واذا الموؤدة سئلت

[بابكر مخير]

إتصور معايا إن سألوها
وأجابت وقالت وؤدوني
عشان كنتا جميلة وبرحة
وعشان كنتا حلوة جامعة لي ناسن قلوبا محبة وفرحة
وعشان كنتا روضة جامعا أجمل زهور الدنيا وكلام شعراء بيقولوهو دون تلحين أححححححححححححححححححححححححححححححححححححححححححح لا غنيا
ولا؟؟؟ بس ساكت الحسدوني؛ عرفو كيف يتسببو يكتلوني
فتنو، لخبتو، ساطو، جاطو
لبسو توب إبليس بي ذاتو
خلو أهلي لموتي بي حماسة متفقين
ولي دفني بالحيا توكيدن بالعشرة هم باصمين
ما هم عرفو يدخلو بين قلوب متحابة، متولفا ومتخاوية ومتصاحبا
دخلو بين الصوحابا؛ بين أشقاء طول عمرم متوالفين
دخلو وين رقيق ماهو تخين
قالو، نقلو، سووو
وحتى لي قبري بعد دفنوني هما ساووو

إحنا يومتها يا الحبيب أمجد التقينا
• عشان نفرح ببعضنا بعد أن كانت جمعتنا سودانيات المحبة والخير
• عشان نخلد حنينا ونعيد حنينا نخلدو بي لقانا وفرحنا بي بعضنا
• ولا عشان وعملا بالتقاليد المتحضرة أقمناهو تأبينا للموؤدة الضبحنها وسلخنها، لكن ما قدرنا ولابنقدر نقول دفناها
موؤدتنا حتبقى في قلوبنا وحنبقى دايما في محرابا نقدم الغرابيين ولمن نصلي ندعو ليها ونستغفر أنو جنينا عليها
حنبقى نحييك في عاشوراء ونضرب نفسنا بي السلاسل لمن يسيل مننا الدم عشان يغسل جرمنا في حقك
وفي عيد ميلادها حنتذكرها وكيف أننا قوفنا سلبيين نعايين من بعيد وشفناهم بيدفنوها وأخاف ذي لمن المسيح صلبوه (ما صلبوه وما شنقوه) كان بين العامة كمان غوغاء هللوا وفرحو.

سامحينا يا الموؤدة فعزاؤنا أن إلتقينا في سبوعك، وعلى أن نلتقي في أربعينك وفي تأبينك الأول والتاني وحتى الأخير


بي صوت عالي ليكم يا أمجد وللمجدلية:
أقول شكرن بشوفا قليلة
ما كان أمتع وأجمل ليلة
كان فيها رجال أعز قبيلة
فرسان سودانيات زايناهم أغلى نبيلة (المجدلية)

همسة:
الأحباء بورداب الإمارات
قلت ليكم بدخل وبطلع، ماني هلالابي والازرق عندو الجاذبية.
ودي ماها الأولى ولا الأخيرة بس أحسوب لمن تفوت المية.


همسة
جيت عشان أعاين ما تقولو جيت عشان أطاعن


ملحوظة: حاولت أخت الموضوع دا كمداخلة لأمجد في بورداب الإمارت
وكذلك أن أنزل صورة، بس فشلتا
(لبسة في السودان إسمها ........... فشلت)

[معتصم الطاهر]

مرحب بالطلة

وبالصوت القوى ..

لسنا فى حداد ..

و لا أظنك ستسكن فى بيت أبيك أبدا ..

فستفرع منه بيتك وبيت اختك ..

دع الندبة .. واركب معنا ..

[بابكر مخير]

المشاركة الأصلية كتبت بواسطة معتصم الطاهر

مرحب بالطلة

وبالصوت القوى ..

لسنا فى حداد ..

و لا أظنك ستسكن فى بيت أبيك أبدا ..

فستفرع منه بيتك وبيت اختك ..

دع الندبة .. واركب معنا ..

شكرا يا هندسة والسلام موصول لجواهر الأفئدة قوت القلوب
جيت ووصلت لين مطار الدوحة وإتذكرتا شفتك في مداخلة وإفتكرتا أنك كاتبها من السودان،،، قمت رجعتا في الطيارة ذاتا.
(في الحقيقة وصلت الدوحة والمطار بس ترانزيت، لكن لو كنت دخلتا، كنت لبيت دعوة السيدة زوجكم،، ما إدعمتا معازيم البورداب في العالم)

الحبيب الموؤدة، ما قامت بعاتي، لكناه إتولدت من جديد، سمحة وجميلة، ما خلود ختا فيها حسو وروحو وفهمو، بس لازماها طولت بال.
وبيت أبوي!! إن ما سكنتا فيهو أنا وأختي،، سكنو فيهو أخوات وأخوان
وبرضو هنا وهناك في الحبان

همسة
بقتبس، بقول كلمة من قاموس خلودي الأصيل
شكرا للرد، يا هندسة، يا رجال يا جميل

[abubakr sidahmed]

ياجماعة ما نحن بعد اتفاقية البقط واللا انا غلتان ؟؟ مؤوودة شنو ؟؟ واللا حنيتو لعمائل الاعراب ورجعتو تاني تكتلو في البنيات ؟؟ انا جني وجن واحد يقرب ساي صوب البنيات ؟ اصلو ابو بنات ( يا رافت شوقك في "ابو بت" ما كان زمان ؟ )...؟؟
ركبونا معاكم قطركم دة ...

