محن سودانيـــة 27

[imported_شوقي بدري]

فى محن سودانية رقم 4 أوردت المذكور أدناه :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ

هل هنالك من يستطيع ان ينكر ما موجود فى كتب الختميه وفى منشورات المهدى وما اوردت انا واورد الآن ايضا.

ويقول محمد عثمان الميرغنى فى كتابه ( مناقب صاحب الراتب- صفحة 102 قال : ( من صحبك ثلاثة أيام لا يمت الا وليّا . وان من قبل جبهتك كأنما قبّل جبهتى . ومن قبّل جبهتى دخل الجنة . ومن رآنى أو من رأى من رآنى الى خمس ، لم تمسه النار ) .

في منشورات المهدي و ما ادعاه المهدي بالمهديه ان من لم يؤمن به فقد كفر وان يحل ماله وعرضه ودمه . هذا موجود في الاثار الكامله للامام المهدي و هو خمس مجلدات جمع وتحقيق الدكتور محمد ابراهيم ابو سليم دار جامعة الخرطوم للنشر. وهذه الوثائق موجوده في دار الوثائق السودانيه التي كان الدكتور محمد براهيم ابو سليم مديرها وراعيها. وهنالك وثائق محفوظه في مكتبة جامعة درام تحت رقم 100-1-2 ووثائق محفوظه في جامعة درام تحت رقم 100-1-4 و مصنف رسائل محفوظه بمكتبة كامبريدج بانجلترا ومصنف رسائل بمكتبة ييل بالولايات المتحده و الجزء الاول من مصنف رسائل محفوظه في الخزائن الوطنيه الفرنسيه مصنفة بواسطة محمد المجذوب بن الطاهر المجذوب ومصنف رسائل صنفها حسين الجبري و محفوظه في جامعة الخرطوم. مصنف رسائل بالمكتبه الاصفيه بحيدر اباد. خطب مصنف خطب مطبوعه بالحجر و مصنف رسائل عند العمده ادم حامد في الجزيره ابا. مصنف يتضمن خطب المهدي يملكها العاقب با درمان ووثائق حامد سليمان والي بيت المال في المهديه قديما. وثائق مختلفه باسم المهدي مجموعة المهديه بدار الوثائق السودانيه. اماكن اخرى كثيره من دور الوثائق لا يتسع المجال لذكرها .. في رسائل المهدي الاولى قبل ادعائه المهديه كان يختم رسائله قائلا الفقير الحقير محمد احمد عبد الله ، كرسالته شعبان 1298 هجريه وهي رسالته الى احمد بن محمد الحاج شريف . كما اورد ابو سليم في الجزء الاول صفحة 41 رساله بخط المهدي جامعة درام انجلترا. و بعد ادعائه المهديه كان يبدأ رسائله : من عبد ربه محمد المهدي ابن السيد عبدالله الى الفقيه احمد الحاج البدري و الى الفقيه احمد زروق كما في صفحة 111. كما اورد ابو سليم في صفحة 119 الى اهالي خور الطير وغيرهم فمن عبد ربه محمد المهدي ابن السيد عبد الله اعلموا ان رسول الله صلى عليه وسلم امرني بالهجره الى ماسه بجبل قدير و امرني ان اكاتب بها جميع المكلفين فمن اجاب داعي الله ورسوله كان من الفائزين ومن اعرض يخذل في الدارين . ويقول المهدي في صفحة 135 في نفس المجلد في خطابه الى احبابه في الله المؤمنين بالله و بكتابه. و اخبرني سيد الوجود صلى الله عليه وسلم انني المهدي المنتظر و خلفني صلى الله عليه وسلم بالجلوس على كرسيه مرارا بحضرة الخلفاء الاربعه و الاقطاب و الخضر عليه والسلام وايدني الله بالملائكه المقربين و بالاولياء الاحياء و الميتين من لدن ادم الى زمننا هذا, وكذلك المؤمنين من الجن . و في ساحة الحرب يحضر معى امام جيشي سيد الوجود صلى الله عليه و سلم بذاته الكريمه و كذلك الخلفاء الاربعه و الاقطاب و الخضر عليه السلام و اعطاني سيف النصر من حضرته صلى الله عليه وسلم و اعلمت انه لا ينصر علي احد ولو كان الثقلين الانس و الجن.

