ما إنتي اللحن الأدى الكلمة نظاما ...

[الشريف الراقي]

[align=center]ما إنتِ اللحن الأدى الكلمة نظاما

ورَّتب حس الداخل

وناغم أشواقو المليانة حنين

وسرح بي الليل مع شوق النيل

أمواج وعبير

ترتيل وهياما

ما إنتِ اللحن الأدى الكلمة نظاما

وكان في يوم .. في جنح الليل والناس نياما

سرى في الخاطر

الشوق الخاطر

لي البت القامة

الشوق لي كلاما

أوتار الهمسة الفي الشفتين

وحس الرعشة الفي اليدين

والخصلة التايها .. حنين في هامة

والبدر تماما

وعلى شاطي النيل والجو غماما

غسّلت حروفي بي موية النيل

ونشرت قصيدي أنغام وأنغاما

وحتى الرملة الجنب النيل باحت بي غراما

لي الزولة القامة

ما إنتِ اللحن الأدى الكلمة نظاما

ناس بتريدك أكتر وياما

وناس خاتاك للريدة علامة

وناس بي ريدك مليانة تماما

ونيل حابيك بدءا وقياما

ما إنتِ اللحن الأدى الكلمة نظاما[/align]

[بابكر مخير]

الحبيب الراقي
زولتك فيها كتير من هولتي
بس إتا قدرتا تقول
وأنا قدر قدرتي قلتا:
[align=center]عندي كتير في القول وما بتحدد
أصلو قديم ثابت، لابتغير، لا بتجدد
فيهو كلام وحديثً مشرور ماهو مُحدد
عنك إتي؟؟
وماني بجَامل ولا سكت ليك بتودد
ياكي
البتمنى العابد، لما يكون ساجد، بتهجد
والعاشق يوم يتحظى؟؟؟؟ حضنك يتوسد
دا غير
إن قلتا في وصفك أقول
ماهو حتى القول قبال ينقال يتعب يتهدد
وإن حاولتا فجواك أسافر؟؟
تكون الخطوة؟ أميال وتزيد تتمدد
إتي، جمال
إتي سماح
وإتي الكون جوا القلب ساكن .. إتوهد [/align]

[الشريف الراقي]

المشاركة الأصلية كتبت بواسطة Babiker Mukhayer

الحبيب الراقي
زولتك فيها كتير من هولتي
بس إتا قدرتا تقول
وأنا قدر قدرتي قلتا:
[align=center]عندي كتير في القول وما بتحدد
أصلو قديم ثابت، لابتغير، لا بتجدد
فيهو كلام وحديثً مشرور ماهو مُحدد
عنك إتي؟؟
وماني بجَامل ولا سكت ليك بتودد
ياكي
البتمنى العابد، لما يكون ساجد، بتهجد
والعاشق يوم يتحظى؟؟؟؟ حضنك يتوسد
دا غير
إن قلتا في وصفك أقول
ماهو حتى القول قبال ينقال يتعب يتهدد
وإن حاولتا فجواك أسافر؟؟
تكون الخطوة؟ أميال وتزيد تتمدد
إتي، جمال
إتي سماح
وإتي الكون جوا القلب ساكن .. إتوهد [/align]

[align=center]العم العزيز ود مخير ...
إشهد الله إني مشتاق ليك شوق العميان لي الشوف ...
ولتسعد ( هولتك) بما خطت يداك .. ول( تكون الخطوة؟ أميال وتزيد تتمدد )
فعلاً هن اللائي يعطين الكلمة نظاما .. وبرتبو حس الداخل ..
العم العزيز لا تحزني بالقول إني ( زهجان ) .. والله هذه الكلمات منك مثال الخنجر في القلب
وبكم دوماً نتقوى .. ونفضفض وننسى أحزانا عندما تراكم أكثر إنشراحا .. حتى ولو هكذا خيّل لنا ..
العم العزيز .. لنا الله ..
وقول لي وطه الحبيب .. الزعل كميات .. ولو داير أعرف السبب خليوه إراجع بوستو بتا ( وحشتينا يا سودانيات ) ... [/align]

[AMAL]

سرى في الخاطر

الشوق الخاطر

لي البت القامة

الشوق لي كلاما

والشوق المالي الجوف
الشوق الحد الشوف
الشوق الخلي البت تعيد احلاما
وترتب تاني الحتة وتعيدو نظاما
والشوق لي الزول اللخبط احساسا
واتخلل انفاسا
وشخبط كراسا
وكسر اقلاما

[الشريف الراقي]

المشاركة الأصلية كتبت بواسطة AMAL

والشوق المالي الجوف
الشوق الحد الشوف
الشوق الخلي البت تعيد احلاما
وترتب تاني الحتة وتعيدو نظاما
والشوق لي الزول اللخبط احساسا
واتخلل انفاسا
وشخبط كراسا
وكسر اقلاما

[size=5][align=center]بهجة الآمال .. آمال ..

