حصاد الإجازة - محطات -

عكــود · 29-08-2007, 11:52 AM

[align=center]

[/align] [align=center]مئذنة جامع العكوداب - قوز قرافي[/align]

[align=justify]محطة أولى - صالة القدوم:

وصلنا مطار الخرطوم ظهراً . . الصالة واسعة وعدد شبابيك ختم الدخول كثيرة، لكن المستخدم منها كان شباكين فقط، رغم وصول 3 طيّارات في وقت واحد، ولك أن تتخيّل طول الصفين والبطء في الإجراءات.
أمامنا في الصف كانت سيّدة وبصحبتها 3 أطفال، قدّمت الجوازات (4 جوازات) وكرت معلومات القدوم بالنسبة لها، حسب إعتقادها أن الأطفال لا يلزمهم كرت دخول منفصل. أقول قدّمت الجوازات للعسكري وبعدها عينك ما تشوف إلاّ النور . . تلقّت زجرة بصوت عالي من سيادتو ودرس في وجوب إتباع التعليمات وضرورة أن يُرفق مع كل جواز كرت دخول و (أرجعي أمشي عبّي البيانات دي هناك وأقيفي في الصف تاني!).
فيها إيه لو تكلّم بكلّ أدب مدركاً دوره كـ:
1- موظّف يقدّم خدمة لمواطن يتمتّع بحق المواطنة (ما عايز أقول يدفع ضرائب على دائر الملّيم دون مقابل).
2- عنوان بوابة دخول البلد، يفترض فيه أن يعكس الوجه المشرق لجهة عمله للقادمين.
3- سوداني يجب عليه التأدّب مع النساء خاصة التي تصحب أطفالها.

بعدها دخلنا لصالة العفش الفسيحة ذات العربانات الكافية لحمل الشنط التي تنوء بحملها من ملايات وستاير وعدّة وما خفي أعظم . .
و الحق يقال، ما زالت الصالة تحافظ علي بعض من شبابها، لولا سوء الإضاءة والتكييف.
فيها إيه لو بدّلوا اللمبات المحروقة وعملوا صيانة للمكيّفات؟

من الإيجابيّات، إتباع نظام الإسكاننق للعفش بدل التفتيش اليدوي، لكن لو الله غضبان على واحدة من الشِنط واعتقد موظّف الجمارك أن بها ما يستوجب التفتيش اليدوي، فإنها ستتعرّض لوابل من الشخبطة بالطباشير ذو اللون الأخضر (الذي يصعب إزالته مهما اجتهدت بعدها) على جنباتها الأربعة. هذا ما حدث لشنطة تسمى ديبلوماسية كنت أضع فيها الجوازات والتذاكر وبعض الأشياء الخفيفة، فما زالت المسكينة تعاني العدوان الغاشم رغم كل ما بذلنا من مجهودات لتخفيف آلامها.
فيها إيه لو كان عندو إستكر بلون معيّن يضعه بوضوح على القطعة المراد تفتيشها؟
ده حتى كان أحسن له من الطباشير يعمل له حساسية في إيديه.

قال سياحة قال . .

[/align]

[align=center]

[/align] [align=center]معاوية لاحق القش من الجزيري . . يبدو، والله أعلم، أنّه كُداد[/align]

عبد الله علي الحاج بابكر · 29-08-2007, 12:46 PM

يا سلام على القيزان وعلى المآذن وعلى القرير كله.. تعرف صورة القش الكداد دي قربت تخليني اطلب اجازه واسافر ياخي صفاء ونقاء وراحة بال زيها فافي شوف الخضره دي باقيلك تخليليها زول يزهج. اقترح على سودانيات تقدم طلب لى كفيلك عشان يديك اجازه تاني وتجيب لينا الاشياء الجميله دي.

