اشتااق فى صمت...و احب فى همس..!!

[wadosman]

[align=center]انا ليتنى زهر فى خدك الزااهى
انا ليتنى طير فى روضه لاهى
انا ليتنى نهر تنسااب امواجى...
و يحلو تلاقينا...........!!![/align]

[align=center][media]http://www.herosh.com/up/73952/244630861.wma[/media][/align]

[align=center]انا ليتنى انت فى عاالم الحس
اشتاق فى صمت و احب فى همس
و اعود ان عدت للمعبد القدسى
حيث الهوى السامى يسمو بافكاارى..

_ _ _ _ _ _ _ _
[/align]

[خالد الحاج]

هذه الأغنية يا ود عثمان من عيون الغناء السوداني والله
رحم الله رمضان زايد...

أستغرب كيف لمن يغني مثل هذه الكلمات ذات المضامين العذبة أن يغني بعدها
(يا بنات بحري قالوا بتحبو مرة حبونا ) ؟؟؟

الله يديك العافية يا ودعثمان...

[أحمد الأمين أحمد]

* تحيه يا ودعثمان على انعاش ذاكرتى التى ازعجها هذا العصر الغناء الهابط وضجيج الاورغن والاصوات النابحه التحيه لك وانت تغسلها بهذا الصوت المغسول بالعطر رمضان زايد الذى مزج بين قوه وتطريب داؤد وصفاء وعذوبه التاج مصطفى وقد غنى للفرقدين رحمهما الله اتوسل منك انزال اغنيه غصن الرياض المايد " حقيبه ثم استعمرها صوت داوؤد" وقد غناها على طريقته رمضان زايد من بعده ثم حبذا لوا انزلت اغنيه" عازف الاوتار " لبازرعه والتاج مصطفى بصوت رمضان زايد الذى غناها بصوره تجعلك تنسى التاج ....اجمل ما فى الاغنيه التى انزلتها لرمضان وهى من كلمات مبارك المغربى هى كسرتها والتجلى والصعود والهبوط فى صوت رمضان واكرر تحيتى لذوقك فى عصر الغناء النابح!!
رمضان زايد من ابناء مدنى وله امتداد اثنى بمدينه ملكال لكن صلاته بالعاصمه تتوزع بين العباسيه والديوم وديم بحرى واغنيه بنات بحرى قالوا بتحبوا يغنيها عندما تلتهب مشاعره بالحفلات العامه نزولا على رغبه الجمهور وهو يمتاز بذوق عالى جدا فى انتقاء كلماته الخاصه او الاغنيات لغيره التى يغنيها خصوصا اغنيات داؤد والتاج مصطفى ودخوله الاذاعه بعد وردى بسنوات قليله جدا ودفعته احمد الجابرى وصلاح مصطفى وشرحبيل احمد ومحمد حسنين وجميع هؤلا يمتازون باصوات نادره جدا عجزت حواء الفن السودانى ان تنجب مثلها منذ طلوعهم حتى الراهن

[wadosman]

المشاركة الأصلية كتبت بواسطة خالد الحاج

هذه الأغنية يا ود عثمان من عيون الغناء السوداني والله
رحم الله رمضان زايد...

أستغرب كيف لمن يغني مثل هذه الكلمات ذات المضامين العذبة أن يغني بعدها
(يا بنات بحري قالوا بتحبو مرة حبونا ) ؟؟؟

الله يديك العافية يا ودعثمان...

[align=center]ود الحاااج...

سلااااااااااام

فعلا كما ذكرت الاغنية من درر الاغنياات السودانية و هى علامة بارزة
فى تاريخ الاغنية السودانية و فى مسيرة الفنان الراحل رمضان زايد..

الشاعر الراحل مبارك المغربى تمتاز كلماته بالرومانسية الشفيفة و البكا الهامس
الذى يسطره بكلمااته النافذة و المعبرة جدا..و هو اكيد ليس كغيره من الشعراء
الذين كما يقول البعض يفكون اخرهم من اول بيت...

اغنية بنات بحرى كانت اغنية حفلات و الكثير من الفنانين فى ذلك الوقت كان
يجهز كم اغنية على هذا المنوال لزوم الهجيج و الرقيص فى الحفلات فالكثيرين
فى ذك الزمن كان يريد اغنيات تكسر الرتابة و تسخن الجو خصوصا فى اخر فاصل
فى الحفلات..