هؤلاء الناس افتروا على الله كذباَ ولم يهتم ولا يهتم ولن يهتم اهل السودان بل كان الهجوم على شوقى بدرى واهله ونسيوا حق الله ورسوله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ

من المحن السودانية أنه عندما تناقش أى معلومة ولا يستطيع خصمك أن يضحض أو يثبت العكس أو خطل رأيك ، الا ويقوم بتلفيق الأكاذيب ويعمل لشتمك . مثل الكاتب المحترم على محمد عثمان الذى نشر هذا الموضوع فى مقالات ( سودانيز أون لاين) .


شوقي بدري جاهل غير سوي يتطاول من عالمه السفلي

رد علي مقال محنة السودان الطائفية



السيد محمد عثمان الميرغني الكبير والد السيد علي الميرغني و ابنهم الحالي السيد محمد عثمان والسيد عبد الرحمن المهدي وجده محمد احمد المهدي وابنهم الصادق المهدي وغيرهم من رموز السودان التاريخية، محل احترام وتبجيل من اهل السوادان. والحب والإحترام الذي تجده هذه الرموز السودانية لا يمنع الإختلاف الموضوعي معهم، وليس الشخصي، وقد تناول الكثير من الكتاب والدراسين والباحثين في تاريخ السودان سير هؤلاء الزعماء بالموضوعية التي تليق بالعلماء وأهل الرأي. ولكن ما كتبه الجاهل شوقي بدري محنة السودان -الطائفية في سودانيزاونلاين لا يندرج تحت هذا التصنيف و يتطلب اسلوباً آخر مع مثل هذا القاص التافه الذي يظن انه ( اوسكاروايلد السودان). محنة الوطن الحقيقية تتجلي في غض الطرف عن عفونات هذا الكاتب الشاذ، وعدم التصدي له ولقذارته،حتي بلغ به التطاول ان يصف الســــــــــــــــــــــودان بأنه( بلد البشر الذين يتبعون كل شيخ مهووس اوشاذ جنسيا)..........!

تري لماذا يسيطر (الشذوذ الجنسي) علي معظم مقالات (شوقي بدري) بصورة غير طبيعية؟ ولماذا يحاول هذا الكاتب المهووس بهواجس الشذوذ الجنسي ان يصب حنقه وعقده وامراضه المزمنة علي السودان ورموزه التاريخية؟

لقد احتلف الكثيرون مع الشيخ حسن الترابي باحسن وارفع مما فعل الحاقد الشاذ شوقي بدري..و لكنه في خلافه الشخصی المسف، تجاوز كل القيم والأعراف والتقاليد والقانون، وتكلم عن أشياء لا يمكن ان يتكلم بها شخص سوي علي الإطلاق.... واذا صح ما قاله الكاتب ان هناك بعض الشواذ من معارفه وأصدقائه (حكوا) له عن ممارسات الشذوذ الجنسي في مدرسة حنتوب الثانوية، بالشكل الذي تحدث عنه بفرح وسرور وانشراح، فكيف كان الحال في الإصلاحيات التي ترعرع فيها (شوقي بدري) منذ طفولته الباكرة........ والسجون التي تردد عليها في صباه وشيخوخته.........؟ وكيف يكون الحال في عالم الرذيلة( العالم السفلي) الذي يفاخر شوقي بدري نشأته فيه بعد ان فشل والده في تربيته ولفظته عائلته المعروفة..........؟