خالد الحاج · 29-08-2007, 02:28 PM

سلامات يا عمدة
قرأت مرة لشخص يشاكي من تجربة مريرة وأنقل علي لسانه :

" صعدنا إلي طائرة سودانير بعد صفوف ومعاملة قاسية قي مطار الخرطوم الدولي.. كانت معي طفلتي ثلاثة أعوام وبدأت في البكاء لأنها كانت تعاني من العطش. بكل براءة ضغطت علي الجرس أعلي الكبينة
أنادي علي المضيفة.. جاءت تتهادي بعد زمن ليس بالقصير وسألتني : في شنو؟
قلت لها أن طفلتي تعاني من العطش ورجوتها أن تأتيني بما يسد رمقها ...
قالت : هوي هوي ما تفتح لي باب موية نحن الفينا مكفينا . ؟؟؟!! "

طبعا لم أستغرب معاملة العسكري فهذا طبع والطبع لا يتغير يا عكود يا أخوي فهو نظام سلوك وتربية.
كنت أسعد الناس بخبر عرض سودانير للبيع.. بلاش عاطفة لا معني لها ناقل وطني ومش عارف شنو؟؟
نريد خدمة تحترم المواطن علي الأقل كزبون دفع من حر ماله لينال تذكرة يفترض من ضمن التكاليف فيها وجبة محترمة وجرعة ماء وابتسامة ...
والتودد عند السودانين يعتبر نوع من النفاق.. ؟؟ المصري يلقاك مبتسما وهو يناديك يا سعادة البي
إتفضل يا إبن النيل ... هذا هو عمله وإن كان في سريرته يقول (البواب إبن الوسخة) لكن لا يهمني سريرة القوم بل ما ينطقون به وما يرتسم علي وجههم..

ما أصعب الإبتسامة في الخدمة العامة في السودان.

واصل يا عمدة خلينا نتهيأ لما سيلقانا فأنا أنوي قضاء أجازة شهر قريبا إن شاء الله في السودان.

معتصم الطاهر · 29-08-2007, 04:47 PM

عكود

سلامات
حمد لله على سلامة وصولك
( عرفنا وصلت متين) الوكت دا كلو انت ما وصلت

تعيش ام ربى ..

omrashid · 29-08-2007, 05:19 PM

عكود سلامات

ومنتظرين بقية المحطات

عكــود · 03-09-2007, 10:04 AM

اقتباس:

ياخي صفاء ونقاء وراحة بال زيها مافي شوف الخضره دي باقيلك تخليليها زول يزهج.

العزيز عبد الله،
الف مراحب بيك في سودانيات الجمال.

هناك زهج مافي يا عبد الله . .
يكفي مرقة من البيت و الجلوس مع أوّل شُلّة قاعدة،
لا تحس ولا يحسّون بأنّك ضيف
سعادتك بهم لا تقل عن سعادتهم بك.

اقتباس:

اقترح على سودانيات تقدم طلب لى كفيلك عشان يديك اجازه تاني وتجيب لينا الاشياء الجميله دي.

إقتراحك سمح بالحيل والله . .
بس لو صلّحتو بتذكرة سفر ذهاب وإياب . .
تكون ما قصّرت تب

عكــود · 03-09-2007, 10:08 AM

اقتباس:

المشاركة الأصلية كتبت بواسطة خالد الحاج

سلامات يا عمدة
قرأت مرة لشخص يشاكي من تجربة مريرة وأنقل علي لسانه :

" صعدنا إلي طائرة سودانير بعد صفوف ومعاملة قاسية قي مطار الخرطوم الدولي.. كانت معي طفلتي ثلاثة أعوام وبدأت في البكاء لأنها كانت تعاني من العطش. بكل براءة ضغطت علي الجرس أعلي الكبينة
أنادي علي المضيفة.. جاءت تتهادي بعد زمن ليس بالقصير وسألتني : في شنو؟
قلت لها أن طفلتي تعاني من العطش ورجوتها أن تأتيني بما يسد رمقها ...
قالت : هوي هوي ما تفتح لي باب موية نحن الفينا مكفينا . ؟؟؟!! "

