توقف نهائي عن الكتابة

[بابكر عباس]

- بالرغم من انو كنت ناوي أكتب لي بوست عن الخرتيت الشين (وحيد القرن)، لكن بعتذر ليكم وممكن تقوقلوا عن الكركدن دا.
- إن شاء الله أكون أحدثت "قليل من الوعي" خلال التلتين شهر الفاتن ديل؟
- ما ح أطلب منكم العفو، لانو أنا لم أُخالف اللوائح خلال كتاباتي السرّة (من السرور).
- العندو سؤال أو إستفسار ممكن يسألو هنا، ودي بمثابة فرصة أخيرة لزيادة الوعي.

[بابكر عباس]

[بابكر عباس]

عوارة الخرتيت دا لمان يزعل، أخير منها عوارة ضياء الدين البلال والهندي عزالدين!

بجانب انو حيوان مهدد بالإنقراض، وعواراتو لمان يزعل، دي أسباب كافية تجعل من إختياره شعارا للسودان الزمان مناسب جدا.

[بابكر عباس]

خلال التلاتين شهر الفاتن ديل، حقيقي عذبتوني وفيكم ناس متعبة جدا!
المهم الموضوع دا خلص الآن.

[بابكر عباس]

وحات بله الغائب صورة البلد حاليا بتشبه الخرتيت

[imported_سارة]

المشاركة الأصلية كتبت بواسطة بابكر عباس

خلال التلاتين شهر الفاتن ديل، حقيقي عذبتوني وفيكم ناس متعبة جدا!
المهم الموضوع دا خلص الآن.

خلص كيف يعنى؟؟؟
الناس بقت ما متعبة ولا تعبوا من التعب ؟؟؟
وطيب وكت عذبوك ما يمكن انت زاتك منجضهم نجاض قبور
ما عهدتك رجل { حاكم وجلاد} دايما بتدينى احساس انك
رغم ما يكتنف مداخلاتك من شرانية الا انك عادل

كدى تعال قول لينا علاقة الخرتيت بشعار السودان غير العوارة شنو؟؟

[imported_جيجي]

البوست دا ذكرني قصة الصوم داك
بكرة بجي

[imported_سارة]

المشاركة الأصلية كتبت بواسطة جيجي

البوست دا ذكرني قصة الصوم داك
بكرة بجي

تجى نحنسوا؟؟

بصراحة انا بابكر دا صاحبى وما برضى بيهو بس ما قاعدة اعلن المسالة دى

عشان الحسد وكدا

[بابكر عباس]

المشاركة الأصلية كتبت بواسطة سارة

كدى تعال قول لينا علاقة الخرتيت بشعار السودان غير العوارة شنو؟؟

ما قلنا! مهدد بالإنقراض

تحياتي يا سارا

[قيس شحاته]

بابكر عباس سلام وتحية ،،

لي ساعات بحاول أركّز عشان أفهم موضوع البوست دا شنو تحديداً .. أو خلينا نقول الموضوع الانصرافي هنا ياتو في الحاجات الذكرتها في السطرين تلاتة الكتبتهم ديل؟ عشان بس نحدد اتجاهك وأي مقصد تبتغي يا أخ العرب!

[عكــود]

عاد دي حوبتكم يا الناس الحنّسهم بابكر، عشان تردّوا الدين.
خاصة الجكس الكان حردان.

[imported_فيصل سعد]

المشاركة الأصلية كتبت بواسطة عكــود

عاد دي حوبتكم يا الناس الحنّسهم بابكر، عشان تردّوا الدين.
خاصة الجكس الكان حردان.

ياخي ما تخليهو يرتاح و ينجم يومين تلاتة اربعة ..
يمكن تهف ليو و يتجه غربا الى الرويس و يمخمخ
لينا محنة جديدة من يراعه الباذخ

[imported_جيجي]

المشاركة الأصلية كتبت بواسطة بابكر عباس

ما قلنا! مهدد بالإنقراض

تحياتي يا سارا

مش قلت ليكم
هو غايتو شكلو ضاربو دبرشن من منعم عقد معاه معاهدة الصلح

[imported_أميرى]

المشاركة الأصلية كتبت بواسطة بابكر عباس

-
- إن شاء الله أكون أحدثت "قليل من الوعي" خلال التلتين شهر الفاتن ديل؟
.

أها يا عبد الخالق محجوب

[imported_أميرى]

يا بكور أمبارح قريت لي مقال كدة عن د.دالي ياخ لمن إشتهيت إنو بكور يجي يكتب عن الناس دي

إتا يا كافي البلا لا شيوعي لا جمهوري؟