في مرة كنا انــــــا وهـــــــــــــو ...

3mk-Tango · 07-04-2007, 10:09 PM

لغة العيون
كلمات :محمد بشير عتيق
لحن وغناء: خضر بشير ... اداء: محمد خضر بشير

خاطبته بي لغة الهـــــــــــــوي *** فاجابني بي لغة العيون
في مرة كنا انا وهــــــــــــــــو *** في روض جميل زهره استوي
وهناك مكان طلق الهوي
مجلس لكل طريف حوي ...
وريته ما بي من شجون
من لطفه اظهر لي فنون
قال لي عزيز يهون
ما دمنا نحن علي الهوى **** يا حبيبي متعاهدين سوا

قلت ليه قلبي ليك غوي*** في حبو ما ضل وغوي
وحياة جمالك يا مصون

حلي وانقسم ولي ابتسم
وراني تحت الغيم سنا وكشف من العناب جنا

قال لي ما معني القسم بي جمالي في شعرك هنا؟
قتليه يا سمح القسم
كيف لا افاخر بيك انا .. وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون

قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي

قلت ليه برضك لي ظلوم
كيف لا غرامي عليك يدوم
وانا فكري عندك كل يوم
يستوحي من حسنك علوم

قال لي خلاص يا خوي نقوم
ودعني بي لغة العيون ودعتو بي قلبي الحنون

[media]http://sudaniyat.net/upload/uploading/logtalhwa13.mp3[/media]

.

Garcia · 07-04-2007, 10:59 PM

تنقو الصديق العزيز
الليلة مزاجك شكلوا عالى جدا وحدوا السماء ..
تسلم لهذه الدفق العجيب من روائع الراحل خضر بشير ..
وكما قلت قبل كدة فكان والده سقاه الفن شرابا ...
وينك يا ناصر وينك يا حنينة ارفعوا السماعات

الله إجازيك يا تنقو قلبت علينا المواجع ..
تسلم يا تنقو لكل هذا الجمال ...

Garcia · 07-04-2007, 11:05 PM

اذكر فى بوست لى سابق عن محمد خضر بشير (هذا الشبل من ذاك الاسد)
كتب عنه الأخ العزيز ناصر يوسف :

اقتباس:

محمد خضر بشير فنان من الطراز القديم ، يدهشك بأدبه بتصوفه بفنه بصوته المتميز . محمد خضر بشير بعيدا عن القامة السامقة خضر بشير يعد من أفضل ما جادت به الساحة الفنية من الشباب . هو فنان يمتعك حتي الثمالة .
أما في المقارنة بوالده الراحل المقيم ، فمحمد وكأن الراحل خضر بشير قد نقل روحه وكل تفاصيل حياته و حتي أسلوب الحديث ، قد نقل كل ذلك لإبنه محمد (يا أخينا) أشتهر بها خضر بشير وههو الآن محمد خضر بشير لا يناديك بإسمك ولا يتحدث معك إلا و (يا أخينا وقد خرجت حلوة من فمه المغرد) كوالده تماما ... كنت أتمني لو كان عندي له تسجيل فيديو لأرسلته لكم لتعيشوا معي المتعة بعينها .
فمحمد خضر بشير فنان ولد ناضجا ......

3mk-Tango · 08-04-2007, 08:51 AM

حبيبنا غارسيا .. كيفنك

يا غارسيا نسمع في اليوم الواحد عشرات الاغنيات .. احيانا نردد الكلمات
بدون تفكير واحيانا نتفكر في المعاني .. واحيانا اخري تجد المعني قد اصاب
الحالة التي انت فيها ونسميها جزافا .. ( طرب ومزاج ) عالي ..

في هذه الاغنية كنت المراقب لكل الحركات المسرحية التي فيها .. فهي بحق اغنية
تعادل فيديو كليب ارقي ما يكون ..