لقد قرأت من قبل مقالة لهذا الكاتب حاول فيها بدون مناسبة ان يدفع عن نفسه تهمة الشذوذ الجنسي......... وحكي حكاية تثير الرثاء وتثبت عليه ما حاول نفيه بدون ان يشعر، و لأن الحرامي في راسه ريشة........! ستظل هذه التهمة من اكثر الهواجس التي تساور المسكين شوقي بدري........... الطفل الجانح الذي تربي في احضان المجرمين والسفهاء والشواذ...........هذا الغبي الذي ظن انه (رجل) السودان، وان السودانيين غير رجال لانهم لم يقولوا (للصادق المهدي ومحمد عثمان الميرغني انتم ابناء الدجالين والمحتالين) كما قال في مقاله المحنة... لماذا لم يسأل شوقي بدري قادة حزبه الشيوعي الذين يحاول رفعهم من عالمه السفلي فوق غيرهم دون جدوي، عن إستجدائهم التحالف مع الصادق والمرغني؟ بل ومع الترابي والبشير؟ سيحاول الشيوعيون التبروء كالعادة من السفيه الجاهل شوقي بدري كما فعلوا من قبل مع طالب معهد المتعلمين... والشينة منكورة........ و لكن مكتبة الأستاذ عادل عبد العاطي بسودانيزاونلاقن تبقي مرجعاً لكل من يريد ان يعرف الحقيقية عن الشيوعين الفرويديين... والماركسيين الأوسكاروايلديين.... من أمثال المتطاول من عالمه السفلي ......القاص القمئ.... الأديب الجاهل شوقي بدري.......



علی محمد عثمان

السيد المحترم على محمد عثمان ، من المؤكد أنه رجل مسكين ولا بد أنه قد صدم . لأن ما قاله شيخه الختم الذى من المفروض أن يكون ختم الاسلام قد افترى على الله كذبا .

أولا أنا لست بشيوعى . ولا أدرى لماذا يصر الناس على تشييعى . الغريبة أن قوقل تذكر شوقى بدرى كشيوعى . لأن جريدة الحزب الشيوعى الدانماركى قد ذكرتنى كشيوعى أثر نقاش مباشر بخصوص غلطات الزعيم الصينى ليو شاوشى والتى أدت لمذابح الحزب الشيوعى الأندونيسى . وتشنجات لم بياو وغلطات الثورة الثقافية فى الصين .

الكاتب وصفنى بالشذوذ الجنسى والجنون وأننى قد تربيت فى الاصلاحيات والسجون ، وأن أسرتى قد طردتنى وأننى قد تربيت وسط المجرمين والعاهرات والعالم السفلى . أنا الحمد لله الى الآن لم أدخن ولم أشرب خمر ولا أشرب حتى الشاى . وقد أوقفت أكل الشواء واللحم منذ أن استلمت الانقاذ السلطة . والحمد لله وأنا منذ طفولتى لا أستعمل البذىء من الكلام . وحتى ما كان يستخدمه الصبية من كلمات مزاح وسباب وشتم (يا صفتك ونعتك وأمك وأبوك أو سب الدين ، كانت محرمة ولا تزال بالنسبة لى . ولا يزال والحمد لله عندما يتطرق السودانيون لهذه الكلمات يعتذرون لى قائلين ( معليش نسيت انك هنى) . وأمدرمان تعرف أهلها بالتفصيل . سيرتهم ، تصرفاتهم والحمد لله كل شيىء مسجل .

أنا القائل :

ما بنرفع النظرات وما بنكشف الجارات
وما بنكشف الا الضيم وثباتنا فى الحارّات
ديما بنقول الحق حتى ألكان بوجـــــــــــع
ما بهمنا الحاكم ومن كلمة ما بنرجــــــــع

لا أدرى من أين أتى الكاتب بهذه السيرة الذاتية . لقد كنت والحمد لله ملكا فى منزلنا . آتى بأصدقائى للسكن معنا وبعضهم يستمر لسنين . ومنزلنا كان يضم ما لا يقل عن نصف دستة من أصدقائنا وأقربائنا الذين يسكنون معنا ونتشرف بقربهم وخوتهم . وهؤلاء يتغيرون. وكان يشاركنا فى المنزل زوج أختى وشقيقنا الأكبر وولى أمرنا ولا يزال يسكن فى المنزل الملاصق لمنزلنا ، مولانا محمد صالح وقيع الله قاضى جنايات أمدرمان . وهو الذى كان يعيّن بعض المواطنين كقضاة للنظر فى الجنح والجرائم الصغيرة وما عرف بمجالس القضاة. فهل كان يمكن أن أذهب الى السجن أو الاصلاحية؟ .