[رأفت ميلاد]

حبيبنا مخير
صباحك ورد

حمدلله بالسلامة مرتين بالوصول وكلو غربه وإتكتبت علينا . ولا فى موؤدة ولا يحزنون بقى عندنا بيتين وحقنا ما ضاع .. حيرنا القوقل زاتو .
وبعدين بلينا بلاء حسن لا جاملنا لا أدسينا . حتى عكود الكان لابد وكت الحارة كان على أسنة الرماح ..أفو .
نقلب الصفحة ونتم غنانا . كان جاك سهم طاشى رد ليهو بالكوكاب وكلو بلاستيك القلوب عمرااانة والملاح فى صحن واحد ... لاقنك وين وعقبال بيوت ممكونة عمران بسيادوا هنا و هناك "بس أولاد النفيدى" الله يطراهم بالخير الرأسمالية النضيفة والله .

حبيبنا أبوبكر مافى موؤدة ولا حاجة . هى واااحدة وكتلا قريبك الدنقلاوى نميرى (أبو بت) . هسة لما شردنا الجعلى الفشنك أول حاجة فتشت عليها ال (cyprus) لكن وحاتك رجعت حليمة لى قديما بدل العيش قمح .

تعرف يا مخير أبو بكر ده كان فتشتو فى (موسوعة جينس للأرقام القياسية) تلقاه . تخرج من جامعة الخرطوم وعمل مهندس تحت التمرين فى الأشغال شهرين . إسمو طلع فى كشف المعاش الإختيارى .

ما قلت ليكم الحفرة حفرا نميرى .. البشير يادوووب غرق ليها .

مودتى

[abubakr sidahmed]

تعرف يا مخير أبو بكر ده كان فتشتو فى (موسوعة جينس للأرقام القياسية) تلقاه . تخرج من جامعة الخرطوم وعمل مهندس تحت التمرين فى الأشغال شهرين . إسمو طلع فى كشف المعاش الإختيارى .

ما قلت ليكم الحفرة حفرا نميرى .. البشير يادوووب غرق ليها .

يا رافت يا قريبي زولكم الامدرماني (النميري و اوع تقول جاكم من مدني مغترب ) حكمة ربنا اصلو ما حصل استلطاف بيني وبينو حتي ايام مايو الاولي لما الدنيا قامت وقعدت ..كدة بس ما حصل واها بسببو اتغربنا وللمعلومية ما اتخرجت لليوم بسببو .. اصلو بعد سنة 70 قامت ظرابينو ضد طلبة الجامعة وكل يوميين يجي ابوالقاسم راكب دبابة وعايز يخش الجامعة ( مرة واحدة زميلة قالت ليهو دي ما بخشوها بدبابة لكن بقريد وون فمنها كمان ناس المظلات خلو النزول من الجو واتحكرو قدام الجامعة هابطيين ...) اها ابوعاج قال تاني مافي حفلة تخريج ولا راعي جامعة يجي وقلنا الحمدلله اهو الواحد ما يستلم الشهادة منو ...وادونا اها وريقة بالرونيو (اكمل السنوات المقررة لبكالوريوس الشرف في الهندسة ..الخ) وديناها ديوان الخدمة لزوم التوظيف وبعد كام شهر رحنا طلعنا الشهادة الاكاديمية اما دييك الملفوفة ( دي ما الملفوفة بتاعة المطبخ يالناس الصابريين) واهو استمر الحال وفي نهاية 76 قال ابوعاج انو قلبو رضي علي ناس الجامعة وحيعمل حفلة تخريج لاربع دفعات مرة واحدة ورسلو لينا فما مشيت-اكيد ناس نائب الرئيس وجماعة كتار في القصر يكونو مشو - ولا جبت خبر ولذا لا لبست رووب ولا اصورت ولا عندي شهادة البختوها في البرواز...

اها ابو عاج عمل في البربري كدة مع انو برضو بربري ناكر جميل طيب الجعلي دة كان سوي في شنو ...؟؟ داك طلعني معاش واكيد دة كان طلعني زحل ؟ قال موسوعة جنيس ؟ طيب المتعافي دة جنيس كلها ما تكفييه .. اسوء شوارع العالم ..اكبر باعوضة في العالم برعايته.. اكبر مدن عائمة في الاوحال...اوسع كرش ما يملاها جداد الدنيا ..
قال جنيس قال
جنس كلام ..