الوحــــــــــم .... الوهـــــــم ..... الحنان المفقود !!!

النور يوسف محمد · 08-02-2009, 11:14 PM

بسم الله الرحمن الرحيم

على مشارف الرياض وبعد أن جاوزت الساعة الواحدة
بعد منتصف الليل استوقفنى أحدهم .
ورغم المحاذير الأمنية والنظامية المعروفة فإن سحر ( الجلابية ) لا يقاوم .
طلب الرجل أن أوصله الى أقرب بقالة أو سوبرماركت ليشترى ( دخاناً) سجاير .
فقلت له يا أخى لماذا لا تشترى ما يكفيك طالما أن هذه الخرمة ليلها كنهارها .؟؟
ودونما جهد منى علمت أن الموضوع كله (وحم فى وحم )
( يا أخى المره متوحمة على سيجارة hope .)
قلت له ممازحاً
(يا أخى سيجارة بنسون معقولة بس الـ هوب دة دخان الفلبينين
نسأل الله ألا تتوحم فى المرة الجاية على ما يأكلون !!)
...........................................
أنا هنا أصابنى (وحم ) المعرفة
ما حقيقة هذا الوحم ؟؟؟
هل هو حالة نفسية ؟ أم حالة عضوية تصيب الحامل وتتعداها الى الجنين ؟؟
مدى ارتفاع سقف الطلبات ( الوحمية ) وما هو تفسير تلك الطلبات الغريبة ؟؟
هل الوحم نوع من أنواع الدلال تمارسه الحامل لإختبار حب الزوج لها ؟؟؟؟؟
وأخيراً
هل يملك اولئك الذين يتدفقون حناناً أصحاب ( السنة الناعمة)على حد قول
اختنا رشا حاتم ترياقاً ضد إصابة زوجاتهم بجنون ( الوحم ) ؟؟؟؟؟؟؟؟؟؟؟؟

خالد الحاج · 09-02-2009, 10:34 AM

النور يوسف سلام
يا زول دي طوبتي ... أنا حاجز مكان ..أنتظر إجابات علي أسئلتك
تعرف البيوجع شنو في الموضوع ؟ أنه لا يخضع لقياس العقل ..
تشتري عطر وكمان ماركة تجارية (قول إيف سان لوران) أو (بوس) أو (شانيل)
تجي الحكومة وتقول كده تبدأ الكلام بي (بصقة) والسؤال البيحير "بوبي" : دي شنو الريحة العفنة دي ؟؟؟!!
طبعا بينك وبين نفسك تردد "الشكية لله" ... وحم ...
يتخيل لي والله أعلم المسألة لا تتعدي محاولة لرد الصاع للزوج المتسبب في الحالة "الحمل" أو "الورم الحميد" ...
تنكيد لي عيشتو والسلام ...
ننتظر عسي أن تأتينا جهيزة بالخبر اليقين ؟

الوليد عمر · 09-02-2009, 12:29 PM

....

اقتباس:

المشاركة الأصلية كتبت بواسطة خالد الحاج

تشتري عطر وكمان ماركة تجارية (قول إيف سان لوران) أو (بوس) أو (شانيل)
تجي الحكومة وتقول كده تبدأ الكلام بي (بصقة) والسؤال البيحير "بوبي" : دي شنو الريحة العفنة دي ؟؟؟!!

[align=right]والله يا خال كلامك ده صاح .. الحكومة مرة أيام الوحم العجيبة ديك قالت لى ياخى أطلع برة من البيت دة .. أنا شامة لى فيك ريحة ( خرا كديس ) .. تخيَّل بالله كديس شايل إبريقو فى دبى و خاشى يحاسب القاضى عشان يصلِّح السفنجة .. والشكية لله .[/align]

اقتباس:

المشاركة الأصلية كتبت بواسطة خالد الحاج

يتخيل لي والله أعلم المسألة لا تتعدي محاولة لرد الصاع للزوج المتسبب في الحالة "الحمل" أو "الورم الحميد" ...
تنكيد لي عيشتو والسلام ...