شكرا ليك يا حبيب...[/align]

[wadosman]

المشاركة الأصلية كتبت بواسطة أحمد الأمين أحمد

* تحيه يا ودعثمان على انعاش ذاكرتى التى ازعجها هذا العصر الغناء الهابط وضجيج الاورغن والاصوات النابحه التحيه لك وانت تغسلها بهذا الصوت المغسول بالعطر رمضان زايد الذى مزج بين قوه وتطريب داؤد وصفاء وعذوبه التاج مصطفى وقد غنى للفرقدين رحمهما الله اتوسل منك انزال اغنيه غصن الرياض المايد " حقيبه ثم استعمرها صوت داوؤد" وقد غناها على طريقته رمضان زايد من بعده ثم حبذا لوا انزلت اغنيه" عازف الاوتار " لبازرعه والتاج مصطفى بصوت رمضان زايد الذى غناها بصوره تجعلك تنسى التاج ....اجمل ما فى الاغنيه التى انزلتها لرمضان وهى من كلمات مبارك المغربى هى كسرتها والتجلى والصعود والهبوط فى صوت رمضان واكرر تحيتى لذوقك فى عصر الغناء النابح!!
رمضان زايد من ابناء مدنى وله امتداد اثنى بمدينه ملكال لكن صلاته بالعاصمه تتوزع بين العباسيه والديوم وديم بحرى واغنيه بنات بحرى قالوا بتحبوا يغنيها عندما تلتهب مشاعره بالحفلات العامه نزولا على رغبه الجمهور وهو يمتاز بذوق عالى جدا فى انتقاء كلماته الخاصه او الاغنيات لغيره التى يغنيها خصوصا اغنيات داؤد والتاج مصطفى ودخوله الاذاعه بعد وردى بسنوات قليله جدا ودفعته احمد الجابرى وصلاح مصطفى وشرحبيل احمد ومحمد حسنين وجميع هؤلا يمتازون باصوات نادره جدا عجزت حواء الفن السودانى ان تنجب مثلها منذ طلوعهم حتى الراهن

[align=center]الاستاذ احمد..

و كما عودتنا دايما فانك تاتى بحكاايات عن زمن جميل و ملابساات عااصرت مولد
اغنياات و فنانين جميلين كرمضان زايد..

ان شاء الله احاول اجهز لك الاغنياات التى ذكرتها لنسمعها هنا..

شكرا كتير...[/align]

[مواطن]

متعك الله بصفاء الروح وعافاك من الجروح وأسعدك كما أسعدتني ..
تعرف يا ود عثمان دي صنفرة كنت محتاجة بشدة بعد الإنحدار المتردي في عالم الغناء السوداني ولعبوا بينا الشفع زي ما قال صلاح.
شكراً وشكراً فقد نقلتنا للزمن الجميل وبالله خليك مع الزمن وقـّرط على كده.

[wadosman]

المشاركة الأصلية كتبت بواسطة هاشم طـه

متعك الله بصفاء الروح وعافاك من الجروح وأسعدك كما أسعدتني ..
تعرف يا ود عثمان دي صنفرة كنت محتاجة بشدة بعد الإنحدار المتردي في عالم الغناء السوداني ولعبوا بينا الشفع زي ما قال صلاح.
شكراً وشكراً فقد نقلتنا للزمن الجميل وبالله خليك مع الزمن وقـّرط على كده.

[align=center]الحبيب هاااشم...

تسلم يا جميل و لا نملك الا ان نقول يا زمن وقف شوية..

و برضو لسه فاضلين مع الزمن...بس الزمن ما يفوت..!!

يديك العاافية..[/align]

[رأفت ميلاد]

اشتااق فى صمت...و احب فى همس..!!

عنوان شطة وبشحتف يا ود عثمان .. قبال أخش البوست العنوان رجعنى لأيام الفرع .. كان دفعتنا عزمى أحمد خليل .. بس ما كان زولنا .. زولنا كان أخوه تجانى .. عشان عزمى بتاع حركات وكان صديق قريبنا الشاعر نادر عزيز التوم من الإتحاد الإشتراكى ..
الأيام ديك كانت عز مشاكل زيدان إبراهيم وعمر الشاعر وعزمى أحمد خليل ..
زكرنى العنوان بأغنية عزمى وتلحين عمر الشاعر لزيدان .. وجا تانى قلعا منه .. وزيدان قال حقتو أداها ليه عزمى .. وعزمى يلعب بين حبلين ..
الأغنية بقول فيها " تردى ولا ما تردى بكتب ليك يوماتى"
أطلب الأغنية وأهديها للجكس الفاتح لينا ..