طبعا لم أستغرب معاملة العسكري فهذا طبع والطبع لا يتغير يا عكود يا أخوي فهو نظام سلوك وتربية.
كنت أسعد الناس بخبر عرض سودانير للبيع.. بلاش عاطفة لا معني لها ناقل وطني ومش عارف شنو؟؟
نريد خدمة تحترم المواطن علي الأقل كزبون دفع من حر ماله لينال تذكرة يفترض من ضمن التكاليف فيها وجبة محترمة وجرعة ماء وابتسامة ...
والتودد عند السودانين يعتبر نوع من النفاق.. ؟؟ المصري يلقاك مبتسما وهو يناديك يا سعادة البي
إتفضل يا إبن النيل ... هذا هو عمله وإن كان في سريرته يقول (البواب إبن الوسخة) لكن لا يهمني سريرة القوم بل ما ينطقون به وما يرتسم علي وجههم..

ما أصعب الإبتسامة في الخدمة العامة في السودان.

واصل يا عمدة خلينا نتهيأ لما سيلقانا فأنا أنوي قضاء أجازة شهر قريبا إن شاء الله في السودان.

سلام يا خال . .
حُسن المعاملة وفن التسويق وتقديم الخدمة . .
ده شعراً ماااا عندنا ليهو رقبة يا خالد ياخوي.
ما لينا في الكار ده أبداً.
الأمثلة بالكوم عند كل واحد فينا . .
وجاييك لأمثلة أخرى . .
وبعض إشراقات أيضاً.

خلّيك متابع.

اقتباس:

هوي هوي ما تفتح لي باب موية نحن الفينا مكفينا

عبد الله علي الحاج بابكر · 03-09-2007, 10:11 AM

عكود
الطمع ودر ما جمع طالبنا بالاجازه كمان نديك تذاكر ...ادوني اجازه انا شوفوا كان ما مشيت بى كرعيني وعمت المالح .. ياخي نحن ترابلي ولاد ترابلي نحب ارضنا بشده نجد نفسنا هناك الدفيق والاشميق والكوريق والكريق والنوريق .
نشيل الطوري ونفك الملوي ونتغدى بالملوخي
يا عكود حبنا للبلد مخالف .. زي مجذوب النوبه الصوفيي ... غرقانين تب.
لك محبتي

عكــود · 03-09-2007, 10:28 AM

اقتباس:

المشاركة الأصلية كتبت بواسطة معتصم الطاهر

عكود

سلامات
حمد لله على سلامة وصولك
( عرفنا وصلت متين) الوكت دا كلو انت ما وصلت

تعيش ام ربى ..

الباش . .
وصول الجتّة بلا روح شِن فايدتا؟
نحمد الله أن عادت إلينا الروح،
وذهب الظمأ
وابتلّت القلوب.

تحياتي لقوت قلبك.

عكــود · 03-09-2007, 10:29 AM

اقتباس:

المشاركة الأصلية كتبت بواسطة omrashid

عكود سلامات

ومنتظرين بقية المحطات

كيفك يا أم راشد . .
باقي المحطّات في الطريق.

آسف للتأخير.

عبد العظيم الطاهر · 03-09-2007, 10:40 AM

اقتباس:

المشاركة الأصلية كتبت بواسطة خالد الحاج

سلامات يا عمدة
قرأت مرة لشخص يشاكي من تجربة مريرة وأنقل علي لسانه :

" صعدنا إلي طائرة سودانير بعد صفوف ومعاملة قاسية قي مطار الخرطوم الدولي.. كانت معي طفلتي ثلاثة أعوام وبدأت في البكاء لأنها كانت تعاني من العطش. بكل براءة ضغطت علي الجرس أعلي الكبينة
أنادي علي المضيفة.. جاءت تتهادي بعد زمن ليس بالقصير وسألتني : في شنو؟
قلت لها أن طفلتي تعاني من العطش ورجوتها أن تأتيني بما يسد رمقها ...
قالت : هوي هوي ما تفتح لي باب موية نحن الفينا مكفينا . ؟؟؟!! "

