القرايي أم دق

[imported_طارق جبريل]

النبي فيكم يا الحبان شوفتوا قراية البطان الزمن دة كيفنها..
بالله الواحد امه تقوم صباحي وتجهزلو في الغداء اليشيلو معاهو..
يا همبرغر هاجرينو بين جِبنايتين صُفُر في العيش العلي القحف داك..
يا كمان العيش الممصرن العلي (البزديق) داك يدهنوهوا بــ(الكرافت)..
ولا حبات ألات سجك يشووهن ويغتسوهن في (الكاتشب)
ويزرقوهن في العيش العلي ضنب الكــلـب داك..
ولا الخرابة العفن داك اليقولوا (الهوت دوق)..
وبعد دة يلفوهوا بالألمونيوم فشان يبقى سخن لي وقت الغداء
ويهجروهوا في شنيطي صغووويري كدي ألت الأكل..
ويطلعلوم عصير أليل منقة ولا برتكان ومعاهو القصبايي البيشفطوبا العصير ديك..
ويختلولم تفاحيي يا موزايي يا يوسف افندي يا كمان كوميثرايي..
وبعد دة كلو يختولم زبادي دانيت ومعاهو بسكويت عشان الفسحة القبل الغداء..
ودة كله في شنيطة الجن دي..

حليلنا نحن وحليل قرايتنا..
وحات نضري انا مرة جيت من المدرسة للفطور.. لقيت امي رحمها الله ماها في..
دخلت علي التُكل لقيتلي كوريي فوق النمليي فيها روب..
وفي طبق الكسري لقيتلي فطيرتين كبيت فيهن الروب..
وضرضرتلي فيهن سُكر وشلتهن طويتن وانا ماشي علي المدرسة وألوغد فيهن..
والروب ينقط في القميص ومرة مرة اقشقش في مخاخيتي..
والدنيا برد وجضومي علي العليهن مليانات قشروب وماني قادر اضحك من الشقيق..
وأصلو الروب مع المخاخيت والشقيق وكتين نشف
وحات ود الكرسني جضومي زي اليبسوهن بي جبص..
بقيت حنكي ماني قادر احركو..
وأصلو القميص اللبني داك مع الردا اللزرق بقن منقطات بالروب
و(الشدة) من لاااتحت مكودبي والرجلين مغبرات مع الجلسرين..
اصلي بقيت زي أهل الكهف..
اها ورفقاني برضو الماكلو فاصوليي مكرتبي ولا لوبي عفن..
وتعالوا شوفوا من دخلنا الحصة التالتة دي وامة محمد منفوخي وتتنفس من لاااا تحت..
اصلو الفصل دة بقى علي كفاي الجداد ولا مراح النعاج من العفني..
وأصلها الحصي ألت الدين ديك يمين مافي زول حافظلو سورة..
مع ((البنج)) المالي الفصل دة..
واصلو ان كان لي استاذ الدين تلقاهو ممرق وشو بالشباك ويقري فينا..

دة كلو كوم والشنط ألت القرايي ألت البُطان ديل كوم..
بالله نشتري في الشنط السمحي دي وليها (ترتارين)
وليها يد كدي علي (كماشة) الفحم فيها شيتا كدي تطبزو تجيك ناطي
ووش الشنطة يا تلقى فيهو (ميسي).. يا كمان (فولا)..
والخرابة ملياني جيوب.. شي للكراريس وشي للكتب
وشنيطي صغوووووووووويري فيها الأقلام والألوان والاستيكة..
نان هن اقلام.. شي احمر وشي اخضر وشي ازرق..
والعجب في الاستيكة.. وحات نضري ليها ريحي..
ومرة ليها شكل كورة ومرة ليها شكل حصان... تشهيك المسح..