[align=right]والله ياها قصَّة إنت السبب يا عبدو ..
وبالك طويل يا عبد الجليل ..[/align]

اقتباس:

المشاركة الأصلية كتبت بواسطة النور يوسف محمد

ما حقيقة هذا الوحم ؟؟؟
هل هو حالة نفسية ؟ أم حالة عضوية تصيب الحامل وتتعداها الى الجنين ؟؟
مدى ارتفاع سقف الطلبات ( الوحمية ) وما هو تفسير تلك الطلبات الغريبة ؟؟
هل الوحم نوع من أنواع الدلال تمارسه الحامل لإختبار حب الزوج لها ؟؟؟؟؟
وأخيراً
هل يملك اولئك الذين يتدفقون حناناً أصحاب ( السنة الناعمة)على حد قول
اختنا رشا حاتم ترياقاً ضد إصابة زوجاتهم بجنون ( الوحم )

[align=right]مرّة يا النور أخوى القصة شبكت فى راس المرة إلا تاكل ملاح ويكاب .. وبعدين الكاروشة إشتغلت .. يا أخوانا الويكاب ده أنا أجيبو من وين هسع فى بلد البريانى دى .. يا مرة ما هدا عينك لى الكنتاكى والهارديز والدومينوز بيتزا .. ألف وستين يمين إلا ويكاب بس .. فوق الله فوق الله مرقت لفيت ليك محلات السودانيين الفى البلد كلها والمطاعم و النادى السودانى لامن بعد جهد جهيد قالوا لى فى محل إسمو الأشجار الخضراء فى الشارقة فيهو خزعبلات السودانيين ديك كلها .. المهم لقيت ليك الحجر العجيب داك وجبتو البيت وإجتهدت سويت ملاح الويكاب فى البيت بعد تلفونات كتيرة وبالله البصلة ما تخليها تحمر شديد .. والملح والبهارات خليهن لى الأخر .. تمكنت من إخراج ما يسمى بملاح الويكاب .. عملت العصيدة وملحتها وختيتها قدام المرة ..

تخيل حصل شنو ؟

شالت ليها لقمة واحدة بس .. وقالت لى خلاص شبعت ..

عليك الله دى ما حالة أخير منها الكاروشة .. بعدين الوحمة فى الولد شن تسوى .. يا ها لا بتحرقوا .. لا بتحميهو القراية .. وديل ياهن المهمات الباقى ما مشكلة .

محبتى ..

[/align]

....

عكــود · 09-02-2009, 01:05 PM

سلام يا المتوكّحين بحُكم القوي على الضعيف . .
ده كلّو كوم، وقصّة صاحبنا كوم (مافي داعي لذكر الأسماء - الله يستر عليه).
مرتو إتوحّمت إلاّ تتعشّى بـ دجاج كنتاكي، قال بسيطة وبركة الوقفت علي دي . .
يحكي قال مشيت إشتريت لها وبالمرّة إشتريت لنفسي واحد "دينر بوكس"، جيت داخل البيت وختّيت قدّامها عشاها وشلت صندوقي مشيت قعدت بعيد (باقي هِن ماهِن مضمونات).
المرة نطّت: ده شنو القاعد تاكل فيهو ده؟
- والله قلت بالمرّة أجيب لي نفسي كنتاكي إتعشّى بدل ما أكابس في المطبخ.
- القال ليك جيب لي نفسك منو؟ أنا قلت ليك جيب لي أنا بس! أنا الكنتاكي ده ذاتو خلّيتو، قوم سوّي لي فول.
وحاتي وحاتك قال، الفقريّة ما دخّلت إيدا فيهو، وكراعي فوق رقبتي قمت سوّيت الفول.