اطرف ما وجدته فيها هذا البيت :

قال لي خلاص يا خوي نقوم

وهي تشابه اسدال الستار علي خشبة المسرح

يا لجمال عتيق رحمه الله ..

عالم عباس · 08-04-2007, 12:42 PM

عمنا تنقو

(تلبد وفجأة تطلع لينا بدرة الغواص)
ودايماً (راقد فوق رأي)!
ألا ما أجملك!

واليوم مع خضر بشير
وما أدراك ما خضر بشير
والغناء الطليق الذي يسبح في ذاته!

غناء يعبر بك الأجواء من غير جناح، بقدرات أعيت عفريت جن سليمان الذي قال آتيك به قبل أن تقوم من مقامك!
ثم ومن كلمات عتيق

وما أدراك ما كلمات عتيق!
هذا الذي أمثله بالمهلهل(أخو كليب، سمي بذلك لأنه هلهل الشعر(كما زعموا)،
وعتيق فعل في الغناء السوداني ما فعله المهلهل، فأبدع في نسج القوافي الداخلية العديدة داخل النص وبأنغام تقف وحدها تغرد(من غير لحون)!
هو وقبله ود الرضي، رحمهما الله نضروا ولونوا وحبّرواالغناء السوداني في ثورة جمالية قل نظيرها.

واليوم تأتينا بلغة العيون، وهي من عيون شعر عتيق ومن أجمل ما غنى خضر بشير!
الكلمات ليست سهلة كما تبدو، ومنسوجة بمهارة فائقة، وبحوار بديع، وبها حوار غريب وسهل ممتنع وقدرة فائقة لأهل الدراما من أمثال (أبو رحيق)، خاصة في الحوار وبساطته، ونهايته الدرامية العابثة المفتعلة، ولغة (الفلاش)، وليس الفلاش باك!
السرعة التي يتم بها التخاطر والحوار، وحتى إنهائه،
(قال لي خلاص يا خوي نقوم
ودعني بي لغة العيون
ودعتو بي قلبي الحنون)
وكل ذلك من غير كلام ([mark=FFFF00]بي لغة العيون[/mark])

والمتأمل في الكلمات، يجد عدة مستويات من القوافي وتنوع مذهل، لكن كل مجموعة من بعدئذ، تشكل وحدة تنتهي إلى القافية الرئيسة (الروي والردف) أي الواو و النون، كما ترى في نهايات المقاطع ([mark=FFFF00]عيون، شجون، وفنون، مصون، منون،وإلى حنون[/mark])، وبالطبع تتخلل هذه المقاطع أو المسمطات، القوافي الداخلية مثل (قلبك جريح، وهواك صريح أو شعرك رفيع في مستوى، لحنه البديع يطوي الجوى) وغيرها!

خضر بشير حين يتهادى صوته في بستان أغنية عتيق هذه انظر كيف يختال بصوته و"يقدل"، في آخر سلطنة، وعلى آخر مزاج، كيف يتهدج صوته ويخرج من أعمق أعماق نفسه، وحين يقول [mark=FFFF00]
أنا وهو ...
والروض جميل زهرو استوى،
وهناك مكان طلق الهوي
مجلس لكل طريف حوي [/mark]
وحين يذوّب الكلمات في حلقه و(يمزمزه)، ثم تخرج من لهاته تتهادى في بذخ وانبهار، فحينئذ يتبدى خضر بشير الذي نعرف!
[mark=FF0000]ينسانا ويسبح في ملكوت غنائه حتى ينسى نفسه![/mark]
ذلكم والله الغناء
وحسبي ذلك
متعكم الله بالجمال وغفر لكم
آمين!