واشتقت ليك يا روعة الزمن البزيل همي ‏

واشتقت ليك يا مصدر النغم الموقَع بي عصب دمي‏

اشتقت ليك ...‏

وألقاك وين من( طرفة ) القلب المعاك تهمي ‏

اشتقت ليك ما كت مصدق إني القاك كل شوقي ‏

وكل ألوان الحنين الحايمة فوقي

وكل عالم لامس حرقة الشوق الموجَع من رتاج طوقي ‏

وما طاف بالخيال ذكرى ‏

ولا طفرت سويعاتو تغازل لحظة من بكرة

وعرفت أنك في انتظارك لي المطر ‏

نامت خطاك علي الدروب واتوسدت ضل القمر ‏

صلت جوارحك شان تسقي ريدك والخفر ‏

لمت وليدات الفريق في السكة والدرب الخطر

ختت حبيبات ( الكرامة )علي الطريق عشمانة بي رشة مطر ‏

وغنى الصغار ..‏

‏( قطر .. قطر .. يا أبو فاطمة هوي تجيب المطر ) ‏

وعشان أكون ليك المطر ‏

رسمت فوق حرف الوطن صورة الغيم المسافر ‏

وبقيت أهبش بي غناي في رزاز لحظة لقاك ‏

لا فتر صوتي ولا بحت في المدى منو المشاعر [/align][/size]

[AMAL]

المشاركة الأصلية كتبت بواسطة الشريف الراقي

[size=5][align=center]بهجة الآمال .. آمال ..

واشتقت ليك يا روعة الزمن البزيل همي ‏

واشتقت ليك يا مصدر النغم الموقَع بي عصب دمي‏

اشتقت ليك ...‏

وألقاك وين من( طرفة ) القلب المعاك تهمي ‏

اشتقت ليك ما كت مصدق إني القاك كل شوقي ‏

وكل ألوان الحنين الحايمة فوقي

وكل عالم لامس حرقة الشوق الموجَع من رتاج طوقي ‏

وما طاف بالخيال ذكرى ‏

ولا طفرت سويعاتو تغازل لحظة من بكرة

وعرفت أنك في انتظارك لي المطر ‏

نامت خطاك علي الدروب واتوسدت ضل القمر ‏

صلت جوارحك شان تسقي ريدك والخفر ‏

لمت وليدات الفريق في السكة والدرب الخطر

ختت حبيبات ( الكرامة )علي الطريق عشمانة بي رشة مطر ‏

وغنى الصغار ..‏

‏( قطر .. قطر .. يا أبو فاطمة هوي تجيب المطر ) ‏

وعشان أكون ليك المطر ‏

رسمت فوق حرف الوطن صورة الغيم المسافر ‏

وبقيت أهبش بي غناي في رزاز لحظة لقاك ‏

لا فتر صوتي ولا بحت في المدى منو المشاعر [/align][/size]

وناديتك اعلني في جواك وطن
وشيلني ريدة وغيمة في وش الزمن
وخلي شتلاتي التفرهد جوة دنياك وتحن
اعلني غنية واحلي منية
واندحار العوارض والمحن
واني بختارك واصطفيك
من كل الملامح والسحن
وخلي كل النجمات تحكي عني
اني عندك اغلي حب
واجمل وطن

[الشريف الراقي]

المشاركة الأصلية كتبت بواسطة AMAL

وناديتك اعلني في جواك وطن
وشيلني ريدة وغيمة في وش الزمن
وخلي شتلاتي التفرهد جوة دنياك وتحن
اعلني غنية واحلي منية
واندحار العوارض والمحن
واني بختارك واصطفيك
من كل الملامح والسحن
وخلي كل النجمات تحكي عني
اني عندك اغلي حب
واجمل وطن

[align=center]بهجة الآمال .. آمال ..

وخبيت ملامح ريدي في عمقكِ

وقف مشتاق .. أعاين في عيون الناس

أفتش عن ملامحكِ جوة في الأحداق

وفي رمل الصحاري العامرة بالأرازق

وفي غابات يكون النيل مراية وجهها المشتاق

وقف مشتاق ..

أفتش عن حنينك جوة في الأعماق

وغنيت مع النيل البسيل دفاق

غناوي جدودنا في سنار ..

وقف ( دنقس ) مع ( جماع )

بداية رحلة الأشواق ..

لي بلداً جميل ممتد فوق مسارب الروح

لي بلداً حنين ما فيه نايحة تنوح

لي بلداً معافي من خصام وجروح

ولي بلداً مشاعرك ليها تصبح سوح [/align]

[nagwa]

ما إنتِ اللحن الأدى الكلمة نظاما
انت لحن الحب وطن

[الشريف الراقي]

المشاركة الأصلية كتبت بواسطة nagwa

ما إنتِ اللحن الأدى الكلمة نظاما
انت لحن الحب وطن

[align=center]نجوى النجوى ..
سلام ومحبة ..
جميل أن نجعل من مفردات الخطاب المباشر للحبيبة معنى آخر هو الوطن بكل تفاصيله
حقاً أسعدني المرور ..
ومزيد من التواصل
وألف مرحب بيك نجوى النجوى ... [/align]