عليكم الله في ساديّة أكتر من كدي؟
أفهم، على مضض، إنّو الواحدة تشتهي شي معيّن . .
لكن تشتهي إنّو الراجل ما ياكل نفس الشي!
دي جديدة.
والله بس ما بنقدر نقول شي

دي حالة دي؟

اقتباس:

يا أخى سيجارة بنسون معقولة بس الـ هوب دة دخان الفلبينين
نسأل الله ألا تتوحم فى المرة الجاية على ما يأكلون

عاد كان بيقدر علي لحم الكلاب؟

عادل عسوم · 09-02-2009, 01:25 PM

صاحبي حلف بالله قال (الحكومة) طلبت كَركتّي*
قام واحد قاليهو نمشي المزارع الحول الدمام دي ونشوف ليها طين ناشف من هناك

جابو الطين ودسوهو لمدة كم يوم وقالو ليها خلالها أنو الكركتي جاي مع واحد من السودان...
أدوهو ليها وضاقتو قامت حلفت بالله وقالت دة ماطين الجروف البتعرفو

صاحبي قام كراعو فوق راسو طلب من أخوه يرسل ليهو (كركتي) بواسطة الدي أتش أل من البلد فما كان منها الاّ أن (قلمت ليها منو قلمة) وراقت

ـــــ
*(الكركتي أو الكركجي في لهجة الشايقية هو طين جروف النيل عندما يجف ويتفلطح)

مالك علينا يالنور بالله

محسن الفكي · 09-02-2009, 01:37 PM

سلام للنور وضيوفه الكرام .

اقتباس:

المشاركة الأصلية كتبت بواسطة الوليد عمر

....

شالت ليها لقمة واحدة بس .. وقالت لى خلاص شبعت ..

ما المهم ناكل
المهم نشبع .

اقتباس:

يتخيل لي والله أعلم المسألة لا تتعدي محاولة لرد الصاع للزوج المتسبب في الحالة "الحمل" أو "الورم الحميد"

ومهما تحدث أطباء النفس او التوليد
ستظل مقولة ودالحاج باقية لوقت طويل .

آيات · 09-02-2009, 01:43 PM

بوست رائع موضوع بالجد بستحق وقفه بمجرد أن قرأته تذكرت ونحن في سنة سادسة والحصه فاضية أيام البرد ديك وصاحبتنا طلعت في الكنبة ..والشله كلها إتلمت فيها عشان تشوف العنكوليبة بقشرها من أخمص قدميها وحتى سرتها .. اها يااخوانا أمها إتوحمت بي قصبة رفيعه جداً و خدرا ..

انا في رأيي الشخص إنه الوحم ده عبارة تغيرات بيولوجية ..يعني زول حايطلع منه زول تاني أكيد حايكتمل ببعض الأشياء الناقصه والزهج ده بعتبره تغيير في المزاج أياً كان نوعه .. مش في زول جوه البطن دي والزول ده حايمتلك بعض الصفات المختلفه عن الأم فأكيد الأم حاتتأثر

ده غير الواحدة بمجرد ماتحمل إتلمن ليك فيها النساوين وهاك ياتنظيرات وأي كلام بتحاول تقيسو علي نفسها.
وده كله كوم وبشتنه المرا والنكشوش زي الحلة الجاها خبر كوم تاني

ولي عودة

طارق صديق كانديك · 09-02-2009, 04:33 PM

اقتباس:

المشاركة الأصلية كتبت بواسطة النور يوسف محمد

بسم الله الرحمن الرحيم

( يا أخى المره متوحمة على سيجارة hope .)

هههههههه

ربما يتخذنه مظلةً لغايات مكبوتة .. !!!

قالت له .. النبي عليك يا ياسر الليلة لو ما جبتا لي ... ( قنقليز/س ) هاتف صديقه هازلا شفتا المرة دي بالله نحن هنا في مكان وأرزق أهله من الثمرات .. ودي تقول لي جيب قونقليز/س .. !!

قال ليهو .. والله يا حبيبنا الوحم ده برجع الواحدة للبيئة العاشت فيها تماماً .. !!!

حقيقي شئ محير جدا ... بس وحم سيجارة ده بيني وبينكم مش عملتا ظااااهرة .... !!!

