

وهذا لون آخر من أثر الحروف ..
سأتعقبها .. ( كذلك سولت لى نفسى )

الدقيقة 30 · 18-10-2010, 06:11 PM

الاستاذ خالد الحاج

والله ما عرفت اقول شنو....
الله يجبر بى خاطرك....
ودى

الدقيقة 30 · 18-10-2010, 06:24 PM

جيجى ...
الكتابة صعبة ولا الاحساس ده عندى انا ما عارف
المهم
خليك قريب....
مساء جميل

الدقيقة 30 · 18-10-2010, 06:26 PM

وهاد مرحب بيك
وفى انتظارك مرة اخرى
كن بخير

الدقيقة 30 · 18-10-2010, 06:34 PM

عباس الشريف
طبعا مشكلتى فى الدنيا دى عيونى..(السغنتوتة)
والمشكلة تكمن فى انها بشوف الخط ده كبير خلاص
واى حته ادخل الناس تقول لى الخط ..الخط
ودايما بقول انو المشكلة ما منى ...والله من (العيون السغبوتة) دى
والحمد لله
اها كده كيف

.....تخ

دقدوقى ..قريب من دقاق النى ..مش

انتو...
بس الله فى
......تقديرى.....

الدقيقة 30 · 18-10-2010, 06:38 PM

خالد
الله يبارك فيك ياااخى
وانشاء الله نبقى قدر الكلام بتاعك ده
امين ..امين..امين
تحياتى لك وانت ترفع من معنوياتى

الدقيقة 30 · 18-10-2010, 06:46 PM

النور يوسف
بالله خلينى عبرك اقول للناس ديل كلهم
والله سعيد بيكم كلكم وبالحضور الجميل ده
واحساس انو الواحد يلقى.. خلونى اقول الرعاية دى
ومن اول مرة كده ده بيخلى الواحد سعيد
بل متصالح مع الباسويرد بتاعو
بس داير اقول وما عارف اوصلها كيف دى
حاسى بالجد بطعم جميل وان هنا
الله يديكم العافية .....

وبالمناسبة دى..خلونى اقول ليها
(شوفى الدنيا ..اتاريها مكمنة لى بالناس السمحة....)

الدقيقة 30 · 18-10-2010, 06:58 PM

..باقى حبل

بالمناسبة..
امس كان اخر يوم لمعرض الخرطوم للكتاب
قابلتك طالعة من جواى معاك مسيرة وسيرة
وعادى ماشة بى (دلوكة) قلبى ايقاع
واتمشينا... سوا حتى الباب .
ولانك انت وحشدك زحمة براكم
اتنصلتى تدخلى معاى
وغافلتى الرمش المحدق فيك
و (اندسيتى ) جواى
حاجة غريبة ...
انك انت تخافى الزحمة
وانا البيك مزحوم بالجد
المهم
دخلت براى....
صالة وصالون سموه المعرض...
بس صالة وصالون...
ورق اصفر شاحب مرصوص...
سموه بقدرة ...المعرض
والخلق تعبى تعبى....
ورق مصقول...
بس لونها الشحاب داااك...
خلى جواى نشيدو نشاذ
ابدا ماقربتا
ابدا
والعالم يردم فى الكياس
السعرو الغالى اسمو كتاب
والجيب الخالى اسمو الزول الحابى كتاب
وبينى وبينك عملنا خصام
جوه المعرض
(اخد ليك كتاب)
انا
(تاخد منى عتاب)

واتصالحنا...
ومشيت الغرفة الاولى جوه الصالة الاولى
اقلو ...اكون فكرة.....
وحاتك ديل السى أي ايه....
وين ناس مدبولى....
وين الناس ...