طبعا لم أستغرب معاملة العسكري فهذا طبع والطبع لا يتغير يا عكود يا أخوي فهو نظام سلوك وتربية.
كنت أسعد الناس بخبر عرض سودانير للبيع.. بلاش عاطفة لا معني لها ناقل وطني ومش عارف شنو؟؟
نريد خدمة تحترم المواطن علي الأقل كزبون دفع من حر ماله لينال تذكرة يفترض من ضمن التكاليف فيها وجبة محترمة وجرعة ماء وابتسامة ...
والتودد عند السودانين يعتبر نوع من النفاق.. ؟؟ المصري يلقاك مبتسما وهو يناديك يا سعادة البي
إتفضل يا إبن النيل ... هذا هو عمله وإن كان في سريرته يقول (البواب إبن الوسخة) لكن لا يهمني سريرة القوم بل ما ينطقون به وما يرتسم علي وجههم..

ما أصعب الإبتسامة في الخدمة العامة في السودان.

واصل يا عمدة خلينا نتهيأ لما سيلقانا فأنا أنوي قضاء أجازة شهر قريبا إن شاء الله في السودان.

في إحدى سفراتي للسودان كنت ممتلئاً بالوطنية لذا قررت مع سبق الاصرار أن بلدي ووطني أولى بهذه الدولارات التي كانت تستفيد منها بلاد أخرى في سفراتي السابقات ...فتيممت صوب الخطوط السودانية في جدة طائعاً مختاراً وحجزت لى مقعداً بعد إستقبلوني بتلك اللا مبالاة وكانت نظراتهم لي تقول ( يا زول إنت الجابك لينا شنو ...؟ ) وسألتهم متى الحضور الى المطار فأجابوا : الساعة السابعة مساءاً والإقلاع في تمام الساعة العاشرة ... فكنت بالمطار من الساعة السادسة والنصف لعلمي بالوساطات و( البريورتي ليست والويتنغ ليست وهذه الاشياء ) فخشيت أن يدردقوني لذلك حرصت على الذهاب باكراً .. بإختصار شديد ... ظللنا جلوس على الكراسي بصالة المغادرة من الساعة السابعة مساءاً حتى الساعة الثامنة صباحاً من اليوم التاني ... قاعدين في الكراسي ... نوم الديك في الحبل ... وصلت الطائرة وأبتهجنا فخرجنا نتدافع لحجز المقعد الأفضل ( طبعا الركوب مش بالارقام ولا يحزنون ) فوجدنا الطائرة مستأجرة وهي تشبه علبة ( البف باف ) تماماً حاجة بيضاء كدا بدون أي شعار وممطوطة زي الكوسة .. هممت بالرجوع ولكن أحد المرافقين لي شجعني على الركوب ... ركبت ... وجدت أن لا أدراج علوية بالطائرة لكي تضع شنطة السامسونايت بل سلك أي والله سلك زي باصات الدروشاب ... بعد أن تكدسنا داخل الطائرة سودانيين على نيجيريين على تشاديين خرج كابتن الطائرة ومعه المضيفات .. خرجوا لكي يتفرجوا علينا وتعلو وجوههم تلك الابتسامة التي تحسها كالخنجر تماماً وهي تخترق منك الفؤاد ... ومن يومي داك حلفت ما أبقى وطني في السفر

عكــود · 03-09-2007, 12:35 PM

اقتباس:

يا عكود حبنا للبلد مخالف .. زي مجذوب النوبه الصوفيي ... غرقانين تب.
لك محبتي

مدد يا شيخنا عبد الله . . مدد
وما أعظمه من إنجذاب.

جاييك بالصور البتنقر جوّاك.

عكــود · 03-09-2007, 12:38 PM

اقتباس:

وجدت أن لا أدراج علوية بالطائرة لكي تضع شنطة السامسونايت بل سلك أي والله سلك زي باصات الدروشاب

متل أم أسلاك دي يا عبد العظيم . .
إن بقى عندي سلك عريان ما أركبها،

العمر مش بعزقة ياخي.

تشكر على الإضافة والفتل على نفس الحبل.