وتاني يا حليلنا نحن..
بالله خرتايي تخيتها ليك امك من باقي الدموريي ألت اللحفات..
وتسويلك ليها سوستة.. وعَلاقة فشان تختها في كتفك..
واصلهن كراسين مافي غيرن.. مجلدات بالجلاد البني داك..
ومبرقعات بي زيت الزلابية.. وصفحاتن مقدقدات من كترة المسيح..
واصلنا ما شفنالنا ترتار غير ترتار صندوق البرنجي داك
البتختو مع الهوا وتجري وراهو النهار كلو..
وكل يوم تحسب في السنين متين تصل سنة رابعة فشان ترتاح من قلم الرصاص..
وقادر الله تقعد تكتب بي قلم الحبر..والحبر يتسايل في أصابعينك
والله بيسألني مرات الحبر يصل لي كوعك..
ومن مسيح المخاخيت مع الحبر تسويلك شنب ضُومة ضُومة..
وأصلك كل يوم تجي ماشي جنب سنة خامسة وسادسة..
وتشتهي متين تصلن فشان يشترولك علبة الهندسة..
وتقعد تسوي في الورود بالبرجل وتشيل تقطعن من الكرسي
وتمشي علي بت الجيران ترميهو ليها في طريقها..
وهي تسكت تتبسم.. وانت تشيلك الهاشميي وتضاحك برااااااك

اها يا الحبان بعد دة كله الشافع يسولوا الفطور..
شي كرواسة وشي كيك وشي عصير..
ويلبسوهوا هدماتا سمحات ومعاهن كرفتة..
ويسوقوهوا بالعربيي لاااعند المدرسة
ووكتين تشوفو نازل وجاري الشنطة أم ترتارات ديك
والشنيطي ألت الأكل في الايد.. والكرفتة تتطابر من هني لااااهني
تحلف تقول مدير بنك

دحين باقيلكم قرايتنا مو ياها القرايي ام دق مع البُطان ديل

[imported_بله محمد الفاضل]

ود جبرين
يلعن إبليسك يا اخي
قطعت مصاريني بالضحك
الله يسامحك
ويعفي ليك


قراية شنو يا اخي القريناها نحن

رجعتنا والله لأيام
زوغانات ونِبل شان نصيد ود ابرق وعشوشة
ومشاوير صيد العقارب في الخلا


عيك
والله أيام يا ود جبرين
بس تصدق
نحن العشنا حياة بالطول والعرض
ناس الهوت دوغ ديل يا اخي ما شافولن الحبة
وحياتم مسيخة ما فيها بهجة الحبة


تسلم يا زين

[اسمر]

المشاركة الأصلية كتبت بواسطة طارق جبريل

النبي فيكم يا الحبان شوفتوا قراية البطان الزمن دة كيفنها..
بالله الواحد امه تقوم صباحي وتجهزلو في الغداء اليشيلو معاهو..
يا همبرغر هاجرينو بين جِبنايتين صُفُر في العيش العلي القحف داك..
يا كمان العيش الممصرن العلي (البزديق) داك يدهنوهوا بــ(الكرافت)..
ولا حبات ألات سجك يشووهن ويغتسوهن في (الكاتشب)
ويزرقوهن في العيش العلي ضنب الكــلـب داك..
ولا الخرابة العفن داك اليقولوا (الهوت دوق)..
وبعد دة يلفوهوا بالألمونيوم فشان يبقى سخن لي وقت الغداء
ويهجروهوا في شنيطي صغووويري كدي ألت الأكل..
ويطلعلوم عصير أليل منقة ولا برتكان ومعاهو القصبايي البيشفطوبا العصير ديك..
ويختلولم تفاحيي يا موزايي يا يوسف افندي يا كمان كوميثرايي..
وبعد دة كلو يختولم زبادي دانيت ومعاهو بسكويت عشان الفسحة القبل الغداء..
ودة كله في شنيطة الجن دي..

حليلنا نحن وحليل قرايتنا..
وحات نضري انا مرة جيت من المدرسة للفطور.. لقيت امي رحمها الله ماها في..
دخلت علي التُكل لقيتلي كوريي فوق النمليي فيها روب..
وفي طبق الكسري لقيتلي فطيرتين كبيت فيهن الروب..
وضرضرتلي فيهن سُكر وشلتهن طويتن وانا ماشي علي المدرسة وألوغد فيهن..
والروب ينقط في القميص ومرة مرة اقشقش في مخاخيتي..
والدنيا برد وجضومي علي العليهن مليانات قشروب وماني قادر اضحك من الشقيق..
وأصلو الروب مع المخاخيت والشقيق وكتين نشف
وحات ود الكرسني جضومي زي اليبسوهن بي جبص..
بقيت حنكي ماني قادر احركو..
وأصلو القميص اللبني داك مع الردا اللزرق بقن منقطات بالروب
و(الشدة) من لاااتحت مكودبي والرجلين مغبرات مع الجلسرين..
اصلي بقيت زي أهل الكهف..
اها ورفقاني برضو الماكلو فاصوليي مكرتبي ولا لوبي عفن..
وتعالوا شوفوا من دخلنا الحصة التالتة دي وامة محمد منفوخي وتتنفس من لاااا تحت..
اصلو الفصل دة بقى علي كفاي الجداد ولا مراح النعاج من العفني..
وأصلها الحصي ألت الدين ديك يمين مافي زول حافظلو سورة..
مع ((البنج)) المالي الفصل دة..
واصلو ان كان لي استاذ الدين تلقاهو ممرق وشو بالشباك ويقري فينا..