آل بدرى اهتموا بأبناء الآخرين . فاذا كان والدى قد طردنى الم يكن فى كل منازل آل بدرى أى منزل مفتوحا لى . ان نصف أهل بين المال هم أهل أمى . ألم يكن هنالك أى منزل على استطاعة أن يستقبلنى؟ . أحمد الله أننى كنت قرة عين جدتى زينب بينت الحرم فى بيت المال . وكنت حبيب جدتى الأنصارية الرسالة بنت أحمد . وكانت أكثر الآسفين لمغادرتى السودان للدراسة فى تشيكوسلوفاكيا .

لقد كتبت رواية الحنق وأنا فى الثامنة عشر من عمرى وأنا فى أمدرمان . هل يا ترى كتبتها فى الاصلاحية ؟ . واذا كنت أنا خريج الاصلاحية والسجون وربيب أساطين العالم السفلى أستطيع أن أرى التهلكة التى تريد الطائفية أن تدفع السودان اليها ، لماذا لا يستطيع السيد على محمد عثمان ، وهو الذى نعم بالأدب والتربية الحميدة والتعليم فى أن يرى سفاهة هذه الآراء ، هذا اذا لم نقل أن فيها خروج عن الدين . وحتى اذا كنت أنا أسوأ مما ذكر الكاتب ، وأننى كنت آكل لحم البشر ، و,اننى كنت أذبح الأطفال وابقر بطون النساء الحوامل ، ولكن الله قد أعطانى بعض المنطق ومقدرة أن أبين الغث من الثمين ، أو أن الله قد تاب علىّ وأردت أن أضيف الى حسانتى التى هى ضيئلة جدا ، حسنة مساعدة ابناء جلدتى وتوعيتهم ، لماذا لا يشد الكاتب من أذرى ، أو أن يوضح غلطى حتى أستفيد وأفيد . صدق من قال ( مرمى الله كان جيت ترفعى ، برميك معى ) .

التحية

شــوقى

[imported_فتحي مسعد حنفي]

عزيزي شوقي يبدو أنك قد مسست وترا حساسا أثار حفيظة هذا الرجل.ولكنها ضريبة قول كلمة حق في هذا الزمن العجيب وأنا لست بصدد الدفاع عنك ولا الرد علي هذا الكاتب ولكني أعجب للأكاذيب التي وصفك بها.أكيد يقصد شوقي غير شوقي بدري كان متردد سجون وكمان بايظ..
بختك ياشوقي أهو لقيت ليك زول ما وصفك بالبلطجة والفتونة

[imported_عثمان]

العم شوقي ، سلامات إنت عارف يا عم شوقي
في السودان دا الكلام في المسكوت عنه كأنو خروج من ملة
الإسلام وبالذات ناس سيدي وسيدك ديل الناس ممكن يقطعوا فيها رقاب ودي مشكلتنا،

التحية/ عثمان الطيب

[imported_شوقي بدري]

بعد انزال هذا البوست سمعت من قال لى بان كاتب الموضوع الذى تطرق لشخصنا هو عقيد شرطه على محمد عثمان . ثم قرأت اشاده رائعه من الاخ مزمل خيرى فى سودانيز اون لاين يشيد بالعقيد على محمد عثمان ويصفه بالحقانيه والادب والمعقوليه . فاذا كان العقيد هو الذى كتب هذا الموضوع فانه قد اخطاء فى حق اسره بدرى وآخرين ووصفهم بالتقصير فى حق ابنهم الجانح شوقى بدرى وهذا عمل غير قانونى والمعلومات التى اوردها غير صحيحه .
واذا كان الكاتب غير السيد العميد فارجو ان يتصل عن طريق ايميلى او عن طريق النت لانه كما قال الاخ مزمل خير يطالع المنتديات باستمرار . وسأقوم بالتنويه لتبرأه ساحه العقيد . فسمعه جهاز البوليس اهم من سمعه شوقى بدرى .
شوقى .....