تحياتي أخي النور وضيوفك الأماجد

النور يوسف محمد · 09-02-2009, 07:45 PM

اقتباس:

المشاركة الأصلية كتبت بواسطة خالد الحاج

يتخيل لي والله أعلم المسألة لا تتعدي محاولة لرد الصاع للزوج المتسبب في الحالة "الحمل" أو "الورم الحميد" ...
تنكيد لي عيشتو والسلام ...
ننتظر عسي أن تأتينا جهيزة بالخبر اليقين ؟

الحبيب الغالى
أضف الى ذلك الراجح إنو يكون فى نقص كبير فى فيتامين ( الريدة المركز )
وبعدين العمل وظروفه إذا ما شعرت انه صار يشكل لها (ضرة )

لكن سنظل على رأيك الى أن تثبن لنا جهينة خلاف ذلك !!!
مشتاقين يالغالى

النور يوسف محمد · 09-02-2009, 07:51 PM

[ وإجتهدت سويت ملاح الويكاب فى البيت بعد تلفونات كتيرة وبالله البصلة ما تخليها تحمر شديد .. والملح والبهارات خليهن لى الأخر .. تمكنت من إخراج ما يسمى بملاح الويكاب .. عملت العصيدة وملحتها وختيتها قدام المرة ..

تخيل حصل شنو ؟

شالت ليها لقمة واحدة بس .. وقالت لى خلاص شبعت ..

إنت عارف يا الوليد
أظن اللقمة الشالته دى مجاملة ليك بس
والمرة شبعت من إجتهادك ده
شكراً يا راقى

النور يوسف محمد · 09-02-2009, 07:59 PM

[QUOTE=عكــود;131550][size=4][font=Simplified Arabic][color=#0000FF]سلام يا المتوكّحين بحُكم القوي على الضعيف . .
ده كلّو كوم، وقصّة صاحبنا كوم (مافي داعي لذكر الأسماء - الله يستر عليه).
مرتو إتوحّمت إلاّ تتعشّى بـ دجاج كنتاكي، قال بسيطة وبركة الوقفت علي دي . .

واحد من الجماعة قال فى طرق الرياض السريعة المدام ( كحلت ) بى طرف عينا النخل شايل يا دوب يعنى ( دفيق ) فتقمصتها (حالة وحمية حادة ) وقالت روحا ونفسا فى التمر النيئ ده
قال لى والله وهى قاعدة فى السيارة وطلعت أقرب نخلة البشوفنى كلو يقول مجنون وجبت ليعا تمرات حتى نفسا راق

لك الود ياعكود

النور يوسف محمد · 09-02-2009, 08:12 PM

[QUOT
مالك علينا يالنور بالله

[/color][/font][/size][/QUOTE]

حبيب الكل
إنت عارف السبب ايه ؟؟؟
أربع زهرات ولم أدخل هذا الفيلم
ملوظة
لا أملك ذلك الترياق ولست من ذوى السنن الناعمة
ههههههههههههههههههه
خارج النص
جيت الدمام قبل اسبوعين وبينى وبين نفسى قلت لازم اتصل على عادل واسلم عليه
ولظروف ( غير مبررة) ماقدرت وفى طريقى الى الرياض عملت حادث ولله الحمد جات سليمة

دة خاطر شنو يا عادل البسبق الخواطر
التحيات المباركات لك ولمن حولك وللصباح الجميل

النور يوسف محمد · 09-02-2009, 08:16 PM

[QUOTE=محسن الفكي;131553]سلام للنور وضيوفه الكرام .

ألفين سلام ومية مرحب

النور يوسف محمد · 09-02-2009, 08:32 PM

بوست رائع موضوع بالجد بستحق وقفه بمجرد أن قرأته تذكرت ونحن في سنة سادسة والحصه فاضية أيام البرد ديك وصاحبتنا طلعت في الكنبة ..والشله كلها إتلمت فيها عشان تشوف العنكوليبة بقشرها من أخمص قدميها وحتى سرتها .. اها يااخوانا أمها إتوحمت بي قصبة رفيعه جداً و خدرا ..