دة كلو كوم والشنط ألت القرايي ألت البُطان ديل كوم..
بالله نشتري في الشنط السمحي دي وليها (ترتارين)
وليها يد كدي علي (كماشة) الفحم فيها شيتا كدي تطبزو تجيك ناطي
ووش الشنطة يا تلقى فيهو (ميسي).. يا كمان (فولا)..
والخرابة ملياني جيوب.. شي للكراريس وشي للكتب
وشنيطي صغوووووووووويري فيها الأقلام والألوان والاستيكة..
نان هن اقلام.. شي احمر وشي اخضر وشي ازرق..
والعجب في الاستيكة.. وحات نضري ليها ريحي..
ومرة ليها شكل كورة ومرة ليها شكل حصان... تشهيك المسح..

وتاني يا حليلنا نحن..
بالله خرتايي تخيتها ليك امك من باقي الدموريي ألت اللحفات..
وتسويلك ليها سوستة.. وعَلاقة فشان تختها في كتفك..
واصلهن كراسين مافي غيرن.. مجلدات بالجلاد البني داك..
ومبرقعات بي زيت الزلابية.. وصفحاتن مقدقدات من كترة المسيح..
واصلنا ما شفنالنا ترتار غير ترتار صندوق البرنجي داك
البتختو مع الهوا وتجري وراهو النهار كلو..
وكل يوم تحسب في السنين متين تصل سنة رابعة فشان ترتاح من قلم الرصاص..
وقادر الله تقعد تكتب بي قلم الحبر..والحبر يتسايل في أصابعينك
والله بيسألني مرات الحبر يصل لي كوعك..
ومن مسيح المخاخيت مع الحبر تسويلك شنب ضُومة ضُومة..
وأصلك كل يوم تجي ماشي جنب سنة خامسة وسادسة..
وتشتهي متين تصلن فشان يشترولك علبة الهندسة..
وتقعد تسوي في الورود بالبرجل وتشيل تقطعن من الكرسي
وتمشي علي بت الجيران ترميهو ليها في طريقها..
وهي تسكت تتبسم.. وانت تشيلك الهاشميي وتضاحك برااااااك

اها يا الحبان بعد دة كله الشافع يسولوا الفطور..
شي كرواسة وشي كيك وشي عصير..
ويلبسوهوا هدماتا سمحات ومعاهن كرفتة..
ويسوقوهوا بالعربيي لاااعند المدرسة
ووكتين تشوفو نازل وجاري الشنطة أم ترتارات ديك
والشنيطي ألت الأكل في الايد.. والكرفتة تتطابر من هني لااااهني
تحلف تقول مدير بنك

دحين باقيلكم قرايتنا مو ياها القرايي ام دق مع البُطان ديل

ود جبرين سلامات
نحن في البلد كنا الفطور بنشيلو معانا من البيت و الفطورالكنا بنشيلو ياهو فول وان شطحنا نحشا بالعسل وان بقا ما شلناهو ياهو نمشي ناكل فول من عند حوة بت شنان الله يديها العافي

[imported_طارق جبريل]

المشاركة الأصلية كتبت بواسطة بله محمد الفاضل

ود جبرين
يلعن إبليسك يا اخي
قطعت مصاريني بالضحك
الله يسامحك
ويعفي ليك


قراية شنو يا اخي القريناها نحن

رجعتنا والله لأيام
زوغانات ونِبل شان نصيد ود ابرق وعشوشة
ومشاوير صيد العقارب في الخلا


عيك
والله أيام يا ود جبرين
بس تصدق
نحن العشنا حياة بالطول والعرض
ناس الهوت دوغ ديل يا اخي ما شافولن الحبة
وحياتم مسيخة ما فيها بهجة الحبة