أما الجلاكين المستمتعين مع رمضان زايد أهدى ليهم أغنية .
.
أحبك إنت لذاتك .. وأحب كلن و كلن والفرملة

[قمر دورين]

من قبضة القلب
تنساب أوتاري
بالشعر والحب
بالشهد والنار

يا للروعة!!

ليتني وليتني.... اغنية مليئة بالأمنيات
حققّ الله امنياتك يا ود عثمان

والفن محفوظ بقلب فنان
فشكراً لإشراكنا هذا الإبداع.

[أشتر]

المشاركة الأصلية كتبت بواسطة رأفت ميلاد

أطلب الأغنية وأهديها للجكس الفاتح لينا ..

كسرت لي حاجز الصمت وكسرت حاجز الامواج زاتو يا رأفت ياخ ...
مع اني من جيل الاورغن لكن كل ما يطلع فنان جديد بدق خلف ...
وايّ اغنية جديدة بترجعني سنة لورا ...
الليلة يا ود عثمان رجعتي اربعة سنين بكلك واحد وقربت ارجع مراهق
احمدو واشكرو وربنا يحفظ شبابي ...
..

وس وس يا ودعثمان
الليلة دخلت ليك من بي سي ويندوز فاتحة ناصية
النشوف آخر غناك دا بودينا وين !!!
البقرة داك كلو مرة بعلق في بوستاتك!!!
وحاليا قاعد في البيت براي ... الجماعة كلهم مشو حفلة بفرفور واورغن
نفس ذلك الاورغن البلعلع
كان ياماها كان سوزوكي الله اعلم ...

[wadosman]

المشاركة الأصلية كتبت بواسطة رأفت ميلاد

عنوان شطة وبشحتف يا ود عثمان .. قبال أخش البوست العنوان رجعنى لأيام الفرع .. كان دفعتنا عزمى أحمد خليل .. بس ما كان زولنا .. زولنا كان أخوه تجانى .. عشان عزمى بتاع حركات وكان صديق قريبنا الشاعر نادر عزيز التوم من الإتحاد الإشتراكى ..
الأيام ديك كانت عز مشاكل زيدان إبراهيم وعمر الشاعر وعزمى أحمد خليل ..
زكرنى العنوان بأغنية عزمى وتلحين عمر الشاعر لزيدان .. وجا تانى قلعا منه .. وزيدان قال حقتو أداها ليه عزمى .. وعزمى يلعب بين حبلين ..
الأغنية بقول فيها " تردى ولا ما تردى بكتب ليك يوماتى"
أطلب الأغنية وأهديها للجكس الفاتح لينا ..

أما الجلاكين المستمتعين مع رمضان زايد أهدى ليهم أغنية .
.
أحبك إنت لذاتك .. وأحب كلن و كلن والفرملة

[align=center]رأفت يا صديق....كيفك..؟؟؟

يا زول مالك داير تفتنى مع الجماعة ديل..؟؟ ديل حبايبنا ما بنبقى من غيرهم
بالمناسبة رحلة الشتاء و الصيف بتاعتهم حصل فيها شنو...؟؟
قال توجد صور... كل مره نخش نقول نشوف الصور مافى حااجة
و لسه صياغة اللوائح للحضور ما انتهت...الغريبة سمعت المطلوب من اى واحد
يحضر فى اللمة لازم يكون مريح ببت السودان.... هههههههههههه

ياخى على ذكر عزمى احمد خليل...الزول دا وين هسى لا حس لا خبر
مش هو الكتب رجيتك و فى انتظار عينيك كملت الصبر كلو..؟؟؟
و برضو كتب لو عارف عيونك...و برضو راح الميعاد و زمانى فات
الغريبة كل اغنياتو فيها شره...شكلو كان كل يوم شارينو...