عكــود · 03-09-2007, 12:41 PM

محطة ثانية – حوش المغتربين:
[align=justify]
عادة أحرص على عمل إجراءات السفر ودفع "الأتاوات" المفروضة قبل وقت كاف من سفري تفادياً للمفاجآت.
صباحاً بدري يمّمت وجهي شطر البعبع الذي ألفناه ليس عن حب من سكن الديار بل من كثرة الترداد. أسلمت أوراقي ورأسي و 4 جوازات لتقدير المعلوم الذي دفعته دون قولة بِغِم. بعد إكمال المعاملة والمساسقة بين الشبابيك التي تجبرك أن تحني رأسك للموظف/ة حتى تسمع ما تتفضّل به عليك من تعليمات من تحت نخريها، حيث لا مجال لسماع ما تقول وأنت منتصب القامة شامخ الهامة إذ أن صوتها خفيض، ومن المؤكد ليس عن خفر، كما أن الميكرفونات في الصالة تصدح بصوت عال "نحن من نفر عمّروا الأرض أينما قطنوا – رحمك الله يا العطبراوي". بالمناسبة، شيخ محمد بن راشد، في واحدة من زياراته لإحدى المصالح العندها تعامل مع الجمهور، كسّر بنفسو كل الشبابيك التي تُجبر المُراجع أن يحني رأسه.
المهم، بقينا على صف التأشيرة، الصف كان أطول من المعتاد، وإذا عُرِف السبب، بطل العجب، "فالشبكة طاشة"، عبارة يعرفها كل من فتح الله عليه بزيارة ذلك المبنى، يعني الكمبيوتر ما شغّال وما معروف يرجع يشتغل متين، لأنّو التحكم من وزارة الداخلية.
فوّضت أمري للـ لا نام لا أكل طعام وطبقت أوراقي متخارجاً، ولسان حالي يقول " بسيطة . . ما فضّل شي غير ختم التأشيرة وما بيستغرق عملها أكتر من ربع ساعة".
فهل صدق لسان حالي؟[/align]
أواصل المحطة التانية لإيراد موقفين . .
واحد مُحبط ويقوّم العصبي،
والتاني مُشرِق وينعش الأمل.

mamkouna · 03-09-2007, 12:44 PM

كيفك يا عكود و كيف أخبارك؟

غايتو أنا و زوجي الممكون حصُلنا قطرك دا في آخر محطة..!
كانت فرصة سعيدة جداً...
إنشالله دايماً ملمومين في الخير..
و دايماً تامين..و دايماً سالمين.

29-08-2007, 11:52 AM	#[1]
عكــود Administrator	حصاد الإجازة - محطات - [align=center][/align] [align=center]مئذنة جامع العكوداب - قوز قرافي[/align] [align=justify]محطة أولى - صالة القدوم: وصلنا مطار الخرطوم ظهراً . . الصالة واسعة وعدد شبابيك ختم الدخول كثيرة، لكن المستخدم منها كان شباكين فقط، رغم وصول 3 طيّارات في وقت واحد، ولك أن تتخيّل طول الصفين والبطء في الإجراءات. أمامنا في الصف كانت سيّدة وبصحبتها 3 أطفال، قدّمت الجوازات (4 جوازات) وكرت معلومات القدوم بالنسبة لها، حسب إعتقادها أن الأطفال لا يلزمهم كرت دخول منفصل. أقول قدّمت الجوازات للعسكري وبعدها عينك ما تشوف إلاّ النور . . تلقّت زجرة بصوت عالي من سيادتو ودرس في وجوب إتباع التعليمات وضرورة أن يُرفق مع كل جواز كرت دخول و (أرجعي أمشي عبّي البيانات دي هناك وأقيفي في الصف تاني!). فيها إيه لو تكلّم بكلّ أدب مدركاً دوره كـ: 1- موظّف يقدّم خدمة لمواطن يتمتّع بحق المواطنة (ما عايز أقول يدفع ضرائب على دائر الملّيم دون مقابل). 2- عنوان بوابة دخول البلد، يفترض فيه أن يعكس الوجه المشرق لجهة عمله للقادمين. 3- سوداني يجب عليه التأدّب مع النساء خاصة التي تصحب أطفالها. بعدها دخلنا لصالة العفش الفسيحة ذات العربانات الكافية لحمل الشنط التي تنوء بحملها من ملايات وستاير وعدّة وما خفي أعظم . . و الحق يقال، ما زالت الصالة تحافظ علي بعض من شبابها، لولا سوء الإضاءة والتكييف. فيها إيه لو بدّلوا اللمبات المحروقة وعملوا صيانة للمكيّفات؟ من الإيجابيّات، إتباع نظام الإسكاننق للعفش بدل التفتيش اليدوي، لكن لو الله غضبان على واحدة من الشِنط واعتقد موظّف الجمارك أن بها ما يستوجب التفتيش اليدوي، فإنها ستتعرّض لوابل من الشخبطة بالطباشير ذو اللون الأخضر (الذي يصعب إزالته مهما اجتهدت بعدها) على جنباتها الأربعة. هذا ما حدث لشنطة تسمى ديبلوماسية كنت أضع فيها الجوازات والتذاكر وبعض الأشياء الخفيفة، فما زالت المسكينة تعاني العدوان الغاشم رغم كل ما بذلنا من مجهودات لتخفيف آلامها. فيها إيه لو كان عندو إستكر بلون معيّن يضعه بوضوح على القطعة المراد تفتيشها؟ ده حتى كان أحسن له من الطباشير يعمل له حساسية في إيديه. قال سياحة قال . . [/align] [align=center][/align] [align=center]معاوية لاحق القش من الجزيري . . يبدو، والله أعلم، أنّه كُداد[/align]
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