ورفعت كتاب....
تصدقى كان بدون..ip
وده كان المعرض
غالى ومسيخ
واتذكرتك..جواى....
خجلت بجد
انو الموسم يمشى بدون ذكرى
رجعت وجيت
وفى يدى....كتاب ابو جمرة...
احوط نفسى السكاناهو معاى
وده كان المعرض.....
حاجة مسيخة......
ملهمتى..احاول ان اجد لكى اسم يصنع التالف مع الرسائل
ولكن ها انا افشل...
مثل فشلى ليلة امس...وانا داخل ذلك المعرض...
معرض الخرطوم الدولى للكتاب...
فشلت فى ان اصنع لى مكتبة صغيرة..
لقد كانت (طلعة عصر) محبطة جدا الى مناسبة ظللت احتفى بها كثيرا
ان معرض الخرطوم يا عزيزتى هذه المرة..لا لون لا طعم
مش عشان انا مفلس ...بس
لا
لانو فى حاجة ناقصة....
تحس انك فى حته غريبة...لا المعرض ولا العارض ولا الشى المرصوص
يدل على انك فى معرض
هذا فوق ان الاسعار ..والحمدلله..(رخيصة جدا جدا جدا ...خالص)
(الموضوع شكلو كده ماشى يبقى اسقاط)
المهم امس بس عرفت انو الثقافة برضو دايرة ليها ميزانية دعم
وكبيرة جدا
وللسبب ده او النتيجة دى من زمان بعت .(عقلى)
بالله ثقافة شنو ...لقطيع البوش ده كمان
والحمدلله
....
احبطك..مش..
اصلا الشى البينا ده قاعد لى شنو لو ما احبطك وغافلتينى بى فرحة..
تحيات ...
ممهورة بالتاريخ اعلاة....

18-10-2010, 10:51 AM	#[1]
الدقيقة 30 :: كــاتب نشــط::	قليل من مراهقه أيها الجسر الحزين..رسائل الى انا فيما مضى من رسائل كنت اكتب والامل ان لا تصلك ولكن هنا. متاكد تماما انك لن تكونى بين الحضور لذلك اجد نفسى منفتح فيما اكتب اليك دون رقيب ما اتعس الخطابات الممهورة بتاريخ وهذا حال من يكتب الى انثى متمردة العواطف مثلك مشاقين...(كويس) بعدين (لمى ) عليك (وشك) البيدفق..شمس ده عميتينا بى ضوء عيونك زمن لم اكتب اليك مهلمتى زمن وكانت الرسائل بيننا مساحة فرح تنتزع دواخلنا من هم دنيا (مستبدة) سؤال... هل الذى بيننا عشق... ام انه ذلك الهلام المسمى بالتقارب سمه ...كيفما اتفق.. ولكنى اسميه تبنى... كنت مشرد هوى حتى قابلت طوف احتشادك ذلك المساء اللعين... لولا التسكع تلك الليلة لما حبست نفسى والهوى بداخل (كرنتينا) حياتك الى الان يا اجمل شجرة دوم فى فريق اولاد..(مانة) وانا حينما اتسكع بين القلب و الضلوع ابدا لا اعير ستار الضلوع كثير اهتمام بس اليوم دااك (شوفتك)..بتركبى ستائر جديدة بين الضلوع والقلب (شفتك) واستغربت اللون البنى العاجبك.... واستغربت جدا... للبياض القاسم نص قلب الستارة واتعجبت ليه بتحاولى تخفى مهرجان قلبك من الضلوع واتخيلتك قاعدة تدندنى..بى شنو حتى الطرب الفيك سد الباب الفاتح ....ليك ومن الليلة ديك...قررت انو لازم اسحب استمارة التبنى ومليتك خوف ... عنى.... يا ايها الوجه الملاك..... ها نحن نعود من جديد.... ها انا وبكل بدويتى وهرجلتى...اعود اكتب إليك وبذات الطريقة..(البتلخبطك) ...... ووحات عينيك لا سافرت لا جيت... بداية بيك.... من هنا... سودانيات...17\10 س 12\27 دقيقة
الدقيقة 30 :: كــاتب نشــط::