أبوذر بابكر · 08-04-2007, 01:46 PM

عمك

الزول الخلاق

كيف الأحوال

هذا الخدر يا عمنا
كون من الطرب المافى زيه ابدا

حاجة كده ما بتشبه غيرها

اتذكر فى التمانينات، كان "عوض بابكر" خازن جنان الغنا
عنده برنامج إسمه "صدر المحافل" لو ما تخونى الذاكرة
والإسم طبعا تيمنا بدرة أبوصلاح وتخليدا لألحان كرومة وسحر صوته

كان الضيوف هم خدر البشير ومحمد البشير
وكأنهم جايبين بشارات السماء العاشرة بالطرب العجيب

عوض بابكر كان يسأل عتيق

إنت يا عم عتيق القصيدة الفلانية ديك، صحى سويتا فى مناسبة كده؟

عتيق يصلح نضارته ويقول ليهو

أيوه، مش كده يا خدر

طوالى خدر بشير يقوم يتململ طبعا ويبدأ فى الإنهمار

ويسمع ليك النص كله

إنت يا عم عتيق الأغنية دى كانت سنة كم؟

والله ما نتذكر بالتحديد، كانت سنة كم يا خدر

وهكذا

الزول الوحيد الحافظ شعر عتيق كله، و"صم"
هو خدر بشير

يعنى فات كرومة لى غادى

ياخى عتيق بكون يقرأ فى قصيدة، وينسى ليهو شطره أو يفط بيت

طوالى خدر بشير يصلحه

وإنت هسه يا عمنا

فت القبلك ولقبالك

لى غاديين

"اتنين غادى" يعنى

وأرقد طيب وسعيد دائما

زى ما اسعدتنا

مافى طريقة لى "شكل الغزالة مع الصباح"

3mk-Tango · 08-04-2007, 09:15 PM

حبيبنا العالم عباس ..

كنت اتعشي مع احد الاصدقاء اليوم ونستمع الي هذه الاغنية .. لان كل اغنية تعلق معي لعدة ايام .. بدات اعلق له علي الاغنية والجانب المسرحي فيها ... وان كل هذا
الحوار والمكان والزمان فقط بلغة العيون .. قال لي والله كاني اسمعها اول مره ..

انتم اهل مكة وادري بشعاب مستوي اللغة في هذه التحفة والسهل الممتنع الممتع ايضا .. وكان وزاد ابحارك من متعه السمع وبمستوي جديد ..

سوف اكتب عن الجانب المسرحي كما تخيلته في هذه القطعة الجميلة المكتمله ..

احترامي ..

3mk-Tango · 08-04-2007, 09:23 PM

الحبيب اباذر ..

احترام وسلام وكلام ..

عندما تذكر كلمة صوفي دائما يتبادر الي ذهني المرحوم خضر بشير ..
فهو كان متفردا بحق كشخصية وكمطرب .. وعلي ذكر عوض بابكر
ورد علي لسانه ان المرحوم خضر بشير قد استلم مبلغ من الاذاعة
عن تسجيل بعض اغانية وكان الملبغ كبير بقياس زمنه .. ولكن خضر بشير لم
يعد للمنزل .. فحضر ابناؤه وهم قلقين عليه .. وعند السؤال عنه وجدوا
ان خضر قد ذهب لشيوخه في الطريقه الصوفيه ليعطيهم الملبغ ويقول ليهم :
ان هذا المبلغ لكم وليس لي .. فهو يحسن ان ما يملكة من احساس عالي
وتطريب وروح صوفيه هي من صنع هؤلا القوم .. ..

مثل هذا الرجل رحمه الله محبته وذكراه تدخل قلوبنا مثل الدعاش ..

__

ساحاول ان اعثر لك علي شكل الغزالة مع الصباح .. وهي فرصة لي
ايصا لتاملها مره اخري
ودي ..

حمدي اب جقادو · 10-04-2007, 08:07 AM

[align=center]هوووووي الاغنية وين ؟؟؟؟؟

[/align]

Garcia · 10-04-2007, 08:25 AM

جقجق سحروك وأدوك عين الما بشبهوك ...

