بداخل كل انسان شيطان..

[imported_فتحي مسعد حنفي]

بداخل كل انسان شيطان يسمونه القرين وكل انسان هو وحظو.ممكن يكون جن صالح زي بتاع النور وممكن يكون ابليس زي بتاع طارق الحسن وممكن يكون قرين متردد مرة كويس ومرات متلاعب..أنا غايتو شيطاني صعلوك من النوع المتلاعب مرة يكون في منتهي العقل ومرات بجيب معاهو أصحابو الأبالسة ويخليني أنا ذاتي ما عارف البسوي فيهو شنو..
ايه رأيكم ندي كل زول فرصة يورينا نوع القرين المعاهو حسب احساسو الخاص وبأمانة..ونجاول نعرف هل الانسان يستطيع أن يأثر في قرينه السيئ ويخليهو يتعدل ولا الحصل حصل وياهو سيك سيك معلق فيك.وأما بذكر الله ترتاح القلوب

[imported_طارق الحسن محمد]

المشاركة الأصلية كتبت بواسطة فتحي مسعد حنفي

بداخل كل انسان شيطان يسمونه القرين وكل انسان هو وحظو.ممكن يكون جن صالح زي بتاع النور وممكن يكون ابليس زي بتاع طارق الحسن وممكن يكون قرين متردد مرة كويس ومرات متلاعب..أنا غايتو شيطاني صعلوك من النوع المتلاعب مرة يكون في منتهي العقل ومرات بجيب معاهو أصحابو الأبالسة ويخليني أنا ذاتي ما عارف البسوي فيهو شنو..
ايه رأيكم ندي كل زول فرصة يورينا نوع القرين المعاهو حسب احساسو الخاص وبأمانة..ونجاول نعرف هل الانسان يستطيع أن يأثر في قرينه السيئ ويخليهو يتعدل ولا الحصل حصل وياهو سيك سيك معلق فيك.وأما بذكر الله ترتاح القلوب

امكن يكون جن صالح زي بتاع النور

والله ياخواجة قريت دى

وممكن يكون ابليس زي بتاع طارق الحسن

طوالى اتوقعت دى

والله ياخواجة ابدا ما بتخذلنى




تخريمة :
حقيقة امبارح القريبة
طلع شيطانى لمن استغربت
......
لكن هل تعتقد انه مرات بنحتاج
او بنكون غصبا عننا
اقرب للشواطين

[imported_يحي عثمان عيسي]

بسم الله الرحمن الرحيم

مالك علينا يا ود حنفي
فعلا شيطانك لعبنجي عشان كده فتحت بوست ذي ده

[imported_فتحي مسعد حنفي]

المشاركة الأصلية كتبت بواسطة طارق الحسن محمد

والله ياخواجة قريت دى




طوالى اتوقعت دى

والله ياخواجة ابدا ما بتخذلنى




تخريمة :
حقيقة امبارح القريبة
طلع شيطانى لمن استغربت
......
لكن هل تعتقد انه مرات بنحتاج
او بنكون غصبا عننا
اقرب للشواطين

أكيد غصبا عننا وغصبا عنو والا شيطانك كان زمان قدم استقالتو وشرد

[imported_فتحي مسعد حنفي]

[QUOTE=يحي عثمان عيسي;367618]بسم الله الرحمن الرحيم

مالك علينا يا ود حنفي
فعلا شيطانك لعبنجي عشان كده فتحت بوست ذي ده


ليه يايحي ياخ أنا كايس لي طريقة الناس يعلقوا تصرفاتم الغلط في القرين المسكين وبالمناسبة في ناس كتار ما حيجو قريب للبوست دا عشان عارفين انهم حيضطروا يكضبو وينكشفو..بعني مثلا بابكر عباس يجي يقول شنو..الزول دا عامل مشاكل شديدة لي قرينو:]

[imported_آبري]

سلام للجميع

...
انا غايتو حقي شكاني لي إب.....


يسوي شنو غلبو يتعايش معاي




كسره
ما قلتو نوبه

[imported_فتحي مسعد حنفي]

المشاركة الأصلية كتبت بواسطة آبري

سلام للجميع

...
انا غايتو حقي شكاني لي إب.....


يسوي شنو غلبو يتعايش معاي




كسره
ما قلتو نوبه

غايتو آبري دا محتاج يبل قرينو في الأول وبعدين يحدد أبيض ولا أحمر يازول في ذمتك وين شفت ليك حلبي نوباوي

[imported_nezam aldeen]

حنفي سلامات وعوافي
‏
والله ياخ اديتني فكرة إني اتبحر في دنيا القرين الراكب الناس اجمعين
‏
هل الإبليس دا بتلدو أمو الإبليسة في يوم ولادة القرين حقو وطوالي توش بدخلو في الزول يسمو يوم سمايتو ويرضع معاهو لبن أمو ويكونو اخوان في الرضاعة وبعد داك يتربى معاهو ؟
والا بعد الزول يكبر القرين بيعزل الزول اليركبو على مزاجو ؟
‏
بعدين الكعب الفي كراع الزول ياهو دا الأسانسير البركب بيهو الشيطان للزول عشان كدة سموهو كعب الإنسان ؟
‏
‏
ولما يموت الإنسان القرين دا برضو بموت والا بطلع منو يشوف زول تاني ؟ في الحالة دي السؤال بيطرح نفسو في زول عندو اكتر من قرين ؟؟

[imported_آبري]

اقتباس:
المشاركة الأصلية كتبت بواسطة فتحي مسعد حنفي

غايتو آبري دا محتاج يبل قرينو في الأول وبعدين يحدد أبيض ولا أحمر يازول في ذمتك وين شفت ليك حلبي نوباوي