انا في رأيي الشخص إنه الوحم ده عبارة تغيرات بيولوجية ..يعني زول حايطلع منه زول تاني أكيد حايكتمل ببعض الأشياء الناقصه والزهج ده بعتبره تغيير في المزاج أياً كان نوعه .. مش في زول جوه البطن دي والزول ده حايمتلك بعض الصفات المختلفه عن الأم فأكيد الأم حاتتأثر

آيات
سلام
حسب إطلاعى أن كلمة الوحم أساسا ليست مصطلحاً طبياً وإنما هى كلمة دارجة وأن تلك البقع والأشكال التى تظهر على الطفل لا دخل لما تأكله أو تشربه الحامل
لكن أنا معك تماماً أن المرأة تمر تغيرات كثيرة وخطيرة من الناحية البيولوجية والنفسية وحتى اسلوب الحياة الروتينى فى ( مملكتها ) لا بد وأن يعتريه التغيير
كل هذا فى تقديرى ينتج ما اصطلح على تسميته (بالوحم )
أشكر مرورك
وفى طريق عودتك أرجو استصحاب بعض الآراء الطبية فى هذا المجال

النور يوسف محمد · 09-02-2009, 08:44 PM

اقتباس:

المشاركة الأصلية كتبت بواسطة طارق صديق كانديك

هههههههه

ربما يتخذنه مظلةً لغايات مكبوتة .. !!!

قالت له .. النبي عليك يا ياسر الليلة لو ما جبتا لي ... ( قنقليز/س ) هاتف صديقه هازلا شفتا المرة دي بالله نحن هنا في مكان وأرزق أهله من الثمرات .. ودي تقول لي جيب قونقليز/س .. !!

قال ليهو .. والله يا حبيبنا الوحم ده برجع الواحدة للبيئة العاشت فيها تماماً .. !!!

حقيقي شئ محير جدا ... بس وحم سيجارة ده بيني وبينكم مش عملتا ظااااهرة .... !!!

تحياتي أخي النور وضيوفك الأماجد

الحبيب صديق

البعد النفسى لا يمكن أنكاره فى هذا الموضوع
بس يا صديق الطلبات دى ممكن الواحدة تتوصل ليها دون المرور على (جيب) الرقابة الزوجى
مع اتفاقى معك فى أن (الطلبات الوحمية) ترجمة لرغبات موجودة أصلاً
أما مسالة الرجوع الى البيئة الأولى واردة
ودى

08-02-2009, 11:14 PM	#[1]
النور يوسف محمد :: كــاتب نشــط::	الوحــــــــــم .... الوهـــــــم ..... الحنان المفقود !!! بسم الله الرحمن الرحيم على مشارف الرياض وبعد أن جاوزت الساعة الواحدة بعد منتصف الليل استوقفنى أحدهم . ورغم المحاذير الأمنية والنظامية المعروفة فإن سحر ( الجلابية ) لا يقاوم . طلب الرجل أن أوصله الى أقرب بقالة أو سوبرماركت ليشترى ( دخاناً) سجاير . فقلت له يا أخى لماذا لا تشترى ما يكفيك طالما أن هذه الخرمة ليلها كنهارها .؟؟ ودونما جهد منى علمت أن الموضوع كله (وحم فى وحم ) ( يا أخى المره متوحمة على سيجارة hope .) قلت له ممازحاً (يا أخى سيجارة بنسون معقولة بس الـ هوب دة دخان الفلبينين نسأل الله ألا تتوحم فى المرة الجاية على ما يأكلون !!) ........................................... أنا هنا أصابنى (وحم ) المعرفة ما حقيقة هذا الوحم ؟؟؟ هل هو حالة نفسية ؟ أم حالة عضوية تصيب الحامل وتتعداها الى الجنين ؟؟ مدى ارتفاع سقف الطلبات ( الوحمية ) وما هو تفسير تلك الطلبات الغريبة ؟؟ هل الوحم نوع من أنواع الدلال تمارسه الحامل لإختبار حب الزوج لها ؟؟؟؟؟ وأخيراً هل يملك اولئك الذين يتدفقون حناناً أصحاب ( السنة الناعمة)على حد قول اختنا رشا حاتم ترياقاً ضد إصابة زوجاتهم بجنون ( الوحم ) ؟؟؟؟؟؟؟؟؟؟؟؟
النور يوسف محمد :: كــاتب نشــط::