أحلى صوت وأحلى شعر معتق ( من عتيق ) ..
لو فاتتك الأغنية دى نص عمرك ضائع

حمدي اب جقادو · 10-04-2007, 08:57 AM

قارسيا ياحبيبي

لوووووووووووووووووووووول يابلول

انا تفوتني حاجه زي دي يامعلم ؟؟ افوو

ياحبيب كل مافي الموضوع الناس دي لسه بتستخدم تقنيات سجم وانحنا في زمن الفيستا

علي العموم انا قبضها والرابط ادناه لكل مستخدمي التقنيات الجديده

http://sudaniyat.net/upload/uploading/logtalhwa13.mp3

عبدالرحيم ابراهيم العبيد · 10-04-2007, 11:39 AM

بالحب والخير والجمال
ينتصر الانسان علي ما يلاقيه
من عذاب والآم في كنف الحياة
جزيت خيرا000 يا عمنا
والذي نفسه بغير جمال
لايري الوجود شيئا جميلا (ايليا أبوماضي)
وتسلم يا جميل

طارق صديق كانديك · 12-04-2007, 09:50 AM

تنقو

كم أجزلت العطاء لنا بهذه الدرر .. نظماً وتطريباً ..

[mark=FF0000] قال لي خلاص يا خوي نقوم
ودعني بي لغة العيون ودعتو بي قلبي الحنون[/mark]

بالله عليكم ... كيف له أن يقول ذلك دون أن نصلي حتى لا يلتقي الجمعان !!!!!!

كم يضم غناء بلادي من الدرر ما لا يمكن تكراره من جديد !!!

اسعدتني اليوم حد الثمالة بلا ضجيج إلا من نقر الأصابع لما ترتاح للموسيقى !!!

لك مودتي وشكراً للعطاء من أهل العطاء !!!

نواضر أمنياتي

أبو العز الجنوبي · 12-04-2007, 10:07 AM

العزيز عمك تنقو
تسلم يا عزيزي...
و ما سطره الفنان الأديب عالم عباس اعتقد انه بمثابة التحلية بعد وجبة دسمة...
لا شيء بعدها....

07-04-2007, 10:09 PM	#[1]
3mk-Tango :: كــاتب نشــط::	في مرة كنا انــــــا وهـــــــــــــو ... لغة العيون كلمات :محمد بشير عتيق لحن وغناء: خضر بشير ... اداء: محمد خضر بشير خاطبته بي لغة الهـــــــــــــوي * فاجابني بي لغة العيون في مرة كنا انا وهــــــــــــــــو * في روض جميل زهره استوي وهناك مكان طلق الهوي مجلس لكل طريف حوي ... وريته ما بي من شجون من لطفه اظهر لي فنون قال لي عزيز يهون ما دمنا نحن علي الهوى ** يا حبيبي متعاهدين سوا قلت ليه قلبي ليك غوي* في حبو ما ضل وغوي وحياة جمالك يا مصون حلي وانقسم ولي ابتسم وراني تحت الغيم سنا وكشف من العناب جنا قال لي ما معني القسم بي جمالي في شعرك هنا؟ قتليه يا سمح القسم كيف لا افاخر بيك انا .. وانت اللي اوحيت لي غناء في قلبي شخصك اترسم واعلم يقين انا في غني عن حب سواك وعلي هواك حتي المنون قال لي صحيح قلبك جريح وهواك صريح شعرك رفيع في مستوي لحنه البديع يطوي الجوي كم اطفا للظمان روي بل احيا اموات الهوي قلت ليه برضك لي ظلوم كيف لا غرامي عليك يدوم وانا فكري عندك كل يوم يستوحي من حسنك علوم قال لي خلاص يا خوي نقوم ودعني بي لغة العيون ودعتو بي قلبي الحنون [media]http://sudaniyat.net/upload/uploading/logtalhwa13.mp3[/media] .
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