18-10-2010, 11:32 AM	#[2]
الدقيقة 30 :: كــاتب نشــط::	قال لى صديق الروح انها خيانة... ان اكتب إليك فى هذا الوقت والرصاص قد يختطف الوطن فى اى لحظة... يقول عنى ..خائن. مسكين شفيف الروح صديقى هذا مسكين ماعارف حاجة... ولو عارفين حكايتى معاهو تعزرونى لانو الما سقا الياسمين ما بعرف غلاوة الند ولا بعرف نداوة خد ولا بعرف كلام العين .. ومعزورين أريتكم مرة مرة شفتونى وبينى وبينو بس خطوات زى عابد وقف بيأدى فى صلوات .. وزى والد همس لى جناهو بى دعوات قولو على لو قايلين .. معزورين ، وما عارفين لانو الماسقا الياسمين ما بعرف غلاوة الند ولا بعرف نداوة خد وما بعرف كلام العين .. معزورين منو الفيكم بساهر الليل يبارى سحابة لما تشيل ويتبع نجمة ضواية مداها بعيد بعيد بلحيل وقولو على لو قايلين معزورين وما عارفين لانو الما سقا الياسمين ، ما بعرف نداوة خد وما بعرف غلاوة الند ولا يعرف كلام العين ده كلام ود سكينة التجانى المرهف... رد شامل كامل...بعدين اصلا الزول القاعد يفرق بين حب الوطن الصغير والوطن الكبير اكيد...ما ظنيت يقدر يحب الوطن الكبير صاح ولانو نحن حبنا الصغير ده بيفتح فى الحب الكبير دااك خلينى اقول ليك فى السخانة دى وفى الحب زمن الحرب ده على قول صاحبنا واحشانى يا القاعده معاى جادى والله
الدقيقة 30 :: كــاتب نشــط::

18-10-2010, 01:12 PM	#[3]
خالد الحاج :: كــاتب نشــط::	كتابة رشيقة وجميلة ومميزة
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

18-10-2010, 02:03 PM	#[4]
جيجي :: كــاتب نشــط::	ابداع والله قلم من دهب دوما سنكون في انتظاره
جيجي :: كــاتب نشــط::

18-10-2010, 02:14 PM	#[5]
وهاد ابراهيم محمد :: كــاتب نشــط::	كنتُ هنا... بإستمتاع .
وهاد ابراهيم محمد :: كــاتب نشــط::

18-10-2010, 02:14 PM	#[6]
عباس الشريف Banned	كلام جميل وحلو عشان نتابع يا دقدوقي كبر الخط شويه
عباس الشريف Banned

18-10-2010, 03:12 PM	#[7]
خالد الصائغ :: كــاتب نشــط::	الدقيقة 30 مرحب بيك و مرحب بالحروف الدافية دي موعودين أكيد معاك بقلم مزهر و حروف نادية
خالد الصائغ :: كــاتب نشــط::	التوقيع: هنا أصل ما بيني و بيني و ما بيني و الآخر http://khalidal-saeq.blogspot.com/

18-10-2010, 03:39 PM	#[8]
النور يوسف محمد :: كــاتب نشــط::	بسم الله الرحمن الرحيم وهذا لون آخر من أثر الحروف .. سأتعقبها .. ( كذلك سولت لى نفسى )
النور يوسف محمد :: كــاتب نشــط::

18-10-2010, 06:11 PM	#[9]
الدقيقة 30 :: كــاتب نشــط::	الاستاذ خالد الحاج والله ما عرفت اقول شنو.... الله يجبر بى خاطرك.... ودى
الدقيقة 30 :: كــاتب نشــط::

18-10-2010, 06:24 PM	#[10]
الدقيقة 30 :: كــاتب نشــط::	جيجى ... الكتابة صعبة ولا الاحساس ده عندى انا ما عارف المهم خليك قريب.... مساء جميل
الدقيقة 30 :: كــاتب نشــط::

18-10-2010, 06:26 PM	#[11]
الدقيقة 30 :: كــاتب نشــط::	وهاد مرحب بيك وفى انتظارك مرة اخرى كن بخير
الدقيقة 30 :: كــاتب نشــط::

18-10-2010, 06:34 PM	#[12]
الدقيقة 30 :: كــاتب نشــط::	عباس الشريف طبعا مشكلتى فى الدنيا دى عيونى..(السغنتوتة) والمشكلة تكمن فى انها بشوف الخط ده كبير خلاص واى حته ادخل الناس تقول لى الخط ..الخط ودايما بقول انو المشكلة ما منى ...والله من (العيون السغبوتة) دى والحمد لله اها كده كيف .....تخ دقدوقى ..قريب من دقاق النى ..مش انتو... بس الله فى ......تقديرى.....
الدقيقة 30 :: كــاتب نشــط::