09-02-2009, 10:34 AM	#[2]
خالد الحاج :: كــاتب نشــط::	النور يوسف سلام يا زول دي طوبتي ... أنا حاجز مكان ..أنتظر إجابات علي أسئلتك تعرف البيوجع شنو في الموضوع ؟ أنه لا يخضع لقياس العقل .. تشتري عطر وكمان ماركة تجارية (قول إيف سان لوران) أو (بوس) أو (شانيل) تجي الحكومة وتقول كده تبدأ الكلام بي (بصقة) والسؤال البيحير "بوبي" : دي شنو الريحة العفنة دي ؟؟؟!! طبعا بينك وبين نفسك تردد "الشكية لله" ... وحم ... يتخيل لي والله أعلم المسألة لا تتعدي محاولة لرد الصاع للزوج المتسبب في الحالة "الحمل" أو "الورم الحميد" ... تنكيد لي عيشتو والسلام ... ننتظر عسي أن تأتينا جهيزة بالخبر اليقين ؟
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

09-02-2009, 01:25 PM	#[5]
عادل عسوم :: كــاتب نشــط::	صاحبي حلف بالله قال (الحكومة) طلبت كَركتّي* قام واحد قاليهو نمشي المزارع الحول الدمام دي ونشوف ليها طين ناشف من هناك جابو الطين ودسوهو لمدة كم يوم وقالو ليها خلالها أنو الكركتي جاي مع واحد من السودان... أدوهو ليها وضاقتو قامت حلفت بالله وقالت دة ماطين الجروف البتعرفو صاحبي قام كراعو فوق راسو طلب من أخوه يرسل ليهو (كركتي) بواسطة الدي أتش أل من البلد فما كان منها الاّ أن (قلمت ليها منو قلمة) وراقت ـــــ *(الكركتي أو الكركجي في لهجة الشايقية هو طين جروف النيل عندما يجف ويتفلطح) مالك علينا يالنور بالله
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

09-02-2009, 01:43 PM	#[7]
آيات :: كــاتب نشــط::	بوست رائع موضوع بالجد بستحق وقفه بمجرد أن قرأته تذكرت ونحن في سنة سادسة والحصه فاضية أيام البرد ديك وصاحبتنا طلعت في الكنبة ..والشله كلها إتلمت فيها عشان تشوف العنكوليبة بقشرها من أخمص قدميها وحتى سرتها .. اها يااخوانا أمها إتوحمت بي قصبة رفيعه جداً و خدرا .. انا في رأيي الشخص إنه الوحم ده عبارة تغيرات بيولوجية ..يعني زول حايطلع منه زول تاني أكيد حايكتمل ببعض الأشياء الناقصه والزهج ده بعتبره تغيير في المزاج أياً كان نوعه .. مش في زول جوه البطن دي والزول ده حايمتلك بعض الصفات المختلفه عن الأم فأكيد الأم حاتتأثر ده غير الواحدة بمجرد ماتحمل إتلمن ليك فيها النساوين وهاك ياتنظيرات وأي كلام بتحاول تقيسو علي نفسها. وده كله كوم وبشتنه المرا والنكشوش زي الحلة الجاها خبر كوم تاني ولي عودة
آيات :: كــاتب نشــط::

09-02-2009, 07:51 PM	#[10]
النور يوسف محمد :: كــاتب نشــط::	[ وإجتهدت سويت ملاح الويكاب فى البيت بعد تلفونات كتيرة وبالله البصلة ما تخليها تحمر شديد .. والملح والبهارات خليهن لى الأخر .. تمكنت من إخراج ما يسمى بملاح الويكاب .. عملت العصيدة وملحتها وختيتها قدام المرة .. تخيل حصل شنو ؟ شالت ليها لقمة واحدة بس .. وقالت لى خلاص شبعت .. إنت عارف يا الوليد أظن اللقمة الشالته دى مجاملة ليك بس والمرة شبعت من إجتهادك ده شكراً يا راقى
النور يوسف محمد :: كــاتب نشــط::