[imported_شوقي بدري]

العزيز فتحى ود امينه . يعنى انت صحبى مفروض تدافع عنى وتقول شوقى ده كان ود ناس وما كان ذينا نحنا زمان قبل ما ربنا يتوب علينا . انت يا صاحب اولاد العباسيه وشفوت بحرى .
ما عارف ليه عندى احساس انك شمتان فينى . واسواء شئ الشماته لمن تجيك من زولك . سمح يا حلبى انا برضو حيجى يوم اشمت فيك .
التحيه
شوقى

[imported_شوقي بدري]

ابنى الحبيب عثمان , الكلام الانا نزلتو ديه من كتب الختميه ومنشورات المهدى يعنى ما جبته اى حاجه من بيتنا . هم القالوا كده . انحنا ما حنتطور الا لما نتعلم نناقش الحقائق القدامنا . يعنى الراجل ده اعترف بانه كلامى صاح والا لما هاجم شخصى الغير مسكين .
لك التحيه
عمك الفخور بك شوقى

[imported_فتحي مسعد حنفي]

المشاركة الأصلية كتبت بواسطة شوقي بدري

العزيز فتحى ود امينه . يعنى انت صحبى مفروض تدافع عنى وتقول شوقى ده كان ود ناس وما كان ذينا نحنا زمان قبل ما ربنا يتوب علينا . انت يا صاحب اولاد العباسيه وشفوت بحرى .
ما عارف ليه عندى احساس انك شمتان فينى . واسواء شئ الشماته لمن تجيك من زولك . سمح يا حلبى انا برضو حيجى يوم اشمت فيك .
التحيه
شوقى

ياشوقي ود أمينة انت كتاب مفتوح لا يحتاج الي شرح ولا تحتاج الي أي دفاع من أي شخص ولا أريد أن يقول شخص شوقي دافعو عنو أصحابو وأنا قبل كدا قلتها..شوقي يستطيع الدفاع عن نفسه ولكن عندما يكون هناك اتهام مش كلام فارغ زي الكاتبو الزول دا..وبعدين أدافع عنك لي منو؟تفتكر في زول ما عارف شوقي بدري منو وشنو والزي دا ما مستاهل حتي انت ترد عليهو فهو باحث عن شهرة لن نعطيها له فهو قد اختار طريق آخرو حيطة سد..
بعدين شماتة شنو !!انت يازول جنيت ولا شنو ولو عندك احساس اني ممكن أشمت فيك يبقي بقيت زول ما عندك احساس بي قرش وأنا حأعتبر كلامك دا مداعبة ثقيلة

[بابكر مخير]

المشاركة الأصلية كتبت بواسطة فتحي مسعد حنفي

ولا أريد أن يقول شخص شوقي دافعو عنو أصحابو

لستة أطول من ضحايا الحروب هي عدد الناس الشوقي بدري دافع عنهم.
دم،
دفع.
قرش،
صرف.
قول،
قال وقال.
دّْق،
خبت، لبع، بنج وحتى كمان آدى روسية... (head) دفاع عن الناس،،


ما بدافع عن شوقي، لأني أصغر منو!!
علم، معرفة، دراية، عزة ومعزة،
أقلا منو!!
كرم، معرفة بالناس، تجرداً...


يا توحة الحبيب، ود أمينة برضو.. إتا وأنا مع إننا ذي بعض،
لكني بدافع عنو لأنو!؟!؟!
بقول:
ياهو هو الذيو ذي واحد!!
دمو دمي، أصلو أصلي، فصلو فصلي، عمرو عمري، لون لوني، أمه أمي (حنينة، عظيمة وأمينة هي ومدينة)، أبوه أبويا (الإتنين إبراهيم)، أخوانو روحي، مرتوأُختي، جناه حقي..

