لكن دون أن يتغول على حق الآخرين
اقتباس:
المشاركة الأصلية كتبت بواسطة هاني عربي
عصمت العالم ، ناصر يوسف ، وكافة الإخوة والأخوات المتداخلين
تحية طيبة ؛
اعتذر إن اسأت توصيل فكرتي ... أو تغولت على حق أحد في طرح رأيه
رأيي أن مدن العاصمة وجدت حظها من الضوء الإعلامي لتمتعتها بإمكانيات الدولة ووقوعها في دائرة الضوء مقارنة بالمدن الأخرى.
وأن المدن الأخرى مظلومة ولا يفلح أهلها في إيصال أصواتهم لأن امكانياتهم محدودة
احترامي |
هاني عربي اخوي
كيفنك ياخ ونعلك طيب
نعم أسأت توصيل فكرتك وحتي مداخلتك الاخيره دي برضو شايته بره الدائرة
وفوق
دون أن يتغول على حق الآخرين
وهنا بيكمن السؤال المباااااشر يا هاني
وين التغول هنا علي حقوق الآخرين ؟؟؟
والاخرين ديل / ناس مدني وسنار وزالنجي والقضارف ديل
كونو إنو حبيبنا عصمت كتب عن امدر مان ... يبقي تغول علي حقوقهم كيف ؟
دي الما واقعة لي يا أخوي
اجي لمداخلتك الاخيره
حكاية إنو مدن العاصمة لقت حظها من تسليط الضوء عليها فقط لأنها متمعة بإمكانيات الدوله وواقعه في دائرة الضوء
وبقية المدن السميتها مظلومة دي ما لاقيه من يسلط عليها الضوء بسبب ارجعته انت لعدم مقدرة أهلها للتعبير عنها ؟
فوالله هنا تبريرك شايت بره الشبكه عديييييل كده وبرضو ما مبلوع
و هنا انت أسأت لأهلنا من ام روابه والرهد ابو دكنه المسكين ما سكنها .. واهلنا في امبرمبيطه وفي الرنك وتوريت وكسلا وهمشكوريب وتنقسي والغابه وحمور وابو حمد و المجلد ...
اسأت ليهم كلهم اهالي المناطق الأخري دون العاصمة
ومنو القال ليك بقية مدن السودان دي ما انكتب عنها ؟
عيييييييك
انت قايل ليمون بارا دي قالوها في بنياتها السمحات بس ؟
هاني عربي ...
ياخي خلي البوست ده يحكي عن امدرمان بزوايا أخري
وتعال انت اكتب عن منطقتك
وما تقول لي انت من اولاد بحري ولا الخرطوم كمان ..
هههههههههه
ابقي عافيه