07-04-2007, 10:59 PM	#[2]
Garcia :: كــاتب نشــط::	تنقو الصديق العزيز الليلة مزاجك شكلوا عالى جدا وحدوا السماء .. تسلم لهذه الدفق العجيب من روائع الراحل خضر بشير .. وكما قلت قبل كدة فكان والده سقاه الفن شرابا ... وينك يا ناصر وينك يا حنينة ارفعوا السماعات الله إجازيك يا تنقو قلبت علينا المواجع .. تسلم يا تنقو لكل هذا الجمال ...
Garcia :: كــاتب نشــط::	التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام )

08-04-2007, 08:51 AM	#[4]
3mk-Tango :: كــاتب نشــط::	حبيبنا غارسيا .. كيفنك يا غارسيا نسمع في اليوم الواحد عشرات الاغنيات .. احيانا نردد الكلمات بدون تفكير واحيانا نتفكر في المعاني .. واحيانا اخري تجد المعني قد اصاب الحالة التي انت فيها ونسميها جزافا .. ( طرب ومزاج ) عالي .. في هذه الاغنية كنت المراقب لكل الحركات المسرحية التي فيها .. فهي بحق اغنية تعادل فيديو كليب ارقي ما يكون .. اطرف ما وجدته فيها هذا البيت : قال لي خلاص يا خوي نقوم وهي تشابه اسدال الستار علي خشبة المسرح يا لجمال عتيق رحمه الله ..
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

08-04-2007, 12:42 PM	#[5]
عالم عباس :: كــاتب نشــط::	عمنا تنقو (تلبد وفجأة تطلع لينا بدرة الغواص) ودايماً (راقد فوق رأي)! ألا ما أجملك! واليوم مع خضر بشير وما أدراك ما خضر بشير والغناء الطليق الذي يسبح في ذاته! غناء يعبر بك الأجواء من غير جناح، بقدرات أعيت عفريت جن سليمان الذي قال آتيك به قبل أن تقوم من مقامك! ثم ومن كلمات عتيق وما أدراك ما كلمات عتيق! هذا الذي أمثله بالمهلهل(أخو كليب، سمي بذلك لأنه هلهل الشعر(كما زعموا)، وعتيق فعل في الغناء السوداني ما فعله المهلهل، فأبدع في نسج القوافي الداخلية العديدة داخل النص وبأنغام تقف وحدها تغرد(من غير لحون)! هو وقبله ود الرضي، رحمهما الله نضروا ولونوا وحبّرواالغناء السوداني في ثورة جمالية قل نظيرها. واليوم تأتينا بلغة العيون، وهي من عيون شعر عتيق ومن أجمل ما غنى خضر بشير! الكلمات ليست سهلة كما تبدو، ومنسوجة بمهارة فائقة، وبحوار بديع، وبها حوار غريب وسهل ممتنع وقدرة فائقة لأهل الدراما من أمثال (أبو رحيق)، خاصة في الحوار وبساطته، ونهايته الدرامية العابثة المفتعلة، ولغة (الفلاش)، وليس الفلاش باك! السرعة التي يتم بها التخاطر والحوار، وحتى إنهائه، (قال لي خلاص يا خوي نقوم ودعني بي لغة العيون ودعتو بي قلبي الحنون) وكل ذلك من غير كلام ([mark=FFFF00]بي لغة العيون[/mark]) والمتأمل في الكلمات، يجد عدة مستويات من القوافي وتنوع مذهل، لكن كل مجموعة من بعدئذ، تشكل وحدة تنتهي إلى القافية الرئيسة (الروي والردف) أي الواو و النون، كما ترى في نهايات المقاطع ([mark=FFFF00]عيون، شجون، وفنون، مصون، منون،وإلى حنون[/mark])، وبالطبع تتخلل هذه المقاطع أو المسمطات، القوافي الداخلية مثل (قلبك جريح، وهواك صريح أو شعرك رفيع في مستوى، لحنه البديع يطوي الجوى) وغيرها! خضر بشير حين يتهادى صوته في بستان أغنية عتيق هذه انظر كيف يختال بصوته و"يقدل"، في آخر سلطنة، وعلى آخر مزاج، كيف يتهدج صوته ويخرج من أعمق أعماق نفسه، وحين يقول [mark=FFFF00] أنا وهو ... والروض جميل زهرو استوى، وهناك مكان طلق الهوي مجلس لكل طريف حوي [/mark] وحين يذوّب الكلمات في حلقه و(يمزمزه)، ثم تخرج من لهاته تتهادى في بذخ وانبهار، فحينئذ يتبدى خضر بشير الذي نعرف! [mark=FF0000]ينسانا ويسبح في ملكوت غنائه حتى ينسى نفسه![/mark] ذلكم والله الغناء وحسبي ذلك متعكم الله بالجمال وغفر لكم آمين!
عالم عباس :: كــاتب نشــط::