09-02-2009, 07:59 PM	#[11]
النور يوسف محمد :: كــاتب نشــط::	[QUOTE=عكــود;131550][size=4][font=Simplified Arabic][color=#0000FF]سلام يا المتوكّحين بحُكم القوي على الضعيف . . ده كلّو كوم، وقصّة صاحبنا كوم (مافي داعي لذكر الأسماء - الله يستر عليه). مرتو إتوحّمت إلاّ تتعشّى بـ دجاج كنتاكي، قال بسيطة وبركة الوقفت علي دي . . واحد من الجماعة قال فى طرق الرياض السريعة المدام ( كحلت ) بى طرف عينا النخل شايل يا دوب يعنى ( دفيق ) فتقمصتها (حالة وحمية حادة ) وقالت روحا ونفسا فى التمر النيئ ده قال لى والله وهى قاعدة فى السيارة وطلعت أقرب نخلة البشوفنى كلو يقول مجنون وجبت ليعا تمرات حتى نفسا راق لك الود ياعكود
النور يوسف محمد :: كــاتب نشــط::

09-02-2009, 08:12 PM	#[12]
النور يوسف محمد :: كــاتب نشــط::	[QUOT مالك علينا يالنور بالله [/color][/font][/size][/QUOTE] حبيب الكل إنت عارف السبب ايه ؟؟؟ أربع زهرات ولم أدخل هذا الفيلم ملوظة لا أملك ذلك الترياق ولست من ذوى السنن الناعمة ههههههههههههههههههه خارج النص جيت الدمام قبل اسبوعين وبينى وبين نفسى قلت لازم اتصل على عادل واسلم عليه ولظروف ( غير مبررة) ماقدرت وفى طريقى الى الرياض عملت حادث ولله الحمد جات سليمة دة خاطر شنو يا عادل البسبق الخواطر التحيات المباركات لك ولمن حولك وللصباح الجميل
النور يوسف محمد :: كــاتب نشــط::

09-02-2009, 08:16 PM	#[13]
النور يوسف محمد :: كــاتب نشــط::	[QUOTE=محسن الفكي;131553]سلام للنور وضيوفه الكرام . ألفين سلام ومية مرحب
النور يوسف محمد :: كــاتب نشــط::

09-02-2009, 08:32 PM	#[14]
النور يوسف محمد :: كــاتب نشــط::	بوست رائع موضوع بالجد بستحق وقفه بمجرد أن قرأته تذكرت ونحن في سنة سادسة والحصه فاضية أيام البرد ديك وصاحبتنا طلعت في الكنبة ..والشله كلها إتلمت فيها عشان تشوف العنكوليبة بقشرها من أخمص قدميها وحتى سرتها .. اها يااخوانا أمها إتوحمت بي قصبة رفيعه جداً و خدرا .. انا في رأيي الشخص إنه الوحم ده عبارة تغيرات بيولوجية ..يعني زول حايطلع منه زول تاني أكيد حايكتمل ببعض الأشياء الناقصه والزهج ده بعتبره تغيير في المزاج أياً كان نوعه .. مش في زول جوه البطن دي والزول ده حايمتلك بعض الصفات المختلفه عن الأم فأكيد الأم حاتتأثر آيات سلام حسب إطلاعى أن كلمة الوحم أساسا ليست مصطلحاً طبياً وإنما هى كلمة دارجة وأن تلك البقع والأشكال التى تظهر على الطفل لا دخل لما تأكله أو تشربه الحامل لكن أنا معك تماماً أن المرأة تمر تغيرات كثيرة وخطيرة من الناحية البيولوجية والنفسية وحتى اسلوب الحياة الروتينى فى ( مملكتها ) لا بد وأن يعتريه التغيير كل هذا فى تقديرى ينتج ما اصطلح على تسميته (بالوحم ) أشكر مرورك وفى طريق عودتك أرجو استصحاب بعض الآراء الطبية فى هذا المجال
النور يوسف محمد :: كــاتب نشــط::