سمعت الاغنية التى ذكرتها بتاعت تردى ولا ما تردى قبل كدا لكن ما اتذكر بصوت
منو.؟؟ انت عارف الشعراء و الفنانين ديل كلهم مشااكل مع بعض مش هااشم صديق
هسى قريب كان وقف كل اغنياتو المعا ود الامين و ابو عركى..و برضو وردى قبل
كدا قلع على عينك يا تاجر وا اسفاى من ابن البادية و برضو كان قلع يا سليم الذوق
من حمد الريح...قصص طويلة تنفع موضوع لبوست....ههههه

الجكس اليومين ديل محاربنا عديل كدا و رافع علينا القزاز مره واحده
رشا ما عارفين الحاصل عليها شنو..؟؟؟؟ و امال عملت ليها ريش و طاارت
و منال الظااهر لقت ليها كنز فى الديم و لبدت بهناااااك
و زولتك بتاعت المسالمة من يوم الضفارى بتاع ابو داؤود داك تانى ما ظهرت
الظاهر قطعوا منها الموية و الكهرباء....

يا زول كفاية كدا و الظااهر سرحنا فى الكلااااام بنقوم نفلت بعد كدا
و الجماعة يجوا ناطين لينا هنا...

يلا خليك مع الزمن و ابو فاس مفيد للنزلة و الصدااع و الحاجات دى...

سلاااااااااااااااااااام[/align]

[wadosman]

المشاركة الأصلية كتبت بواسطة قمر دورين

من قبضة القلب
تنساب أوتاري
بالشعر والحب
بالشهد والنار

يا للروعة!!

ليتني وليتني.... اغنية مليئة بالأمنيات
حققّ الله امنياتك يا ود عثمان

والفن محفوظ بقلب فنان
فشكراً لإشراكنا هذا الإبداع.

[align=center]يا قمر دورين انا شفتك وين..؟؟؟؟

يا سلاااام و شكرا للطلة الملونة و المعبقة بريحه الازهااار

ربنا يحقق امنياات الجميع و يملا حيااتك بالفرح و الحاجات الجميلة

شكرا للحضور الجميل الذى زين لنا هذا البوست و زاد من ضوء
الغناء الراقى الجميل...
و يحلو تلاقينا من غير اكدار...

تشكرات كتيره...[/align]

[wadosman]

المشاركة الأصلية كتبت بواسطة محمد أبوعاقلة

كسرت لي حاجز الصمت وكسرت حاجز الامواج زاتو يا رأفت ياخ ...
مع اني من جيل الاورغن لكن كل ما يطلع فنان جديد بدق خلف ...
وايّ اغنية جديدة بترجعني سنة لورا ...
الليلة يا ود عثمان رجعتي اربعة سنين بكلك واحد وقربت ارجع مراهق
احمدو واشكرو وربنا يحفظ شبابي ...
..

وس وس يا ودعثمان
الليلة دخلت ليك من بي سي ويندوز فاتحة ناصية
النشوف آخر غناك دا بودينا وين !!!
البقرة داك كلو مرة بعلق في بوستاتك!!!
وحاليا قاعد في البيت براي ... الجماعة كلهم مشو حفلة بفرفور واورغن
نفس ذلك الاورغن البلعلع
كان ياماها كان سوزوكي الله اعلم ...

[align=center]ود ابو عااقلة...مشتااقين يا زول يا جميل

والله عقدتنا عديل كدا بعدم سمااعك دا
و اهو قلنا نكسر حااجر الصوت بالاغنية دى فالظااهر اشتغلت
و كسرت كل دفاعاتك الجوية و تخطت المراقبة الراداريه بتاعتك...

انت عارف انا بحب الاورغن او زى ما يسمهوهو الكى بورد لكن جنى و جن
الغناء بيهو براهو حفيان كدا...الورغن ممكن يكون مشارك فى فرقة موسيقية
و يمكن توظيفه ليشتغل شغل جميل جدا و يعمل صولات رهيبة لكن براهو كدا
يبقى زى لعب الشطرنج مع الكمبيوتر...
ياخى اسمع لمحتك و لا حلوة عيونك فيهم روعة و شوف الاورغن موظف كيف...؟؟

تسلم يا حبيب و يلا بعد كدا المفروض يكون ما عندك مشكلة فى السمع حسب كلااامك
و يلا خليك مع الزمن و اشتاق فى صمت و حب فى همس وسيبك من دق الطار
عشان ما يشيلو حاالك...بعدين اعراب الحال اصعب شى فى القواعد
و عبد الله الطيب ما بيحلك و لا الطيب عبد الله زاااتو مش الطيب عبد الله
بتاع الهلال الزمان داك انا قاصد الطيب عبد الله الفنان
عليك الله لو ما كان فكوهو عكس الهوا هسى كان سمعنا السنين العشتا قيها
معاك هناى..

