3 Ds
*3 ،،،،،،، Ds*
*D = دقيق*
*D = ديزيل*
*D = دواء*
واحد ثقيل عزم صاحبو قال ليهو : جمبنا *بتاع سمك* عندو حتة دين *بوش*
دي فكرة كيف انك تسرق *ثوره،،،*
ومنها تعمل *ثروه*
كلما يتخلل الإحباط و الخوف،،،
تلدغني اغاني الاعتصام،،،
و يتدفق في الأمل و التفاؤل،،،
خليهم يسرقوا ،،،،، هو ال سرقوا قبلهم كان شويه،،،
و هسه هم وين،،،، *(منهم من قضى نحبه ومنهم من ينتظر و مابدلوا تبديلا)*
الحرامي،،،، ،،
للأسف صفاته كلها سلبيه،،
جبان،،،، خواف،،، اناني،،،، متسلق،،،، انتهازي،،،،،،
زي ماسرق،،، ، حاجه ما حقته،،، ممكن يبيعها
بي أرخص تمن،،،،
بي أقل الأرباح،،،،
بي أي طريقه بس يتخارج،،،
الحرامي،،،،
ناقص ضمير،،،، وعديم أخلاق،،،،
الحرامي بيعيش متناقض مع نفسه،،،،
طوالي متردد،،، و خايف،،،،
هو ما خايف من الله،،،، خايف من العملوا،،،
أهلنا الكبار،،،،
بقولوا المال الحلال مابروح،،،
بإذن الله،،،،
ثورتنا دي مابتروح،، ،،،
خليهم يسرقوا ،،،
دي سرقه في نص النهار،،،،
و الحرامي بالسرق نص النهار معروف،،،،
وكان الناس قبلت عليهو،،،
كرعينوا مابتخارجوا ،،،،
زمان الحرامي البسرق،،، ،بسكوهو في السوق،،،
ياهو،،،، ياهو،،،، ياهو،،،،
تجيهو ضربه من هنا،،،،
شلوت من هناك،،
طوبه طايره،،،،
بنيه بالجنبه،،،
كف صاموطي،،،
يعتر ليهو واحد،،،،
يقع بردلب،،،
بعد ده تعال شوف المنظر،،،،
لكن طيبة أهلنا،،،
بقولوا خلوهو،،،،،
بعد ما شفنا السرقه الحصلت دي،،
وهسه الحرامي معروف،،،
بس السك بقى بالفيس بوك و الواتس آب،،
تغيرت اللهجه،،،، وبقت،،،
عاجلا،،،،
اسمعوا الكلام ده،،،
من مصدر قريب،،،،
ديل شغالين ،،،، بساعدوا في الحرامي،،،،
كيف،،،،
الناس ساكين الحرامي،،،، وجارين وراهو ،،،
يقوم يزوغ،،،
يلاقوا زول ،،، واقف،،،،
يسألوه ،، في زول جاء جاري بي جاي،، ،،
يقوم يوصف ليهم غلط،،،،
لا ما جاء بي جاي،، ،
لكن شفته لي زول جاري بي هناك،، ،،
ديل كتار ،،،، هم زاتهم ناوين على السرقه،،، بس خايفين،،،
هسه معقول،،، بعد صراع و عراك،،، دام اكتر من ٣٠ سنه،،، ونقدم للعالم أجمل ثوره،،، ثوره،، تحدثت عنها كل الفضائيات،،،، ثوره تدرس،،، في الجامعات،،، ثوره للتاريخ ،،،، و للأجيال القادمة،،،،
نجي نفرح،،،، بي،،،،
صف بنزين قصير،،،
فرن رغيف صف ما طويل،،،،
دواء بعد تلتله نلقاهو،، ،
اختزلنا ثورتنا في أساسيات كانت موجوده قبلها وبي سهوله،، ،،
هسه نفرح لمن نلقاها وبي صعوبه،،،
وما مهم التمن،،،
اي زول بقول اشتري بأي تمن،، أمكن بكره مانلقي ،،،،،
حالنا للأسف،،، ،،
زي حال المغترب اكتر من ٣٠ سنه،،
يشيل و يرسل القروش لي أهله عشان يبنو ليهو بيت،،،، يتلمه فيهو بعد شقي الغربه و عذابها،،،
يجي في النهايه،،،، يلقى غربته اتسرقت،،
يرضى غصباً عنه،،،
يسكن في بيت إيجار،،،
معقوله،،،،
حانجي نسمع مع التشكيل الوزاري الجديد،،،،
مع تقديم الوزراء الجداد،،
المقدمه التي انتحرت،،،
نترحم على الشهداء،،،،
عاجل الشفاء للجرحى والمصابين،،،،
نتمنى عودة المفقودين،،،،
دي حتكون المقدمه التي استهلكت بتمن رخيص و باهت،،،،
زمان كنا بنلعب سك،،،، سك،،،
بعد الواحد يندسه،،،
بكورك ،،،،،
*كرعوووووووووووت*
*د. علي الشيخ*
*الحنين*
*أمدرمان*
*٢ ديسمبر ٢٠٢٠*
|