29-08-2007, 12:46 PM	#[2]
عبد الله علي الحاج بابكر :: كــاتب جديـــد ::	يا سلام على القيزان وعلى المآذن وعلى القرير كله.. تعرف صورة القش الكداد دي قربت تخليني اطلب اجازه واسافر ياخي صفاء ونقاء وراحة بال زيها فافي شوف الخضره دي باقيلك تخليليها زول يزهج. اقترح على سودانيات تقدم طلب لى كفيلك عشان يديك اجازه تاني وتجيب لينا الاشياء الجميله دي.
عبد الله علي الحاج بابكر :: كــاتب جديـــد ::

29-08-2007, 02:28 PM	#[3]
خالد الحاج :: كــاتب نشــط::	سلامات يا عمدة قرأت مرة لشخص يشاكي من تجربة مريرة وأنقل علي لسانه : " صعدنا إلي طائرة سودانير بعد صفوف ومعاملة قاسية قي مطار الخرطوم الدولي.. كانت معي طفلتي ثلاثة أعوام وبدأت في البكاء لأنها كانت تعاني من العطش. بكل براءة ضغطت علي الجرس أعلي الكبينة أنادي علي المضيفة.. جاءت تتهادي بعد زمن ليس بالقصير وسألتني : في شنو؟ قلت لها أن طفلتي تعاني من العطش ورجوتها أن تأتيني بما يسد رمقها ... قالت : هوي هوي ما تفتح لي باب موية نحن الفينا مكفينا . ؟؟؟!! " طبعا لم أستغرب معاملة العسكري فهذا طبع والطبع لا يتغير يا عكود يا أخوي فهو نظام سلوك وتربية. كنت أسعد الناس بخبر عرض سودانير للبيع.. بلاش عاطفة لا معني لها ناقل وطني ومش عارف شنو؟؟ نريد خدمة تحترم المواطن علي الأقل كزبون دفع من حر ماله لينال تذكرة يفترض من ضمن التكاليف فيها وجبة محترمة وجرعة ماء وابتسامة ... والتودد عند السودانين يعتبر نوع من النفاق.. ؟؟ المصري يلقاك مبتسما وهو يناديك يا سعادة البي إتفضل يا إبن النيل ... هذا هو عمله وإن كان في سريرته يقول (البواب إبن الوسخة) لكن لا يهمني سريرة القوم بل ما ينطقون به وما يرتسم علي وجههم.. ما أصعب الإبتسامة في الخدمة العامة في السودان. واصل يا عمدة خلينا نتهيأ لما سيلقانا فأنا أنوي قضاء أجازة شهر قريبا إن شاء الله في السودان.
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