08-04-2007, 01:46 PM	#[6]
أبوذر بابكر :: كــاتب نشــط::	عمك الزول الخلاق كيف الأحوال هذا الخدر يا عمنا كون من الطرب المافى زيه ابدا حاجة كده ما بتشبه غيرها اتذكر فى التمانينات، كان "عوض بابكر" خازن جنان الغنا عنده برنامج إسمه "صدر المحافل" لو ما تخونى الذاكرة والإسم طبعا تيمنا بدرة أبوصلاح وتخليدا لألحان كرومة وسحر صوته كان الضيوف هم خدر البشير ومحمد البشير وكأنهم جايبين بشارات السماء العاشرة بالطرب العجيب عوض بابكر كان يسأل عتيق إنت يا عم عتيق القصيدة الفلانية ديك، صحى سويتا فى مناسبة كده؟ عتيق يصلح نضارته ويقول ليهو أيوه، مش كده يا خدر طوالى خدر بشير يقوم يتململ طبعا ويبدأ فى الإنهمار ويسمع ليك النص كله إنت يا عم عتيق الأغنية دى كانت سنة كم؟ والله ما نتذكر بالتحديد، كانت سنة كم يا خدر وهكذا الزول الوحيد الحافظ شعر عتيق كله، و"صم" هو خدر بشير يعنى فات كرومة لى غادى ياخى عتيق بكون يقرأ فى قصيدة، وينسى ليهو شطره أو يفط بيت طوالى خدر بشير يصلحه وإنت هسه يا عمنا فت القبلك ولقبالك لى غاديين "اتنين غادى" يعنى وأرقد طيب وسعيد دائما زى ما اسعدتنا مافى طريقة لى "شكل الغزالة مع الصباح"
أبوذر بابكر :: كــاتب نشــط::	التوقيع: يا سرَها يا لونَها كيف إحتمالُك للعبيرْ جلستُ على رخامِ أغنيةٍ تنسابُ ناصعةً من هديلِ لونِها من مسامِ سرِها فزملنى الحرير

08-04-2007, 09:15 PM	#[7]
3mk-Tango :: كــاتب نشــط::	حبيبنا العالم عباس .. كنت اتعشي مع احد الاصدقاء اليوم ونستمع الي هذه الاغنية .. لان كل اغنية تعلق معي لعدة ايام .. بدات اعلق له علي الاغنية والجانب المسرحي فيها ... وان كل هذا الحوار والمكان والزمان فقط بلغة العيون .. قال لي والله كاني اسمعها اول مره .. انتم اهل مكة وادري بشعاب مستوي اللغة في هذه التحفة والسهل الممتنع الممتع ايضا .. وكان وزاد ابحارك من متعه السمع وبمستوي جديد .. سوف اكتب عن الجانب المسرحي كما تخيلته في هذه القطعة الجميلة المكتمله .. احترامي ..
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