كتيريييييييييييين الرشوهم تانيين باللبن، شوقي رشاهم، ليهم بالدم وأنا واحد منهم (توحة طبعن ناقش قصة جماعة براتسلافا)..

كتييييييير بيوت إتفتحت من حق شوقي وما سأل عن سداد..

كتيييييير ناس نامو تحت سقف، أكلوا لمن شبعو، إتهنو لمن تخمو بي خير ود خالي بلالي وأن راس القايمة..

كتيييييييير كرهوهو عشان ما بيساوهو وأنا بتربرآ منهم..

[motr]شوقي بدري[/motr]

الله ما جاب يوم شكرك قبل يومي، كفاني فقدتا قاسم وشنقيطي..

يازول يديك العافية وكفاك محبة قدر البحبوك..
ديل براهم بيشفعو حتى ولو لي فرعون...

[بابكر مخير]

المشاركة الأصلية كتبت بواسطة فتحي مسعد حنفي

بعدين شماتة شنو !!انت يازول جنيت ولا شنو ولو عندك احساس اني ممكن أشمت فيك يبقي بقيت زول ما عندك احساس بي قرش وأنا حأعتبر كلامك دا مداعبة ثقيلة

التقول شوقي دآ جديد عليك
إتا ما براك؟؟
أريت الشماتآ الفي دنيا هي شماتك،
كنتا بتمنى أعيش عليها طول عمري،
عشان
أشبع ديما
وأصح ديما
أغنى ديما
وأتحبا ديما

يا زول ما عندي الأقولو وإتا شوقي بتعرفو لو ما أكتر مني كتير
يكون كتييييييييييييييييييييييييييييييييييير

[imported_فتحي مسعد حنفي]

لستة أطول من ضحايا الحروب هي عدد الناس الشوقي بدري دافع عنهم.
دم،
دفع.
قرش،
صرف.
قول،
قال وقال.
دّْق،
خبت، لبع، بنج وحتى كمان آدى روسية... (head) دفاع عن الناس،،


ما بدافع عن شوقي، لأني أصغر منو!!
علم، معرفة، دراية، عزة ومعزة،
أقلا منو!!
كرم، معرفة بالناس، تجرداً...


يا توحة الحبيب، ود أمينة برضو.. إتا وأنا مع إننا ذي بعض،
كني بدافع عنو لأنو!؟!؟!
بقول:
ياهو هو الذيو ذي واحد!!
دمو دمي، أصلو أصلي، فصلو فصلي، عمرو عمري، لون لوني، أمه أمي (حنينة، عظيمة وأمينة هي ومدينة)، أبوه أبويا (الإتنين إبراهيم)، أخوانو روحي، مرتوأُختي، جناه حقي..

كتيريييييييييييين الرشوهم تانيين باللبن، شوقي رشاهم، ليهم بالدم وأنا واحد منهم (توحة طبعن ناقش قصة جماعة براتسلافا)..

كتييييييير بيوت إتفتحت من حق شوقي وما سأل عن سداد..

كتيييييير ناس نامو تحت سقف، أكلوا لمن شبعو، إتهنو لمن تخمو بي خير ود خالي بلالي وأن راس القايمة..

كتيييييييير كرهوهو عشان ما بيساوهو وأنا بتربرآ منهم..
شوقي بدري

الله ما جاب يوم شكرك قبل يومي، كفاني فقدتا قاسم وشنقيطي..

يازول يديك العافية وكفاك محبة قدر البحبوك..
ديل براهم بيشفعو حتى لي فرعون]



يابابكر أنا وشوقي طوالي بنتناقر لكن الجوانا جوانا ما بيعلم بيهو الا الله ونحن..شوقي بالنسبة لي أخ وامكن أكتر من أخ وأسأل بدرية تقول ليك أنا أمبارح قلت ليها عن شوقي شنو وبرضو ممكن تسأل رأفت قبل ما يمشي لي شوقي قلت ليهو شنو عن شوقي..
لكن يابابكر تأكد تماما اني لو ذكرت حسنات ومآثر شوقي علي النت شوقي حيزعل مني ..ممكن يقبل مني شتيمة لكن ما حيقبل شكر ودا شوقي الانت وأنا بنعرفو..وياخ كان شوقي شاذ أريتو شذوذي وحأكتبها في تي شيرت وألبسو..
أنا الزول دا ما حأرد عليهو لكن اتأكد اني لو عرفت هو منو ومكانو وين حأمشي وأديهو كف وأتف ليهو في وشو وبعد داك انشالله أنا بموتو زي ما قالت الجنوبية