29-08-2007, 04:47 PM	#[4]
معتصم الطاهر :: كــاتب نشــط::	عكود سلامات حمد لله على سلامة وصولك ( عرفنا وصلت متين) الوكت دا كلو انت ما وصلت تعيش ام ربى ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

29-08-2007, 05:19 PM	#[5]
omrashid :: كــاتب نشــط::	عكود سلامات ومنتظرين بقية المحطات
omrashid :: كــاتب نشــط::

03-09-2007, 10:11 AM	#[8]
عبد الله علي الحاج بابكر :: كــاتب جديـــد ::	عكود الطمع ودر ما جمع طالبنا بالاجازه كمان نديك تذاكر ...ادوني اجازه انا شوفوا كان ما مشيت بى كرعيني وعمت المالح .. ياخي نحن ترابلي ولاد ترابلي نحب ارضنا بشده نجد نفسنا هناك الدفيق والاشميق والكوريق والكريق والنوريق . نشيل الطوري ونفك الملوي ونتغدى بالملوخي يا عكود حبنا للبلد مخالف .. زي مجذوب النوبه الصوفيي ... غرقانين تب. لك محبتي
عبد الله علي الحاج بابكر :: كــاتب جديـــد ::

03-09-2007, 12:41 PM	#[14]
عكــود Administrator	محطة ثانية – حوش المغتربين: [align=justify] عادة أحرص على عمل إجراءات السفر ودفع "الأتاوات" المفروضة قبل وقت كاف من سفري تفادياً للمفاجآت. صباحاً بدري يمّمت وجهي شطر البعبع الذي ألفناه ليس عن حب من سكن الديار بل من كثرة الترداد. أسلمت أوراقي ورأسي و 4 جوازات لتقدير المعلوم الذي دفعته دون قولة بِغِم. بعد إكمال المعاملة والمساسقة بين الشبابيك التي تجبرك أن تحني رأسك للموظف/ة حتى تسمع ما تتفضّل به عليك من تعليمات من تحت نخريها، حيث لا مجال لسماع ما تقول وأنت منتصب القامة شامخ الهامة إذ أن صوتها خفيض، ومن المؤكد ليس عن خفر، كما أن الميكرفونات في الصالة تصدح بصوت عال "نحن من نفر عمّروا الأرض أينما قطنوا – رحمك الله يا العطبراوي". بالمناسبة، شيخ محمد بن راشد، في واحدة من زياراته لإحدى المصالح العندها تعامل مع الجمهور، كسّر بنفسو كل الشبابيك التي تُجبر المُراجع أن يحني رأسه. المهم، بقينا على صف التأشيرة، الصف كان أطول من المعتاد، وإذا عُرِف السبب، بطل العجب، "فالشبكة طاشة"، عبارة يعرفها كل من فتح الله عليه بزيارة ذلك المبنى، يعني الكمبيوتر ما شغّال وما معروف يرجع يشتغل متين، لأنّو التحكم من وزارة الداخلية. فوّضت أمري للـ لا نام لا أكل طعام وطبقت أوراقي متخارجاً، ولسان حالي يقول " بسيطة . . ما فضّل شي غير ختم التأشيرة وما بيستغرق عملها أكتر من ربع ساعة". فهل صدق لسان حالي؟[/align] أواصل المحطة التانية لإيراد موقفين . . واحد مُحبط ويقوّم العصبي، والتاني مُشرِق وينعش الأمل.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

03-09-2007, 12:44 PM	#[15]
mamkouna :: كــاتب نشــط::	كيفك يا عكود و كيف أخبارك؟ غايتو أنا و زوجي الممكون حصُلنا قطرك دا في آخر محطة..! كانت فرصة سعيدة جداً... إنشالله دايماً ملمومين في الخير.. و دايماً تامين..و دايماً سالمين.
mamkouna :: كــاتب نشــط::	التوقيع: ممكوووووووووووووووونة...و...صاااااااااااابرة!!!!