تسلم يا زين

يا حبيب اسكت اضحك
هو الغم المالينا دة نفشوو كيفن

ياخي وحات نضري قرايتنا كانت سمحي
ماها شيني متل دي

[imported_طارق جبريل]

المشاركة الأصلية كتبت بواسطة فجر المشارق

ود جبرين سلامات
نحن في البلد كنا الفطور بنشيلو معانا من البيت و الفطورالكنا بنشيلو ياهو فول وان شطحنا نحشا بالعسل وان بقا ما شلناهو ياهو نمشي ناكل فول من عند حوة بت شنان الله يديها العافي

حليل حواء بت ود شنان وحليل مهدي ود شنان وحليل مدرسة البركل

[imported_تماضر حمزة]

أضحك الله سنك ياطارق ود جبريل
وصفتها بالحتة





_
زي ماحكتا ليّ أمي

[imported_طارق جبريل]

المشاركة الأصلية كتبت بواسطة تماضر حمزة

أضحك الله سنك ياطارق ود جبريل
وصفتها بالحتة





_
زي ماحكتا ليّ أمي

لا تلصقي طفولتك التعيسي زينا كدي في امك



يديك العافية ياخي انت وامك

[imported_سمراء]

والله حكاية
الشافع التقول ماشى الحرب
الشنطة قدر الليلى وباكر جاريها وراهو
شنطة للفطور
زمزمية للموية
غير العصائر والشكولاتات واللازى منو !!
وبعد ده يقدموهو لى عن خشم باب المدرسة ..
وتعال شوف المزاكرة والقراية ..
الله يعلم القراية تقراها الام وتحفظ الام واريته كان امتحنوها هى ...

ياخ ده الخلى الوليدات مامعتمدين على روحهم وراسهم فاضى من المسعوليات
ياحليل زمن اخوانى بختو الهدوم تحت المرتبة للمكوة
ويقومو يقشرو بيهن الصباح

[imported_بله محمد الفاضل]

الجنى الجن دا نجع وين
تعال صاد الله يرضى عليك

[imported_طارق جبريل]

المشاركة الأصلية كتبت بواسطة سمراء

والله حكاية
الشافع التقول ماشى الحرب
الشنطة قدر الليلى وباكر جاريها وراهو
شنطة للفطور
زمزمية للموية
غير العصائر والشكولاتات واللازى منو !!
وبعد ده يقدموهو لى عن خشم باب المدرسة ..
وتعال شوف المزاكرة والقراية ..
الله يعلم القراية تقراها الام وتحفظ الام واريته كان امتحنوها هى ...

ياخ ده الخلى الوليدات مامعتمدين على روحهم وراسهم فاضى من المسعوليات
ياحليل زمن اخوانى بختو الهدوم تحت المرتبة للمكوة
ويقومو يقشرو بيهن الصباح

مرتبة شنو يا سمراء
يمين من حبل الغسيل لي جسمك
والحتة بتاعة الحبل تظهر في القميص زي نقش الكعكي

[imported_طارق جبريل]

المشاركة الأصلية كتبت بواسطة بله محمد الفاضل

الجنى الجن دا نجع وين
تعال صاد الله يرضى عليك

يا بله شيل الحال في شنو

[imported_بله محمد الفاضل]

اقتباس:
المشاركة الأصلية كتبت بواسطة طارق جبريل
يا بله شيل الحال في شنو


في شان لا تسوِلك نفسك السمحة دي
وتغيب

أهرِج في بُكانك دا
وما تزِح

[imported_نبراس السيد الدمرداش]

غايتو جنس حساده عليك
مالك عليهم الجنون ديل
داير ترجع بيهم نصف قرن لورا

ليك وحشه يا مسخوت

[imported_طارق جبريل]

المشاركة الأصلية كتبت بواسطة بله محمد الفاضل

اقتباس:
المشاركة الأصلية كتبت بواسطة طارق جبريل
يا بله شيل الحال في شنو


في شان لا تسوِلك نفسك السمحة دي
وتغيب

أهرِج في بُكانك دا
وما تزِح

[imported_طارق جبريل]

المشاركة الأصلية كتبت بواسطة نبراس السيد الدمرداش

غايتو جنس حساده عليك
مالك عليهم الجنون ديل
داير ترجع بيهم نصف قرن لورا

ليك وحشه يا مسخوت

نصف قرن شنو يا مطموسة انت
هو نحن يا دوب قلعنا سنون الحليب