[imported_Hassan Farah]

ليس دفاعا عن شوقى بدرى--- لكن حاشاك يا شوقى--
ناتى لموضوع المسكوت عنه-- ودا ما كل واحد ود رجال بينطق به---
الشاعر احمد فؤاد نجم قال-----

ان خفت ما تقولش------ وان قلت ما تخافش

[النور يوسف محمد]

المشاركة الأصلية كتبت بواسطة شوقي بدري

بعد انزال هذا البوست سمعت من قال لى بان كاتب الموضوع الذى تطرق لشخصنا هو عقيد شرطه على محمد عثمان . ثم قرأت اشاده رائعه من الاخ مزمل خيرى فى سودانيز اون لاين يشيد بالعقيد على محمد عثمان ويصفه بالحقانيه والادب والمعقوليه . فاذا كان العقيد هو الذى كتب هذا الموضوع فانه قد اخطاء فى حق اسره بدرى وآخرين ووصفهم بالتقصير فى حق ابنهم الجانح شوقى بدرى وهذا عمل غير قانونى والمعلومات التى اوردها غير صحيحه .
واذا كان الكاتب غير السيد العميد فارجو ان يتصل عن طريق ايميلى او عن طريق النت لانه كما قال الاخ مزمل خير يطالع المنتديات باستمرار . وسأقوم بالتنويه لتبرأه ساحه العقيد . فسمعه جهاز البوليس اهم من سمعه شوقى بدرى .
شوقى .....

بسم الله الرحمن الرحيم
استاذنا الراقى جداً
اسفت لتلك اللغة التى استعملها (الكاتب)
وكان الأجدر به الرد على جوهر الموضوع , لكنه اختار الطريق الأسهل
الذى لم يعد يجدى ولن يخيف , لا عليك
مثل هذا الطرح لن ينال من سمعة ولا ينتقص قدراً
...................................
هذا (الكاتب ) ليس هو العقيد على محمد عثمان
الإنسان المرهف الخلوق
فزيادة على معرفتى اتصلت به قبل قليل على هاتفه حيث أكد لى ما أنا واثق منه
وبالمناسبه يبلغك تحياته (الأمانة فى الذمة )ويقول ليك أنو من المدمنين لكتاباتك وكتبك
وهو أصلاً لا يملك باسويرد ولكنه قارئ منتظم ولك أنت بصفة خاصة
إن أحببت تلفونه سأرسله لك على الخاص

[imported_شوقي بدري]

الحبان فتحى بابكر وحسن فرح .. لكم التحيه . اول حاجه بالنسبه لى الموضوع ده ضحكه كبيره وتسليه . والموضوع ده اتكتب من بدرى جدا وانا محتفظ بيه واقراه واضحك وانبسط . بالنسبه لى ما طلع من طور المزاح والملحه .
لمن قلته لفتحى بتكون شمتان . انا كنته متأكد انو فتحى لمن قرا الكلام ده اخد ليهو ضحكه . وكنت متصور شماتو ذى زمان فى مدينه استراهوف الجامعيه , لمن نكون مستعجلين على المنزا وهى قاعه الاكل الضخمه . وعندما نأتى بين بلوك رقم 8 وبلوك رقم 9 وقبل طلوع السلالم بتكون فى دلجه فى الجليد بعملوها بنات واولاد الشيك بيجو جاريين ويتزحلقوا اربعه خمسه امتار ويحفظوا توازنهم والحته تصير ذى المرايا . انا اخدته لى فيها اكثر من وقعه . واخونا محمد حمزه ( السلنجليك ) كان بقع طوالى . عبد الرحمن عبد الحميد كان بقع وكل حياته عندو مشكله فى حفظ التوازن والمشى على الجليد . عادل صغيرون ومحمد مهدى مسعود الحلو اخدوا وقعاتهم . الغريبه فاروق الحلبى كان بتزحلق ذى الشيك .
انا كنت متصور شماته فتحى ذى ضحكنا على بعض لمن الواحد يقع . ومرات كنا بنخلى واحد فى النص ولمن نقرب للدلجه دى نفتح ونخليهو ماشى فى الوسط وتعال شوف الضحك . ذى الكلام الكتبو الراجل ده لا حيأثر فينى واتمنى يحصل منو اكثر لانو لحدى الليله كلما اقراهو بضحك وبتصور زعل الراجل .
لكم التحيه
شوقى