معليش الليلة السلك عريان شويه...و ما عندنا مفك بيان ولا شريط حرارة
و يا...... الهواء شماال متفاوت السرعة...

تحيااات...[/align]

[أشتر]

المشاركة الأصلية كتبت بواسطة wadosman

[align=center]ود ابو عااقلة...مشتااقين يا زول يا جميل

والله عقدتنا عديل كدا بعدم سمااعك دا
و اهو قلنا نكسر حااجر الصوت بالاغنية دى فالظااهر اشتغلت
و كسرت كل دفاعاتك الجوية و تخطت المراقبة الراداريه بتاعتك...

انت عارف انا بحب الاورغن او زى ما يسمهوهو الكى بورد لكن جنى و جن
الغناء بيهو براهو حفيان كدا...الورغن ممكن يكون مشارك فى فرقة موسيقية
و يمكن توظيفه ليشتغل شغل جميل جدا و يعمل صولات رهيبة لكن براهو كدا
يبقى زى لعب الشطرنج مع الكمبيوتر...
ياخى اسمع لمحتك و لا حلوة عيونك فيهم روعة و شوف الاورغن موظف كيف...؟؟

تسلم يا حبيب و يلا بعد كدا المفروض يكون ما عندك مشكلة فى السمع حسب كلااامك
و يلا خليك مع الزمن و اشتاق فى صمت و حب فى همس وسيبك من دق الطار
عشان ما يشيلو حاالك...بعدين اعراب الحال اصعب شى فى القواعد
و عبد الله الطيب ما بيحلك و لا الطيب عبد الله زاااتو مش الطيب عبد الله
بتاع الهلال الزمان داك انا قاصد الطيب عبد الله الفنان
عليك الله لو ما كان فكوهو عكس الهوا هسى كان سمعنا السنين العشتا قيها
معاك هناى..

معليش الليلة السلك عريان شويه...و ما عندنا مفك بيان ولا شريط حرارة
و يا...... الهواء شماال متفاوت السرعة...

تحيااات...[/align]

عارف يا بوكش
الطيب عبدالله لما غنى لقيتو واقف منتظر جماعتك الصعبين ديلاك وقفو ليو في حلقو ومسحو بيو الواطة ...
قالو ليو يا زول هوي ما عندنا مرا بتنتظر ليها زول في ناصية ...
طبعن الزمن داك زمن البكا الصحي صحي ... مع انو الصور البي الاسود والابيض كلها جكسا في ستة ... غير جكسا الواقف في الاوف سايد وماف زول جايب خبر ... وعند الضربة برضو ماف زول جايب خبرو
اذا ممكن اقول هنا في تناقض غريب !!! لكن البخليني ارجع ... الناس ما كان همها جكسا في خط ستة او في خط مافي بقدر ما همها الاول والاخير وجداني بحت ...
اها يا صاحبي الكاشف ... حاليا لا في خط ستة ولا في خط تمنطاشر زاتو ... يعشمو فينا (بكاشف رقم) يكشفو بيو حالنا الواقف على الهبشة ... وبرضو ما فاهمين قواعد اللعبة ... مرة تلقاهم كلهم باكات لو حبيت تكسر الاوف سايد ما يدوك طريقة ... ومرة تلقاهم كلهن هجوم والحارس مَرْمِي في حتة ما هماهو تخش بوين
فدحين يا اللخو ... فنّد لينا الحتة دي ما دام جات السيرة ...
ودي بى حريرة ... ودي بى ضريرة ... وبنسمعك ...

[أشتر]

المشاركة الأصلية كتبت بواسطة wadosman

[align=center]
سمعت الاغنية التى ذكرتها بتاعت تردى ولا ما تردى قبل كدا لكن ما اتذكر بصوت
منو.؟؟[/align]

لو تردي او ما تردي ... قلبي رضيان بالتحدي ...
اعتقد الرشيد كسلا ... لكن عندي احساس ما اتلحنت ولا اتغنت من اصلو ...
بعدين يا جماعة الخير ...
الجكس المغلبكم دا ما تشتغلو بيو كتير ...بعوّق مسيرتكم وبقلل من انتاجية الفرد ... وبجهجه توجهاتكم وباكاتكم القاعدة رواكيب ...
ومن هذا المنطلق ... سردبووووووووووووووا