08-04-2007, 09:23 PM	#[8]
3mk-Tango :: كــاتب نشــط::	الحبيب اباذر .. احترام وسلام وكلام .. عندما تذكر كلمة صوفي دائما يتبادر الي ذهني المرحوم خضر بشير .. فهو كان متفردا بحق كشخصية وكمطرب .. وعلي ذكر عوض بابكر ورد علي لسانه ان المرحوم خضر بشير قد استلم مبلغ من الاذاعة عن تسجيل بعض اغانية وكان الملبغ كبير بقياس زمنه .. ولكن خضر بشير لم يعد للمنزل .. فحضر ابناؤه وهم قلقين عليه .. وعند السؤال عنه وجدوا ان خضر قد ذهب لشيوخه في الطريقه الصوفيه ليعطيهم الملبغ ويقول ليهم : ان هذا المبلغ لكم وليس لي .. فهو يحسن ان ما يملكة من احساس عالي وتطريب وروح صوفيه هي من صنع هؤلا القوم .. .. مثل هذا الرجل رحمه الله محبته وذكراه تدخل قلوبنا مثل الدعاش .. __ ساحاول ان اعثر لك علي شكل الغزالة مع الصباح .. وهي فرصة لي ايصا لتاملها مره اخري ودي ..
3mk-Tango :: كــاتب نشــط::	التوقيع: كلما اتسعت الرؤيا ضاقت العبارة .. ..الامام النفري ....

10-04-2007, 08:07 AM	#[9]
حمدي اب جقادو :: كــاتب نشــط::	[align=center]هوووووي الاغنية وين ؟؟؟؟؟ [/align]
حمدي اب جقادو :: كــاتب نشــط::	التوقيع:

10-04-2007, 08:25 AM	#[10]
Garcia :: كــاتب نشــط::	جقجق سحروك وأدوك عين الما بشبهوك ... أحلى صوت وأحلى شعر معتق ( من عتيق ) .. لو فاتتك الأغنية دى نص عمرك ضائع
Garcia :: كــاتب نشــط::	التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام )

10-04-2007, 08:57 AM	#[11]
حمدي اب جقادو :: كــاتب نشــط::	قارسيا ياحبيبي لوووووووووووووووووووووول يابلول انا تفوتني حاجه زي دي يامعلم ؟؟ افوو ياحبيب كل مافي الموضوع الناس دي لسه بتستخدم تقنيات سجم وانحنا في زمن الفيستا علي العموم انا قبضها والرابط ادناه لكل مستخدمي التقنيات الجديده http://sudaniyat.net/upload/uploading/logtalhwa13.mp3
حمدي اب جقادو :: كــاتب نشــط::	التوقيع:

10-04-2007, 11:39 AM	#[12]
عبدالرحيم ابراهيم العبيد :: كــاتب نشــط::	بالحب والخير والجمال ينتصر الانسان علي ما يلاقيه من عذاب والآم في كنف الحياة جزيت خيرا000 يا عمنا والذي نفسه بغير جمال لايري الوجود شيئا جميلا (ايليا أبوماضي) وتسلم يا جميل
عبدالرحيم ابراهيم العبيد :: كــاتب نشــط::

12-04-2007, 09:50 AM	#[13]
طارق صديق كانديك :: كــاتب نشــط::	تنقو كم أجزلت العطاء لنا بهذه الدرر .. نظماً وتطريباً .. [mark=FF0000] قال لي خلاص يا خوي نقوم ودعني بي لغة العيون ودعتو بي قلبي الحنون[/mark] بالله عليكم ... كيف له أن يقول ذلك دون أن نصلي حتى لا يلتقي الجمعان !!!!!! كم يضم غناء بلادي من الدرر ما لا يمكن تكراره من جديد !!! اسعدتني اليوم حد الثمالة بلا ضجيج إلا من نقر الأصابع لما ترتاح للموسيقى !!! لك مودتي وشكراً للعطاء من أهل العطاء !!! نواضر أمنياتي
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

12-04-2007, 10:07 AM	#[14]
أبو العز الجنوبي :: كــاتب نشــط::	العزيز عمك تنقو تسلم يا عزيزي... و ما سطره الفنان الأديب عالم عباس اعتقد انه بمثابة التحلية بعد وجبة دسمة... لا شيء بعدها....
أبو العز الجنوبي :: كــاتب نشــط::