الكسره اناجي بها قريني

[imported_زكي عبد الحي]

عمو فتحي
رايك شنو نتبادل
اديك حقى ده جنو نوم لما مكرهني

[imported_فتحي مسعد حنفي]

المشاركة الأصلية كتبت بواسطة محي الدين عوض نمر

حنفي سلامات وعوافي
‏
والله ياخ اديتني فكرة إني اتبحر في دنيا القرين الراكب الناس اجمعين
‏
هل الإبليس دا بتلدو أمو الإبليسة في يوم ولادة القرين حقو وطوالي توش بدخلو في الزول يسمو يوم سمايتو ويرضع معاهو لبن أمو ويكونو اخوان في الرضاعة وبعد داك يتربى معاهو ؟
والا بعد الزول يكبر القرين بيعزل الزول اليركبو على مزاجو ؟
‏
بعدين الكعب الفي كراع الزول ياهو دا الأسانسير البركب بيهو الشيطان للزول عشان كدة سموهو كعب الإنسان ؟
‏
‏
ولما يموت الإنسان القرين دا برضو بموت والا بطلع منو يشوف زول تاني ؟ في الحالة دي السؤال بيطرح نفسو في زول عندو اكتر من قرين ؟؟

تعرف يامحي الدين انت فتحت باب نقاش أبدا ما ساهل وبدخل الزول في سكك تخلي الكيزان يجو يعملو معانا مشاكل.
غايتو أنا حأقول ليك رأيي الشخصي الوصلت بيهو لتحليل دخلني في مشاكل قبل كدا مع أنيس منصور الكان بيكتب عن موضوع تناسخ الأرواح بطريقة خبيثة جدا وذكر حكايات عن ناس قالو انهم كانوا عايشين قبل كدا في أزمان سابقة حكوا حكايا ثبت انها صحيحة وما ممكن زول يعرفا الا الزول العاشا فعلا.وكان ردي عليهو كاللآتي:
هناك مجموعة من الجن مهمتهم أن يكونوا قرناء لبني البشر وعند موت الانسان يصبح قرينه خالي شغل الي أن تأتي الفرصة ليستلم انسان آخر يوم ولادته.
هناك ناس نقول عنهم ان نجمهم خفيف أي انهم يتمتعون بشفافية زائدة تجعلهم في اتصال بالقرين الذي الذي يلازمهم فمنهم من يعلم تفاصيل ما لا يراه وذلك بمساعدة القرين ونقول عنهم مخاويين.
وفي حالة الاتصال العجيب بين الانسان وقرينه يستطيع الشخص رؤية الذكريات التي يفكر فيها القرين من حياة سابقة ويستطيع أن يصف هذه الحياة بدقة شديدة دون أن يجد تفسيرا لذلك فمثلا يتذكر انه كان يعيش في مكان آخر وباسم مختلف وانه كان جندي في الحرب ويتذكر كيف قتل في تلك الحرب..طبعا أنيس منصور لم يرد علي لأن نظريتي تنسف نظريته منطقيا فآثر الصمت..

[imported_فتحي مسعد حنفي]

المشاركة الأصلية كتبت بواسطة زكي عبد الحي

عمو فتحي
رايك شنو نتبادل
اديك حقى ده جنو نوم لما مكرهني

أنا شخصيا ما عندي مانع عشان عندي مشكلة نوم وما بنوم قبل ما أصللي الفجر حتي لو عندي شغل سبعة صباحا..يللا كلم قرينك وأخد رأيو عشان ممكن يلاوز مني ويعتبر الشغل معاي كلو أوفر تايم

[عبدالمنعم الطيب حسن]

المشكلة قريني ما بياخد اي قرار
ينتظرني اخد القرار
ويطلعني غلطان
ويبدا في الانتقاد
وبتاع سهر برضو

[imported_زول الله]

المشاركة الأصلية كتبت بواسطة فتحي مسعد حنفي

هناك مجموعة من الجن مهمتهم أن يكونوا قرناء لبني البشر وعند موت الانسان يصبح قرينه خالي شغل الي أن تأتي الفرصة ليستلم انسان آخر يوم ولادته.

وفي حالة الاتصال العجيب بين الانسان وقرينه يستطيع الشخص رؤية الذكريات التي يفكر فيها القرين من حياة سابقة ويستطيع أن يصف هذه الحياة بدقة شديدة دون أن يجد تفسيرا لذلك .

عمنا فتحي بالله ماتفتح لينا بوست زي دا وتاكلنا حنك ساكت وتتخارج
تعال واصل في الحتة دي بالله و بــ إسهااااب ... شفت إسهاب دي كيف؟؟
كلامك بجرجر الزول لـ حتات ضيقة شديد
منتظرين يامقترن













اقول قولي هذا واستغفر الله لي ولك ياخالد الحاج..............

[imported_فتحي مسعد حنفي]

المشاركة الأصلية كتبت بواسطة زول الله

عمنا فتحي بالله ماتفتح لينا بوست زي دا وتاكلنا حنك ساكت وتتخارج
تعال واصل في الحتة دي بالله و بــ إسهااااب ... شفت إسهاب دي كيف؟؟
كلامك بجرجر الزول لـ حتات ضيقة شديد
منتظرين يامقترن

اقول قولي هذا واستغفر الله لي ولك ياخالد الحاج..............

يعني انت ياذكي داير تقرن فيني بدرالدين ومحمد فرح وانت تقعد تتفرج..
يازول أنا البوست دا فتحتو ليكم انتو مش عشان أشتغل فيهو ون مان شو.
كان عندك كلام كبو هنا ولو فيهو حاجة تستحق التعقيب بجي أعقب وتكون انت المسئول..