[imported_مواطن]

الأخ شوقي ..
تحية وتقدير ...
سبقني الأخ الموقر النور يوسف لما كنت أود الإشارة له وهو أن قمة المحن لدى السودانيين أن يترك الفرد منهم لباب الموضوع إما لإفلاس فكري لديه وإما لتعصب أعمى ويختار درب الإساءة الشخصية والطعن والتجريح لكاتبه.
هذا اللاعلي وقطعاً لا عثمان هو من تلك الفئة المفتقرة إلى الحجة وأدب الحوار .. فهو لم يسيء إليك بقدر ما أفرغ ما في جوفه من بذاءات أرضعته بيئتـه حليبها وسقط بذلك في آسن ما نشأ فيه من مستنقعات وسقط في أعين كل ذي لب وأدب ووقار.

أنت في نظري أوردت حقائق مدعومة بمصادرها وقد قرأت أنا بعضها سواء لدى نعوم شقير أو خلافه .. وهي لعمري تستوجب الوقوف عندها وتحليلها تحليلاً علمياً أو دينياً أياً كان من قبل المختصين من أهل العلم .. والمحنة الأكبر أن أهل العلم هؤلاء قد سكتوا عنها طوال هذه العقود...

فما الذي أورده من جديد شوقي بدري سوى إسقاط الضوء على مقولات ترقى أقل ما ترقى إلى مراتب الهلوسة والدجل والنبوة الكاذبة.

أما فيما يتعلق بالشيخ حسن الترابي .. فلا دليل أملكه لمساندة إدعاء أو نفيه سوى رد على الشيخ في الجمعية التأسيسية آنذاك عندما نافح عن نظام عبود المندحر ونادى بالعفو وطرح "عفا الله عما سلف حيث أنه أصبح في ذمة الماضي" فقال له أحد الشيوعين من النواب " لا يتحدث عن الماضي من كان ماضيه جريحاً" وهي تأتي في إطار ذمته إن كانت مكايدة سياسية أم توصيف واقع ، وكان الله بالسر عليما.

لك كل الود

[Imported_كباشي]

المشاركة الأصلية كتبت بواسطة شوقي بدري

لقد احتلف الكثيرون مع الشيخ حسن الترابي باحسن وارفع مما فعل الحاقد الشاذ شوقي بدري..و لكنه في خلافه الشخصی المسف، تجاوز كل القيم والأعراف والتقاليد والقانون، وتكلم عن أشياء لا يمكن ان يتكلم بها شخص سوي علي الإطلاق...

أظن هذا هو بيت القصيد

العزيز شوقي بدري
رغم عدم المعرفة الشخصية بكم ولكن لا نظنك بذلك ولا نقبل لك ذلك سلمت من كل سوء ونحسب أن الكاتب تجرد عن الخلق القويم حين ظن أنه مدافع عن الأخلاق فأتى بما نهى عنه فبئس هو العقل وبئس هو القول .
ولك عزيزي نصيحة خالصة لوجه الله رفع قلمك عن الخوض في الشأن الشخصي فالشخصي يجر للرد الشخصي والحقيقة المصدمة تقود للرد المسي الكاذب وألزم نفسك (ليس كل ما يُعرف يُقال) .