18-10-2010, 06:38 PM	#[13]
الدقيقة 30 :: كــاتب نشــط::	خالد الله يبارك فيك ياااخى وانشاء الله نبقى قدر الكلام بتاعك ده امين ..امين..امين تحياتى لك وانت ترفع من معنوياتى
الدقيقة 30 :: كــاتب نشــط::

18-10-2010, 06:46 PM	#[14]
الدقيقة 30 :: كــاتب نشــط::	النور يوسف بالله خلينى عبرك اقول للناس ديل كلهم والله سعيد بيكم كلكم وبالحضور الجميل ده واحساس انو الواحد يلقى.. خلونى اقول الرعاية دى ومن اول مرة كده ده بيخلى الواحد سعيد بل متصالح مع الباسويرد بتاعو بس داير اقول وما عارف اوصلها كيف دى حاسى بالجد بطعم جميل وان هنا الله يديكم العافية ..... وبالمناسبة دى..خلونى اقول ليها (شوفى الدنيا ..اتاريها مكمنة لى بالناس السمحة....)
الدقيقة 30 :: كــاتب نشــط::

18-10-2010, 06:58 PM	#[15]
الدقيقة 30 :: كــاتب نشــط::	..باقى حبل بالمناسبة.. امس كان اخر يوم لمعرض الخرطوم للكتاب قابلتك طالعة من جواى معاك مسيرة وسيرة وعادى ماشة بى (دلوكة) قلبى ايقاع واتمشينا... سوا حتى الباب . ولانك انت وحشدك زحمة براكم اتنصلتى تدخلى معاى وغافلتى الرمش المحدق فيك و (اندسيتى ) جواى حاجة غريبة ... انك انت تخافى الزحمة وانا البيك مزحوم بالجد المهم دخلت براى.... صالة وصالون سموه المعرض... بس صالة وصالون... ورق اصفر شاحب مرصوص... سموه بقدرة ...المعرض والخلق تعبى تعبى.... ورق مصقول... بس لونها الشحاب داااك... خلى جواى نشيدو نشاذ ابدا ماقربتا ابدا والعالم يردم فى الكياس السعرو الغالى اسمو كتاب والجيب الخالى اسمو الزول الحابى كتاب وبينى وبينك عملنا خصام جوه المعرض (اخد ليك كتاب) انا (تاخد منى عتاب) واتصالحنا... ومشيت الغرفة الاولى جوه الصالة الاولى اقلو ...اكون فكرة..... وحاتك ديل السى أي ايه.... وين ناس مدبولى.... وين الناس ... ورفعت كتاب.... تصدقى كان بدون..ip وده كان المعرض غالى ومسيخ واتذكرتك..جواى.... خجلت بجد انو الموسم يمشى بدون ذكرى رجعت وجيت وفى يدى....كتاب ابو جمرة... احوط نفسى السكاناهو معاى وده كان المعرض..... حاجة مسيخة...... ملهمتى..احاول ان اجد لكى اسم يصنع التالف مع الرسائل ولكن ها انا افشل... مثل فشلى ليلة امس...وانا داخل ذلك المعرض... معرض الخرطوم الدولى للكتاب... فشلت فى ان اصنع لى مكتبة صغيرة.. لقد كانت (طلعة عصر) محبطة جدا الى مناسبة ظللت احتفى بها كثيرا ان معرض الخرطوم يا عزيزتى هذه المرة..لا لون لا طعم مش عشان انا مفلس ...بس لا لانو فى حاجة ناقصة.... تحس انك فى حته غريبة...لا المعرض ولا العارض ولا الشى المرصوص يدل على انك فى معرض هذا فوق ان الاسعار ..والحمدلله..(رخيصة جدا جدا جدا ...خالص) (الموضوع شكلو كده ماشى يبقى اسقاط) المهم امس بس عرفت انو الثقافة برضو دايرة ليها ميزانية دعم وكبيرة جدا وللسبب ده او النتيجة دى من زمان بعت .(عقلى) بالله ثقافة شنو ...لقطيع البوش ده كمان والحمدلله .... احبطك..مش.. اصلا الشى البينا ده قاعد لى شنو لو ما احبطك وغافلتينى بى فرحة.. تحيات ... ممهورة بالتاريخ اعلاة....
الدقيقة 30 :: كــاتب نشــط::